3.10. 冬天去北海道應該穿甚麼 ?
北海道冬天通常都大雪紛飛, 對香港人來說是既陌生又嚮往. 不過由於香港人少去這些地方, 帶甚麼衣服可真費煞思量. 下面會給你少少建議.
以下的裝備是不可少的:
- 保暖大褸: 只要當是香港最冷幾天就可以了. 有毛裡的會比較好. 羽絨雖然可以, 但要輕身為主, 及最好不走毛的, 太大件的走動不方便. 長身大褸的可以遮擋下半身, 預算充足的不妨考慮, 不過無需購買太貴太專業的大褸, 不夠的話穿多兩件衣服吧.
- 頸巾: 由於頸部有非常重要的血管流經, 頸部保暖有助你身體保溫
- 手襪: 手部是外露的肢體, 容易受凍
- 耳套: 大家都會忘記了耳套, 不過耳朵也是外露的肢體, 容易受凍, 因此耳朵保暖也是非常重要的.
由於日本室內暖氣非常強勁, 因此室內外溫差會非常大, 在室內你通常都要脫下外衣, 因此大褸必要輕便, 又或者入室內就將大褸放進收費Locker. 此外, 不要穿著羊毛內衣, SuperWarm 等厚暖的內衣, 因為要脫下來會有很大的難度, 而且乾燥的室內空氣會使你身體非常痕癢.
其他裝備:
- 帽: 可以蓋著耳朵的都可以用, 那就不必用耳套. 如果你的大褸附有帽子的話更好, 因為可以避免被風吹走.
- 傘子: 落雪其實如落雨一般, 不過一般普通的雪都無需要開傘子, 只有暴風雪的日子才會. 其實帽子就好足夠了.
- 衣服: 普通長袖 T-shirt 已經可以, 怕冷的可再加冷衫, 有毛毛的 fleece 保暖效果亦佳. 盡量穿通爽的衣服, 必要時加穿兩件內衣會比單一件厚衣更保暖.
- 褲: 牛仔褲已可以, 雪褲是滑雪用的, 除非你預計會被人掉落雪堆就除外. 不過要留意大雪下牛仔褲濕掉會非常難受, 因此盡量避免大雪走出室外, 以及小心不要滑倒地上. 燈芯絨褲亦可保暖, 不妨考慮一下.
- 裙: 可免則免吧.
- 襪子: 如果汗水濕掉襪子的話, 走出室外吹冷風腳部會非常難受, 因此最好在袋中放一兩雙替換.
- 鞋: 最好穿有"牙"底的鞋子. 平底光滑的皮鞋, 高跟鞋應該避免. 布面的鞋子容易濕水, 都盡量不要穿. 普通波鞋其實已經可以, 除非你要踏進雪堆內, 那就需要穿高筒的鞋子. 如果你覺得你的鞋底光滑的話, 不妨去便利店購買防滑的鞋套.
為甚麼要防滑? 因為很多時雪在路上因車輛或行人走過而溶化形成一層水, 晚上天氣驟降令水結成一層薄冰, 如果早上再落一層雪的話就會蓋著那一層冰了. 如果人一經過, 失去平衡的話就非常容易跌倒, 或車子急剎制的話就會失去控制, 因此要非常小心.
還要注意風冷的問題, Windchill 風冷係指在室外有風的情況下, 越大風, 你所感覺的溫度會比溫度計指示的度數更低, 因為風會帶走熱量. 因此大風的日子走出室外會比落雪的日子更寒冷. 故上面指出穿著有毛裡的衣服, 或穿多幾件衣服會比較保暖, 因為熱會夾在毛毛或衣服夾層中, 不易被帶走.
當然, 個人體質不同, 所能抵受寒冷的程度亦不同, 所以以上的只可作為 guideline, 實際你要去到才真正知道你感覺如何. 當然, 你最好參考天氣預告才出發吧.
迴響: (5). 引用:(0). 靜態連結網址. 發表於 2005.01.29, 22:49
1. 雪姬 | 2006.10.29 at 23:45
係呀,如果有得租咁就唔駛買啦,其實係唔係著牛記就可以架啦,仲想問,有d咩係一定要買既或者係值得買既呢(手信),thanks!!
2. 小譚 | 2006.10.29 at 01:14
我未買過雪褲, 在加拿大咁多年都係著過一次, 其餘全都是著牛仔褲. 如無記錯, 滑雪場應該有得租的 (你係去滑雪咖呵?).
3. 雪姬 | 2006.10.28 at 15:27
想問一問邊到有d平既雪褲買,因為12月中去啦,好似真係好冬,我想都要買定d用品啦,thanks!!
4. 吸濕大白貓 | 2005.02.21 at 02:07
我又講下
上身
1. 不知名牌子的天
2. 綿質樽領衫
3. 厚衛衣 (札幌 )/厚冷衫(道東地區)
4. 雪褸 (裏面有羽絨 down 80%)
下身 (札幌 2至-5度)
1. 牛仔褲
2. 厚襪褲
3. 厚襪
下身 (道東地區 -5度以下)
1. 不知名牌子的雪褲 (旺角賣$79). 其實要玩雪既時候就要著雪褲, 行過厚積雪時, 同埋pat pat坐在冰上完全沒有凍的感覺!
其他
1. 厚冷帽, 真係好重要
2. 手襪, 只有在道東地區才開始戴綿手襪, 因為方便影相, 其實都好少戴, 不過要成日用 hand cream
3. 行山boot, 唔入水好緊要,因為雪在鞋面上,一入室內就會變水.
好後悔沒有帶頸巾,係網走海邊果陣,塊面寒風刺骨另外最好帶多d hand cream, 雪花膏, 因為小妹塊面第一日已經好似比刀劃了一筆咁.
手袋同相機都放在羽絨之後貼身保護,十日來相機都可以操作正常.
有帶暖包去,但係都冇用過.
5. Rukawa | 2005.02.21 at 02:00
小弟今次o既衣著：
1. super warm
2. 樽領厚冷衫
3. 羽絨 (down 80% fill power 700)
4. 雪褸 (淨外層)
5. 牛仔褲/雪褲
6. 保暖褲 (入面)
7. 冷帽 (及耳)、頸巾、手襪
(2) 頸至心口有拉鍊，可解除樽領，(1) + (2) 入室內都尚可接受，係試過2/3間舖開heat比較勁有o的熱到出汗。
札幌無需穿 (4)，(6)。
穿 (4) 時，因 (3) 係 700 所以比較腫脹，建議 down 90% fill power 600。
跟 (4) o黎o既 fleece 始終差件羽絨一皮。
(7) 最好係抓毛，暖好過冷，若女士們想用冷帽 (款靚o的) 可用兩層冷o既，若果唔係一陣風扯埋o黎都幾難頂。
手襪最好唔覺凍都戴，小弟唔覺凍一路無戴，到開始覺凍時隻手已經損o左出血......
正式雪靴小弟估唔駛咁誇張 (當地人會著)，小弟今次著防水 goretex 高身 boot 都 ok (雖然有時都幾跣o下)，美瑛o的雪試過高到膝頭都只係入o左少少雪，當然唔係行好遠。
最後，唔好袋o的緊要o野o係無拉鍊褸袋 (內袋都係)，小弟個手提就係咁唔見......