第六日: 福岡魚市場, 香港
作者 : 小譚尋日打書釘時亦看到福岡其實有個魚市場, 市場內亦有魚生飯, 因此早上慕名去一試.
魚市場在地鐵赤坂駅一號出口出, 見到老麥那邊的十字路口向前行十分鐘左右就是. 不過有個貼示俾大家, 在對面路有間藥房, 裡面賣的比天神的都便宜, 又大間, 有機會去行一行吧.
魚市場並不築地 feel, 係一個好現代化的市場, 而食店都不在場內, 而是在旁邊的市場會館大樓的地下. 去了一間食魚生飯的, 很味美, 但同想像中有一段距離, 是否九州食海鮮都是比較差少少? 還是只能食指定的呢?
食完飯, 坐巴士去天神走一陣就回酒店 pack up, 下午就坐飛機番香港了. 不過記得, 機場的國際 Terminal 係無好野食的, 機場離市區極近, 坐的士亦不為過, 因此最好在城內食完午飯才去機場也不遲呢.
今次去九州, 雖然都有近 6 日時間, 但九州地方大, 交通時間長, 很多地方都去不到, 阿蘇山就因此放棄了, 很可惜. 當然, 以福岡這樣容易去的地方, 價錢又比去東京大阪便宜, 實在有足夠理由短期內再去, 加上九州物產豐盛, 魚牛農產品都新鮮味美, 實在無不去的理由.
後記:
早一日, 去那個 B'z 買卷旦吧? 為甚麼要買卷旦? 香港無得食嗎? 不過你看看那精美的包裝, 加上九州香濃的牛奶做出來的忌廉, 那個會不想食?
(更多照片...)
迴響: (1).
引用:(0).
靜態連結網址.
發表於 2007.11.30, 18:40
[«]
[上一日]
2007 小譚九州紅葉之旅
1. YK Fat | 2008.06.15 at 20:25
多謝您的資料, 在下七月的 仲夏 ＊ 自駕北行の九州 已計劃好初部行程, 酒店及租車亦已在網上做好了預訂手續。
再一次多謝您的分享與支持!
(http://hk.myblog.yahoo.com/ykfat/article?new=1&mid=1922)