2.7. 預訂機票套票要注意甚麼 ? (某某) 旅行社可靠嗎 ?
基本上買機票及套票跟你去買電器, 買菜無任何分別, 只不過在於航空界一些獨特的程序所以可能令你覺得無從入手.
首先, 跟航空公司買機票是無需落任何訂金的, 原則上你只要落一個名字, 機位確認後, 在出發前起碼一星期前付足全費就可以取票. 不過套票中的酒店部份通常都要先付款才可確定房間. 如果你想行程編排上比較靈活的話, 最好都是直接跟酒店或日本的訂房網站 預訂. (我應該怎樣訂酒店 ?)
旅行社在預訂機票時要你付小量訂金只因想留客, 免得你每一間旅行社都留一個名字. 大旅行社如果要落訂無可厚非, 但如果小旅行社要你落大訂或甚至立即付全費而不能立即出機票你就要小心了. 它們可能收了你全費而到出發前跟本未確認你的機位, 甚至要你付出更多金錢購買全票, 那就因小失大了.
如果你的機位是確認了的話, 不妨打電話到航空公司機票部查詢你的訂位情況. 不過這方法對於在上面 2.5. 的團票是沒有用的, 因為旅行社通常都是在出發前數天一次過將所有人名資料交給航空公司. 因此如果要放心的話, 最好其實不買這類團票.
有不少人都會要求 agent 在訂機票時預約座位, 但記得, 預約了座位並不代表你一定可以坐到這個座位, 直至你完成了 check-in (網上 check-in 或親身 check-in), 可以取得了登機證, 你的座位才算是決定了. 因此, 不要以為預約了座位就一定有位子, 而且航空公司一般都會有部份機票超賣的情況 (即是賣出機位多於可乘坐人數), 如果班機所有人客都到齊的話, 遲check-in 的乘客就有可能要轉往其他時段的航班. 雖然航空公司通常都會有些現金賠償或 upgrade, 但都會較費時失事; 因此, 如果可以網上 check-in 的話, 就盡量先做了再去機場, 否則, 亦應在起飛前兩小時到達 check-in 櫃位登記.
雖然有時便宜跟可靠兩者並無任何關係, 但便宜的總是吸引人, 亦很多時是一個陷阱. 標榜很便宜的旅行社一般都有幾種營運模式:
- 用超平價引人落訂, 之後說來 / 回日子無機位 / 酒店，要求你加錢出第二種票 / 住第二間酒店
- 用威嚇客人的語氣機位爆滿, 需要付全費或立即落大訂 hold 位
- 壹周刊亦有收到投訴旅行社無故自行替客人更改或取消機位 booking , 並抵賴為航空公司所作, 之後再遊說其轉其他比市價貴的機票
版友大力提供示範聲帶如下:
"哎呀, 唔好意思呀, 酒店覆無房呢, 試下轉間貴的既酒店丫 ..."
"航空公司岩岩覆機位唔確定, 要後備, 但真係機會唔大 ..."
"哎喲, 你兩位出發就無問題, 回程得一張確認到呀 ... "
"要回水就要收手續費, 唔係我地收架, 航空公司規定架 ..."
記得記得記得: 便宜莫貪, 貨比三家, 格價是消費者的責任, 不要因為別人"恐嚇" 機位爆滿而心急落訂或付足全費! 消費者最緊要小心格價 , 大膽求證 , 企硬不公道的交易, 不良商人就無計可施.
迴響: (3). 引用:(0). 靜態連結網址. 更新 2007.08.31, 16:43
1. 隆 MAN LOONG 民 | 2006.03.04 at 16:48
以沈船用開的某大 agent 為例, 如果是特價票, 往往個付款期會短好多 -- Say 可能由落名到 comfirm 只有四星期左右, 不過就算係咁, 個 agent 都話, 到時 firm 唔到唔緊要, cancel 了再來個 rebooking , 咁個 date of comfirm 咪 "復活" -- 又多四星期。不過呢D 真係好睇個 agent 落唔落力, 同埋閣下幫襯果個 agent 多唔多囉~~~
M.V. MAN LOONG 469P
HONG KONG 1975 - 2002
2. 小譚 | 2005.12.29 at 23:49
depends on 你的機票種類, 理論上係唔駛咁快俾哂錢的, 雖然, 你手上已經有哂機票, 但我通常都唔會咁快俾哂錢出票, 因為始終有可能有改動的話就麻煩. 會唔會係因為農曆年所以 agent 會怕麻煩叫你出左就算數呢？
3. BT | 2005.12.29 at 20:20
我農曆年去日本, 十一月頭頂套票, 十一月中付全費, 隔幾天取得機票及酒店資料, 其實是否可以不用那麼快付款?因若要改變航空公司需另外收費 -_-!