第五日: 返回繁華
作者 : 小譚
早上食 buffet 早餐 (人地叫 Viking), 雖然我對 buffet 興趣不大, 但原來是全日式的, 都幾豐富, 不錯.
Check out 後再上一次五連髮夾彎走一轉影 video. 大滿足 (雖然我唔識飄).
番高崎之前, 經過水澤觀音寺, 順道落車望一望. 我以為水澤觀音一定會是一座很高的觀音像, 但其實係一座供奉在本堂內的千手觀音. 反而寺內的六角堂比較有趣, 有六座地藏尊在經輪上, 堆動經輪轉動繞圈三次就可得到祝福. 一班小朋友就在 "玩", 無咁好氣.
坐高崎線特別快速去池袋 (1220 發 / 1350 著). 特登去找究竟俾多900円坐 green car 會有乜分別, 原來係坐得舒服d
咁啦, 唔會頂腳啦, 無咁多人坐咁啦. 呢程車好多人, 坐到滿哂, 雖然坐最尾那卡對面位, 但都係腳頂腳, 所以都唔可以大覺訓.
番到池袋, 終於見番黑壓壓的人. 在 locker room 拎番行李, 在西口的行人電梯上, 行去東橫 Inn check in. 咁早當然唔俾房我地啦, 就咁放下行李就走了.
之後落了原宿, 食了好耐無食的九州じゃんがら拉麵, 好好味. 之後去了剛開幕的 表參道山, 好多人, 但D 舖都貴得來完全唔識的, 無興趣.
回想 1998/99 年初去日本時, 對原宿這幾幢青山同潤會的建築物情有獨鍾, 很 raw, 又很有文化氣息. 萬不料到這幾幢甚有味道的建築物, 隨著原宿日益繁榮而消失得無影無縱, 而原宿, 亦沒有了以前小城市的風味, 取而化之的, 是一座座面目模糊的大商場.
一路行去渋谷, 在 Beams 行左好耐, 裝修完, 一間男的, 一間女的, d 衫都幾正.
晚上去新宿的 沼津港迥轉壽司. 地方好騎呢, 話係西新宿長途巴士個 terminal 那幢大廈的 B2F, 原來其實係在京王百貨對面的地下街, 你見到 Hagandaaz 的話, 對面行入條巷就係.
沼津港 D 壽司比我地平時食開的 しおん shion 高級, 比較貴但當然好味得多. 有好大件的大とろ Toro, 而是日的魚類天天變, 今日有叫 サンパチ sanpachi, 個個都叫, 非常新鮮, 值得去一去食.
迴響: (0).
引用:(0).
靜態連結網址.
發表於 2006.05.31, 23:23
[«]
[上一日]
2006 小譚關東笑中有累之旅
[下一日]
[»]