5.3. 我怎樣由成田機場出市區 ?
東京 成田空港 [中] 有兩個 Terminal, 每個 terminal 都會處理不同的航空公司, 因此臨行前要小心查看自己的航機是在哪一個 terminal 升降, 否則就會浪費時間. 請在成田空港網頁查看在各 terminal 停泊的航空公司. 空港內亦有穿梭巴士來往兩個 terminal.
由於路途遙遠, 以及往返機場的道路都經常性塞車, 請預備起碼一個半至二小時的交通時間. 我不建議各位乘坐的士出入機場至市區, 因為與坐班次頻密而且直到市內不同地區的 Airport Limousine 無特別大分別.
下面表列有幾種機場交通工具. 如果需要購票的話 , 在入境大堂直行見到下圖橙色 counter 就係所有交通的一站式服務台, 以下三種交通工具均可在此購票 (JR pass 除外), 在入境大堂落一層亦有 JR 及京成的專用售票處:
-
Narita Express N'Ex 列車可直達東京市內的東京站, 新宿站, 池袋站或甚至遠至横濱, 一般車程為80 分鐘左右. 由於 N'Ex 係 JR 東日本開辦的, 所以 JR Pass 的用者可以免費乘車. 車站位於入境大堂落一層. JR pass 用者請於站內的綠色窗口啟用 JR Pass 及訂位 (在入境大堂落一層, 參考8.1), 至於普通旅客可在相片所示的購票處購買單程票. 值得一提的是新宿站的改進工程仍未完成, 因此行李可能需要人手擡上擡下. 如果行李有相當重量的話不妨乘坐下面的 Airport Limousine. 此外, 留意 JR 推出了 Suica & NEX 優惠, 國外遊客可以 3500円的價錢乘坐 Narita Express 及取得一張 2000円的 Suica 咭 (含 500円按金). 不過此優惠只限由成田機場往東京的乘客, 回程是沒有的.
-
京成 Skyliner / 京成本線
京成 Skyliner 係便宜而快速的機場交通到東京的上野或日暮里, 如果需要去池袋或新宿 , 在日暮里或上野轉乘山手線就可. 車站與 N'Ex 在同一層, 只要依指示就到 (不要去錯月台 !!!). 日暮里站不算大, 為免在站內排隊買 JR 的車票, 建議在機場京成售票處買票時同售票員講明坐 Skyliner 轉車去池袋或新宿, 職員會給你一張車票直通到目的地車站, 因而可減省不少時間. Skyliner 單程車費 1920 円.
京城本線就係比較慢一點的 Skyliner, 不過只係普通客運列車, 並無位置放行李, 分別就如香港的機場快線及東涌線. 參考 路線圖 左面, 可在成田空港乘坐紅色的特急列車到上野或日暮里, 只比 Skyliner 慢 15 分鐘左右, 單程價錢 1000 円. 要留意乘車的月台是左面 ( Skyliner 是右面 ), 車輛裝置亦如普通火車一般, 當然如果你有不少行李的話, 乘坐 Skyliner 或 Limousine 會較佳.
坐京成線出新宿有另一個做法, 乘坐京成本線特急列車在京成八幡, 出閘去本八幡站轉乘地下鐵都營新宿線 (綠色線) 直抵新宿. 由於京城八幡跟本八幡站有一段距離, 故此適宜少行李的旅客.
-
Airport Limousine
坐 Airport Limousine 雖然要塞車, 但好處係你不用煩惱你的行李, 因為你住的酒店分分鐘都會停 Limousine, 就算唔係, 你都只須將行李帶到站頭, 站務員就會幫你扛上車 (如果你坐過 N'Ex 去到新宿站, 你就會知將行李由閘口搬去月台係幾咁辛苦一回事). 另外, 新宿西口京王百貨外亦有一個 counter, 亦係新宿 Limousine 上落客的地點. 如果你需要往羽田機場的話坐 Limousine 是最直接的方法.
迴響: (65). 引用:(0). 靜態連結網址. 更新 2008.08.22, 17:12
1. 小譚 | 2010.05.20 at 20:56
你click 番入去上面各會社的網頁就有小童票的價錢了。
2. Kit | 2010.05.20 at 13:16
譚先生﹐首先謝謝你那麼快覆我。
不過﹐我還有一個問題想請你賜教的。
由於Suica & N'EX不提供兒童票﹐那麼我的三歲小朋友是否要替他買一張成人票﹖是否所有由成田機場去東京中心的交通(Skyline , limousine 等等)都是成人/小童一律價錢呢﹖先謝。
3. 小譚 | 2010.05.19 at 20:51
我唔覺得有。。。
不過search 到呢個
http://www.doraemon-miraiten.jp/
不過唔一定doraemon 係主角。。。
4. Kit | 2010.05.19 at 12:45
譚先生﹐請問東京有沒有叮噹(多拉A夢)樂園或它的博物館呀﹖
5. 小譚 | 2010.04.07 at 20:00
無咩特別係最好的方法，只係在乎你想唔想轉車同埋想唔想塞車。
1. Narita Express 上車o個度由太子行過去都幾遠下，如果你行李重的話都幾係野。
2. Airport Limousine 在西口那邊坐，行得少d，行李唔駛成日拎，而且班次比NEX 多好多，當然最大問題係好大機會塞車。
3. 坐山手線去上野轉京成電鐵／skyliner，好處係平d同快d，而且你可以諗早上在上野locker放下行李再行街，到差不多時候就坐車。當然，最大問題係要轉車同麻煩。
我自己就最常用2，因為拎行李係最大件事。
6. Grace | 2010.04.07 at 17:14
小譚
如果由新宿太子酒店到成田機場，請問最好的交通方法是什麼(可能有很多行)?謝謝。
7. 小譚 | 2010.03.10 at 19:33
無錯，最直接應該就係咁。
京成上野行去JR 上野唔係太難的，距離就是這張相咁樣，不過會日曬雨淋o者。
http://piggus.net/japan/gallery/3/P1050141%20copy.jpg
JR上野站好大，睇清楚指示就可以。你應該要坐長野新幹線Asama 號的。
8. ps | 2010.03.10 at 01:37
你好,我想問一問,如果我要由成田機場去輕井澤,是否要先坐京成本線到上野,跟住再由行到上野JR坐到輕井澤, 會唔會好複雜,一個人會迷路嗎???thanks
9. 小譚 | 2007.08.28 at 01:26
即是在不同月台轉車
10. pi | 2007.08.27 at 21:05
先感謝解答!!
其實jr線乘り換え又係咩?
11. 小譚 | 2007.08.26 at 20:28
在日暮里出閘 (改札口), 行去山手線月台, 好簡單的, 無乜特別. 上野要行去 JR 站, 唔係太好.
12. pi | 2007.08.26 at 20:24
你好。
我想問如果搭skyliner出新宿(買飛個時已經講明),咁去到上野/日暮里站應該點?
係咪行jr乘り換え定改札口??
13. 小譚 | 2007.05.13 at 10:58
不如你問問agent 吧, 有些 agent 係送埋俾你的.
14. mosquito | 2007.05.05 at 12:22
已參考了thx!
即係我係hk買coupon,於站務處出示coupon購票就ok?
甘coupon 有幾折?
15. 小譚 | 2007.05.05 at 11:31
你參考了Limousine 的 website 嗎?
http://www.limousinebus.co.jp/ch2/timetable/narita/ikebukuro_h.html
如果你行過新宿西口的話, 可以去那裡的站務處購買.
在香港只可以買 coupon, 不可訂位.
16. mosquito | 2007.05.05 at 01:31
由池袋去機場想搭Limousine
但車飛除左係酒店預訂仲可以係邊到買呢?
另外係香港有得預訂ma?
thx!!
17. 小譚 | 2007.05.04 at 23:22
Limousine 好D. 如果預O岩時間係有一班車在酒店出發的. 就算去新宿西口都只係行兩個街口左右.
18. 自由人 | 2007.05.04 at 16:33
由新宿世紀南塔(hotal century southern tower)去成田機場坐Skyliner or Airport Limousine 好呢?
thx!
19. 小譚 | 2007.03.28 at 23:53
你在 Century Hyatt, 那裡是近大江戶線都廳前站, 同都營新宿線新宿站有一大段距離, 建議你都唔好咁做了.
20. bjmaninhk | 2007.03.28 at 17:05
我會住Century Hyatt,距離JR新宿駅較遠...如果坐京成本線特急列車在京成八幡,轉乘地下鐵都營新宿線會否比較好?京城八幡跟本八幡站要行幾耐先到呢? 都營新宿線行新宿駅過去Hyatt
要行幾耐先到呢?
21. 小譚 | 2007.03.09 at 21:03
! 相應的 website 已經有講了! 麻煩自己找找答案吧!
到達時間是日本時間, 唔一定趕到車.
22. Cat | 2007.03.06 at 21:16
請問N'EX/Skyliner/京城本線有無小童飛？
另外想問坐朝早8:30個班西北去日本，佢話到達時間1330，係咪日本時間呀？咁趕唔趕到 1443去池袋果班N'EX ？
Thanks!
23. 小珊子 | 2007.03.03 at 23:41
hehe,thanks!!
24. 小譚 | 2007.03.03 at 23:34
如果會經過六本木的首都高的話就會塞, 其他地方應該都唔會 (我都話我無由池袋坐過囉...)
25. 小珊子 | 2007.03.03 at 23:30
係呀,另外想問下坐limousine 去機場會唔會塞好耐ga?定係坐N'Ex去機場好呢?
26. 小珊子 | 2007.03.03 at 23:27
謝謝你呀!!
27. 小譚 | 2007.03.03 at 22:56
係行幾耐下的 (15分鐘左右啦), 條街又多人, 個sunshine city 又多人, 拖住個O急行過成個mall 先到酒店,都幾麻煩. 坐limousine 好D, 但我無坐過去池袋,我唔知塞唔塞. T2 有售票的.
28. 小珊子 | 2007.03.03 at 20:58
HELLO, 小譚
本人想問如果by N'EX去sunshine city prince hotel會唔會行好耐(怕一去到池袋後要行好耐先可以去到hotel),另想問下如果by Airport Limousine bus去機場會唔會好塞車呢?
另想問下airport'terminal 2有冇JR售票處呢?
煩請給本人意見by limousine bus or by N'Ex去機場好d呢?
29. 小譚 | 2007.03.02 at 11:46
http://piggus.net/japan/post/3/150
30. Ah Gel | 2007.03.02 at 01:38
Shinjuku Prince and Shinjuku Sunlite, which one is better?
31. 小譚 | 2007.02.04 at 23:01
無巴士去 theatre 咖, check check airport limousine 個 website 吧, 最多只有去池袋太子酒店再行過去. 坐 Skyliner+山手線係一個比較好的選擇.
交通 planning website 請望望本版的左面.
32. JY | 2007.02.04 at 22:56
譚兄你好,
如果我住池袋劇場，我搭巴士好定搭咩好呢? 巴士係咪可以o係酒店門口落呢?
除左yahoo果個網之外，有冇另一個更好o既網可以check到由邊到去邊到o既jr路線呢? 即係會有幾個畀你揀...可以搭咩jr果d，我之前有個幾好的，但唔見左..想問下你有冇^^
唔該哂你呀...tks
33. Sam | 2006.12.14 at 17:55
你好! 我1月6日會去東京, 住新宿sunlite酒店 (近伊勢丹), 請問你覺得我應該搭機場巴士去酒店, 還是JR地鐡比較好?
34. 小譚 | 2006.07.21 at 22:30
非也, 你都係坐去 JR 新宿咖啦. 睇睇呢度:
http://piggus.net/japan/post/3/242
35. 肥肥 | 2006.07.21 at 12:35
請問如果我住的酒店是新宿飛鳥,我是否選擇Airport Limousine最適合呢?酒店附近有站落車嗎?
36. 小譚 | 2006.06.20 at 11:09
放心啦, 在機場工作的人英文溝通不會有問題, 難道無英美加的外國遊客嗎? 你講唔掂地方名的話, 預早寫左先(漢字)再俾佢就得啦.
37. kakkoi | 2006.06.19 at 03:24
The staff in airport know english right??? i afraid i dont know how to buy ticket to tokyo ar!!
38. 小譚 | 2006.06.06 at 08:10
如果你是坐 9 點鐘O個幾班去東京的機, 去到日本通常都係又係幾班機一齊入境, 所以大約要 30 至 40 分鐘, 甚至一小時.
去新宿的話各大交通的 website 都可以 check 到.
39. lance | 2006.06.06 at 01:56
我想問一下係成田機場入境大約會花幾多時間，同埋由成日機場到新宿大約要幾耐？(計埋平均等車時間)
40. tat | 2006.05.21 at 22:35
我住o係成田,出東京多數坐京成線,又快又平,京成線都有分各停,快速,特急,同skyliner,坐特急o既話大概一個鍾已經可以去到日暮里.
41. fab | 2006.05.19 at 18:22
補充︰係最新的東京旅遊全攻略.
42. fab | 2006.05.19 at 18:21
小譚兄︰
原來最新版有講京城本線的資料！
得閒可以睇睇...
但佢話要75分先到日暮里...
不過講真，75分小弟覺得比較合理，始終係停多幾個站...
43. 小譚 | 2006.05.18 at 10:45
呢抽車咪就係你講o個架囉.
1. 對, 小心不要坐錯, 不過好易分別到的.
2. 唔知, 無去過另一個terminal
3. 售票機或係下層的counter(不是上面照片那個). 同佢講去池袋就可以, 或者在日暮里買.
4. 無. 諗住下次試下.
5. 起碼, 除非你無拎行李.
44. fab | 2006.05.18 at 10:36
小譚︰
謝謝你咁快的回答！小弟想再問問係咪以下的列車:
http://www.keisei.co.jp/keisei/tetudou/keisei_ch/html/o_express.html
(個車頭好似會寫住"特快"的...)
另外唔係好明"要留意乘車的月台是左面 ( Skyliner 是右面 )"...這句...
1.其實係咪京成線得兩個月台?會唔會同Narita Express 撈亂？
2.小弟以前係terminal 2撘過skyliner，但terminal 1又如何?都是左邊ma?因為小弟可能撘西北，佢係terminal 1...
3.skyliner就係counter買飛，咁京城本線呢?是否要去售票機自己買?如是的話如何再買jr 山手線飛去池袋等站?
4.譚兄有否撘過京城本線呢？評價如何？和skyliner相比如何?
5.另想問到日本後由落機，做曬所有手續到撘上列車，是否平均都要1小時?
對不起，小弟好長氣又多問題...謝謝!
45. 小譚 | 2006.05.18 at 09:52
無錯, 就好似你坐東涌線同機場快線的分別.
由於列車都是出入機場, 相信都是預左人拎行李的.
46. fab | 2006.05.18 at 03:51
"京城本線就係比較慢一點的 Skyliner, 不過只係普通客運列車, 並無位置放行李"
請問無位置放行李是否代表行李要放在身邊?有行李會否禁止上車的?因為它比skyline平920円，來回就係1840円，平很多，又只差十多分鐘，所以下次去東京想試試。
謝謝!
47. 小譚 | 2006.04.20 at 10:32
京成上野同 JR 上野係唔同地點的站, 要行一小段路, 日暮里就一上一落就可以. 不過日暮里個站細, 大件行李都會幾阻人的.
48. K | 2006.04.19 at 23:33
請問坐skyliner 去新宿, 在上野轉JR是否與在日暮里轉JR 一樣?
Thanks
49. Potato | 2006.04.07 at 23:41
謝謝你回覆!
50. 小譚 | 2006.04.05 at 21:30
我無真係去過, 但 ekikara 話步行 5 分鐘, map 係咁, 其實望落都唔係好遠
http://maps.google.com/maps?f=q&hl=en&q=京成八幡,+千葉&ll=35.722537,139.927636&spn=0.004312,0.010225
你呢個route 好呀, 都只係慢十分鐘, 但只係 1200yen, 同埋近你酒店.