第六日: 溫泉再見
作者 : 大力
知道尋晚成晚落雪, 今朝個雪景一定重靚呀。早餐又係煎魚, 不過今日係交叉魚, 其實唔知係什麼魚, 見劃左個交叉所以叫佢交叉魚。食完早餐, 雪開始溶, 始終氣溫都未夠凍!坐一陣, 想起今日走, 梗係要再浸溫泉喇。
退房之後就坐巴士返札幌, 再坐JR北斗去函館。去到大概四時多, 但條街係好靜。先安頓好行李, 再行過去金森貨倉/西波止埸, 嘩, 都係靜得可怕! 走入貨倉, 食到件芝士蛋糕, 香、軟、好味集於一身!
跟住返酒店附近食轉轉壽司, 食得好飽, 本來以為一日行程就此完結, 點知就被我地遇到最精彩既事 - 車仔麵! 無聽錯, 係正宗車仔麵! 係車仔上面煮同食! 睇睇, 好野嗎? 所以都忍唔住口, 再黎多碗車仔麵先上返酒店。
迴響: (0).
引用:(0).
靜態連結網址.
發表於 2002.11.06, 08:00
[«]
[上一日]
2002 大鼻舊舊北海道‧京都紅葉行
[下一日]
[»]