第七日: 寧靜函館
作者 : 大力
早上起來, 就行去朝市, 經過一間貝殼類食店, 見o的海膽幾好就望一下, 老闆即刻招呼我地入去, 咁就叫左隻海膽燒, 海膽好香! 食完之後, 四圍望, 牆上好多人寫左字, 有好多香港人添。 望望下, 好似唔夠喉, 再加一隻北寄貝既物體, 好鮮味, 尤其o的汁, 正!
之後本來想去大沼公園, 不過走左班車, 惟有搭下一班個多小時後。係條應該係最旺既街度行(車站前大街), 唉, 都係一個字, 靜! o的店舖點生存呢? 行過咖啡店, 又被o的餅吸引住, 黎日本真係食餅都食窮。
去到大沼, 景色好靚, 不過紅葉都開始落, 枯枝都幾多; 但又有另一番味道。
晚上再到金森食飯, 成間餐廳得三枱客, 如果係香港生意如此就死得人多啦。吃飽了本來想去看出名的夜景, 可惜吊車維修, 只好作罷。
迴響: (0).
引用:(0).
靜態連結網址.
發表於 2002.11.07, 08:00
[«]
[上一日]
2002 大鼻舊舊北海道‧京都紅葉行
[下一日]
[»]