自助婚紗相
作者 : 大力
整個旅程, 呢個主題可以算係最重要架喇!
大人恨左好耐想係度影相, 之前都搵過下當地攝影, 不過溝通同埋就時間係最大既障礙。 佢地既做法係要影之前傾好確定好晒所有野, 所以如果要影, 就要先同佢地聯絡好, 開晒會咁先可以成事既。
所以最後都係自己玩下自助式, 帶齊所有禮服, 化妝品, 鳳冠霞帔, 攝影器材, 重要係日本買埋新相機, 就正式展開呢次自助婚紗攝影。 影過之後, 可以有少少同大家分享既, 等大家如果想玩下都可以有的依據:
夏季係北海道地區, 太陽同紫外線都係偏高既, 愛白既女士們就要加強防曬, 而上妝時亦要留意埋出汗既因素。
日照時間雖然係長, 不過, 以我自己有限既技術, 光源最適合影相既唔會太多。 因為好快太陽就已經係高照於頭頂, 觀察所得, 大概早上六時半至九時半, 以及下午四時過後比較好。
影相既場景最好係住宿處附近, 又或者係車到既地方, 否則又要顧禮服, 又要睇住器材會幾煩惱。 另外, 租車時最好選擇一的內籠比較高身既車種, 咁係戶外更換衣服時會比較方便。
迴響: (1).
引用:(0).
靜態連結網址.
發表於 2007.06.06, 08:00
[«]
[上一日]
2007 大鼻舊舊 北海道 春季尋花行
1. Waiting | 2008.03.03 at 14:57
你好！
英雄所見略同，小弟諗緊同女朋友仔去北海道自己影婚紗相，所以GOOGLE左黎，睇左你O既TIPS好有用，多謝哂。小弟仲想請教下：
你地有無入去富良野O既花田（如富田農場）影婚紗相呀？我上佢地網頁睇，有D係有收入場費，有D唔駛。但係我擔心佢地唔俾我地入去影呀。你地有無試過呢？