富良野
作者 : 小譚是日放晴 !!
今朝在酒店食左個自助早餐後 , 放底行李在酒店就趕早車去札幌 . 札幌坐 JR Lavender Express 直抵富良野 , 琪蓮同埋 Patrick 已經拎左架車o係站度啦 . 走去 Pension Lavender 放底 d 家當就走 .
Pension Lavender 在富良野市區北之峰町 , 其實都算係o係住宅區內 . 北之峰町是在半山上, 好多的酒店同 Pension 其實都不止方便夏天的遊人 , 冬天滑雪場同 Gondola Terminal都只不過幾分鐘步程 . (按: website 不可作 booking, 請聯絡屋主 朝川先生訂房 , 朝川先生懂基本英文)
Pension Lavender 都幾靚 , 只嫌有點兒少少舊. 如果在富良野 JR 站去的話 , 行路都起碼 30 分鐘 , 而且到最後要撐斜路上山 , 所以可以的話請租車或坐市巴士 (一小時左右一班) 或索性住在站附近的商務酒店. 你亦可以坐 中央巴士 ふらの (富良野) 號 在北之峰入口落車, 咁就無由 JR 站行得咁遠.
由於上, 中及富良野的景點非常散 , 因此交通要好好的 plan 一 plan. 請參考下面的 Link.
租車的唔好咁開心住 , 加租的 GPS Navigator 只可以作參考 , 等你初次駕車作為一個 start up, 無論如何你一定要有一個詳細一點的 map (其實好多旅遊點都可以免費或好平的價錢取閱) , 因為個 navigator 係好多時都會找不到你入那個電話 , 或甚至帶錯路 . 自己雙眼先係最佳的伴侶.
即刻飛去 富田農場 , 嘩 , 塞哂車 ! 搵唔到位迫車 , 迫住渣去第度 . 去左附近的 町營Lavender 園. 在町營的 Lavender 園都已經睇到好靚o既薰衣草同花 , 而且都可以坐架小吊車上山 , 因為冬季時呢度係小型的滑雪場 . 不過山上其實都無乜特別 , 只不過可以遠處群山 , 令人開朗 . 午餐就地在Lavender 園旁的咖哩店食 .
食完去左 彩香之里 再睇花 , d 花都開得好燦爛 , 而且天陰陰無乜太陽 , 行得幾舒服 , 不過當然 , 以影相來講梗係無咁好啦 .
之後再踩車去在山中間的 Highland 富良野, 在山谷中亦有一大片薰衣草園, 此處亦係島之下溫泉, 有住宿. 此時開始日落西山 , 又另有一番景象 .
不過琪蓮姐手車認真麻麻 , 上山時差 d 出事 , 因此都要我出馬渣車我呢個差不多十年都無開過車 , 而且仲要係渣開左軑 (加拿大) , 都用左我 一段時間先可以掉番轉個水潑同左右燈制 . 不過都仲好彩 , 我可以肯定我渣得好過佢 .
晚餐在 Pension Lavender 食的西餐 , 非常味美, 住o係那裡真係要試一試 .
- 富良野 Mini 觀光巴士: 兩條路線, 一條係富良野站到 芝士工房, 另一條係循環經過 Wine 工場, 果汁工場 及富田農場
- 富良野巴士 Lavender 號: 可以由旭川坐去富良野, 亦可在富良野站坐去北之峰町
- JR 富良野美瑛夏之旅遊: 有一日遊行程簡介, Lavender Express 資料等等. 由於有季節性, 此網頁冬季時不適用
迴響: (0).
引用:(0).
靜態連結網址.
發表於 2003.07.14, 18:52
[«]
[上一日]
2003 小譚東京北海道豪華遊
[下一日]
[»]