第八日: 海膽墨魚丼
作者 : 大力今日要離開函館, 本來一心一早摸黑起身, 想睇下朝市既熱鬧情況。點知 ...橫風橫雨, 去到朝市, 都唔多人既, 可惜! 行左一圈, 大概六點左右, 走入道南食堂, 亦係黎函館既主因之一, 海膽丼, 女友鍾情之物。
我就要海膽魚子丼, 女友首先想叫海膽墨魚丼, 唔知點解老闆娘話無這樣佩搭, 只好要海膽丼, 。後來, 老闆同老闆娘斟左一輪, 又示意話有海膽墨魚丼, 可能因為老闆同老闆娘見到女友失望樣唔忍心掛。
兩碗飯好快黎到, 太激動, 手震添! 碗飯真係好好食, 海膽、墨魚故之然新鮮, 魚子係大粒飽滿, 重唔太咸, 真係極品。唔怪得知係名店, 而面前既一碗碗漬物係任食唔嬲。食完之後, 好人老闆重私人醒, 親手沖咖啡過我地添呀, 我見其他客人都無o架。
之後返酒店收拾行裝, 預備上路, 因為要返札幌搭兩點左右既機, 落大阪。去到車站, 居然見到叮噹車, 梗要影幅相啦。上左火車, 一路搭到南千歲轉車, 去到機場扮好手續都只不過正午左右, 重可以週圍逛兼食個午餐。到上飛機, 呼一聲就到左丹波, 只不過四點幾, 出返市中心就費點功夫, 重要遇上塞車, 去到京都既酒店已經係晚上七時幾。
迴響: (0).
引用:(0).
靜態連結網址.
發表於 2002.11.08, 08:00
[«]
[上一日]
2002 大鼻舊舊北海道‧京都紅葉行
[下一日]
[»]