東京
作者 : 小譚是日天陰.
早上雖然好早起身, 但係 me me 摩摩都成 8 點幾先到機場. 班機超爆 , 所以 upgrade 左我地去商務客位 , 而我身為 Marco Polo Club 的 member, 咁就中入左去商務 Lounge 度草草食左個早餐. 食左個白粥同叉燒包 , 雖然食物不算甚麼佳餚美饌 , 居然仲比平時o係機場食o既任何野都好食. 食飽即刻出去 1 號閘登機 , 嘩 … 唔通真係復甦 ? 條龍長到 7 彩 !
上到機安頓好 , 發覺商務位全都滿客. 雖然自己都成日坐飛機 , 但係呢次真係好久以來再次踏足日本, 感覺特別興奮. Brunch 飛機餐一貫精美 , 並無因 cut cost 而減磅 , 有日式前菜, 沙津, 主菜要左點心及小糯米雞 , 再食埋甜品 , 好鬼飽.
航機準時到達 成田機場 , 入境無乜阻滯 , 只係填左張水蛇春咁長的 form o者. 都仲居然有好多人都無填到 , 阻住哂人 ...
在 Arrival hall 一出就見到火車及巴士的票務處 , 係 n 合一 的, 買 Narita Express, 京成 Skyliner 同 Airport Limousine 都可以, 好處係你可以選擇最近出發的車走人, 坐 Limousine 行出出面適當的月台等車就可以. 其實行落樓下都可以直接去火車站票務處 , 無咁多人 tim, 行李車可以直情推落去樓下, 唔駛怕行李會跌. 落到去下面 , 左面的是京成的月台, 右面係 JR 的月台, 不要行錯喔.
今次行李無咁多, 所以坐 Skyliner 出去, 非常爽快, 4 時 15 分左右就到日暮里. 不過日暮里月台同轉車的地方非常小, 大家一齊拎住行李都幾亂咖. 如果你在機場買票時講埋去池袋就會俾埋 JR 車票你, 否則可以在精算處俾錢買 JR 票.
去到池袋依地圖走到 池袋北口東橫 Inn Jr. 東橫 Inn 確是非常抵住 , 房間不算細而且非常企理 , 有勁熱的風筒, 吉的雪櫃, 洗髮水沐浴露牙膏牙刷乜都有哂, 真係帶件衫就可以入去住. 今日非常滿額, 想換番間非吸煙房間都唔得 (雖然其實係無乜煙味 , 勁 !). 房間的 LAN 只要帶個 notebook 同 LAN 線就可以上網 , 樓下亦有一部電腦 + printer , 可以 print print coupon tim.
立即飛出去整碟壽司下午茶先 ! 今日選了池袋東口三越後面的 若貴回轉壽司. 排隊. 半粒鐘. 唔知係咪太肚餓 , 真係好好食 , 呢度係東京十大回轉之一, 唔差呀. 不過問題在於, 師傅做得太多 side order, 放在帶上的壽司都唔係好多, 如果想要食乜野, 即管放膽同師傅講啦 ! (我諗大家都識講 Toro, Iwashi, Aji, Hamachi, Meguro gwa ~ )
接著去 shopping. 行左三越一個圈, 比較老 , 都係坐 JR 出新宿行下. Sale period 其實都算抵 , 好多貨品都 30%, 40%, 50% off. 去左 01CITY 行到 8 點半, 都買左 d 野. 不過時限一過就無 sale 啦 , 普通來講去到 13 號左右就完畢.
晚餐在新宿 つな八 (網八) 食 tempura. 我年年去日本一定要到呢度, 因為香港完全食唔到佢咁正 , 1300 yen 一個 set, 有兩隻蝦, 一條白身魚, 一個蝦餅 , 菜, 白飯 miso 任裝 , 仲想點 ?! 要食飽 d 的仲可以要 1800 yen 或 80 周年紀念 2800 yen set, 一定飽到 x.
(新宿三越後面的街仔係本店 , 破破舊舊的 , 不要去錯)
食飽飽 , 去左藥房同 Family Mart 行左一陣 , 太累啦 , 就番去 lu. 便利店真係無得頂 , 幾時都咁好行 , 仲要梗有一間o係左近. 北口真係比較靜 , 但無乜問題 , 就算有雞雞都係企o係街 (而且係醜o個種 ... 唉) 唔駛理佢地.
訓飽飽 , 聽日改行 Garden Walk Outlet, 明日見 ~
迴響: (0).
引用:(0).
靜態連結網址.
發表於 2003.07.06, 16:57
2003 小譚東京北海道豪華遊
[下一日]
[»]