第一日: 東京
作者 : 小譚終於到左出發日子, 今次特別d, 因為我二家姐又係同日同班機 (JL730 ETD0955) 去東京, 所以一齊搭的士去,
但係我家姐約左人早d, 所以要 0715 出發. 去到機場我地兩個check in左先, 照舊request 窗口位,
跟住去左大家樂食個早餐, 再去買報紙同雜誌, hea下咁就上機了. 起飛比原定時間遲左3-4個字, 因為有6條友check
in左未上機要等埋, 呢d人真係唔要得, 要全機人等佢!!!
終於起飛了, 我兩個除左食飛機餐時, 全程聽住mp3睇雜誌同訓覺, 因為附近有件小魔怪由上機至落機喊過不停, 真係@#!&(*@^*!&%#*.
到著時間係當地 1420 左右, 今次出境排隊耐左, 因為同時間好多旅行團, 要搞到 1515 至 check out. 一出去我太太即係去counter買airport limousine bus. 不過今次殘念左, 因為太多人搭冇位, 要等到1605至有車, 咁唯有響巴士站到食煙及食西北風啦.
點解我揀機場巴士唔搭 Skyliner呢? 雖然車程耐一倍 (要2粒鐘多d至到 Keio Plaza Hotel), 但因為係door to door, 對於我地呢d拎住件特大行李方便好多, 而且新宿站得好少電梯, 好多時要抬著件行李上去, 所以......... 我都係算吧啦~~~~
沿途都見到有好多櫻花開左, 一諗起去上野同新宿御苑就好鬼開心~~~, 大約兩個鐘10分鐘車程去到我地o既酒店 Keio Plaza Hotel.
就晌呢段期間發生左件大事, 就係當我太太 check in 而我等緊時, 我發覺跌左個銀包!!!
如冇意外應該係臨落車時跌, 咁當我同我太太講時, 側邊兩個同車o既香港人話頭先有人執左比司機冇人認領, 咁我飛去出睇架車走左未,
咁當然係走左啦. 我唯有去番酒店入面 limousine bus o既 counter同個職員講, 佢即係幫我打去 check. 好好彩,
真係響司機度 (呢樣野真係要讚日本人同同車既人~~冇人因財起貪念), 而響 counter o既另一位華籍說英語婦人都話我好彩,
晌香港我一定冇了~~ (乜我地香港image真係咁差咩?)
等左一陣, 個職員出去晌巴士司機手上幫我拎返失而復得既銀包, 我唯有再一次衷心感謝佢地既幫忙, 跟住就上房了.
上到房試下個 notebook 著唔著, 同放低行李就走了~~~ 今次間房麻麻,好似暗左好多咁 - 原來冇左個大燈, 不過算啦. 一落去就去搵之前有人介紹過 北澤俱樂部. 果然名不虛傳, 算係東京黎講算好好味既壽司店, 但比起北海道, 無論價錢同新鮮度都係爭d.
食完之後再行去 OIOI o個邊睇下野, 首先去左 紀伊國屋書店 既別館stussy, 因為2/F有好多漫畫同 game o既攻略睇, 上面幾層就係 gallery.2, 左層買 d 野就去左無印買底衫褲就返酒店了.
不過經過 三國一 時, 又忍唔住買左個烏冬外賣返酒店食, 返到酒店再plan下聽日行程再上下網就訓了.
迴響: (1).
引用:(0).
靜態連結網址.
發表於 2006.03.31, 23:15
2006 barcelona 的賞櫻睇 J league 之旅
1. chun | 2008.03.10 at 15:20
請問如何買jleague票架?分咩價錢架?