第九日: 紅遍京都
作者 : 大力
晨早走去哲學之道, 想學人哲學一下; 點知去到見到紅葉就咩野都唔知, 淨係識週圍睇, 週圍望。再加埋香濃咖啡, 軟滑蛋糕, 非常寫意。一路行, 一路睇, 唔經唔覺就行到南禪寺, 正值午飯時間, 所有豆腐店都排滿人, 尤其奧丹及聽松院, 直頭排到出門口呢, 惟有四處走走拍一下照先。
到兩點多, 人龍已經散去, 好快就有位。 今次去聽松院, 因去年已到過奧丹。嗯, 呢度又係一入門口就要除鞋, 之後沿住走廊行入去, 個庭園景重精彩。點了兩份豆腐宴, 一陣就有得食。好味喎, 我最鍾意個塊橙紅色葉狀年榚, 你睇, 連佢都忍唔住要出手啦。
食完後就行返出大街, 行到去京都美術館, 有個好大既鳥居係馬路中間, 幾得意。不過行行下落雨, 只好搭車離開。晚上在京都四條附近逛, 都唔知食咩好, 卒之最後食到一餐係全程最平既, 一間叫松屋既物體, 兩個人唔使一千日圓, 原來係連鎖式好似吉野家既。
食飽之後行下, 又發現有蛋糕店, 忍唔住又走入去嘆返件餅, 今次係蕃薯蛋糕及無花果蛋糕, 加杯香茶, 結束了一日既行程。
迴響: (0).
引用:(0).
靜態連結網址.
發表於 2002.11.09, 08:00
[«]
[上一日]
2002 大鼻舊舊北海道‧京都紅葉行
[下一日]
[»]