第十一日: 嵐山紅葉
作者 : 大力
早上坐火車去嵯峨野嵐山, 去到發現紅葉只係參半。由於去年已經黎過, 所以今年唔坐森林小火車。第一時間行去竹林處, 早上行竹林果然係比較好, 影相都有多o的光。
嵐山不愧為紅葉名勝, 四圍景色都好靚, 重好多人添。但係因為紅葉指數未達頂峰, 垂柳, 泛舟, 居然有o的似蘇杭景色呢!
行行下, 俾大鼻發現左佢既朋友, 梗要同佢朋友影幅相啦, 正所謂他鄉遇故知嘛。後來係河邊食過午餐, 就往天龍寺去。天龍寺入面既紅葉比較有睇頭喎! 臨走時就食左個好味既豆腐雪榚, 同埋枇杷雪榚, 諗起都想再食呢。
晚上返到京都, 去左一間o係火車站附近叫第一旭既拉麵, 份量都唔少, 味道就不過不失, 但京都既麵質同北海道既唔同; 佢比較接近中國既拉麵, 幼身, 軟滑。食飽就行返出火車站拍一下晚上紅葉, 因為見到清水寺既夜觀海報, 先有呢個靈感。
迴響: (0).
引用:(0).
靜態連結網址.
發表於 2002.11.11, 08:00
[«]
[上一日]
2002 大鼻舊舊北海道‧京都紅葉行
[»]