札幌 / 啤酒園 - 晴 !!
作者 : 小譚乜野都做哂啦 , 就出太陽 , 仲要係好好天o個種 , 你話係咪玩我呢 … 如果今早上山的話 , 一定好多野睇 , 但為左要節省番一大堆車錢 , 所以晨早就 check out 左酒店坐酒店的專車直番札幌 (都唔係直o既 , 因為都會停一停旭川 ).
咁巴士行呀行呀 , 用左三粒鐘先到札幌站前 . (如果你有機會坐呢架巴士的話 , 唔該記得走前唔好飲咁多水 , 因為司機要去到旭川札幌中間那段高速公路先有得停俾你去廁所 !)
在 札幌北口東橫 Inn 放低行李後就去小樽取回我地o既o急. 路過商店街時忽然見到好多人 , 原來好多妹妹仔o係度玩集體舞 , 當然我都要拍底佢啦 .
在壽司屋通的 政壽司 食左一餐午餐 , 不過不失 , 算係唔錯 .
在 Authent Hotel 取過行李後 , 再坐番火車番札幌 lu. Check in 左東橫 Inn, 不過俾左個二樓我, 佢話非吸煙的房間在底層 , well , 間房都幾騎呢 , 廁所旁有個空位 , 但又放唔到行李 , 新起的都咁古怪….
下午無乜特別 , 都係去下 shopping 咁. 札幌站真係變得好多 , 以前殘殘舊舊的都變成一大幢美輪美奐的商場 , 再開多間 大丸 在旁 同埋一幢好高的 JR Tower, 都幾靚 . 如果想去 shopping 的話, 在正札幌站的 Stellar Place East 同 Center 係一個好選擇 , 百貨公司除大丸外 , 南口仲有 西武, Loft 同東急, 仲有 Paseo 同 Esta 兩個 shopping center. Esta 有間好大的 Big Camera, 或者在北口向西行一個街口有一間勁大的 Yodobashi,可以o係度睇住等女友o係第度 shopping. 當然 , 唔好唔記得o係地底的大迷宮呢 .
日頭打左個電話去 札幌啤酒園 book 位 (用英文就可以) 夜晚去食燒肉 . 一去到 , 嘩 , o個度氣氛真係好呀 , 個環境好 cozy 好溫暖 , 一杯凍冰冰的啤酒 , 圍在爐旁烤肉 , 四圍的人都o係度放肆豪飲, 放聲大笑, 個感覺真係好豪邁 ! 由於放題只係得羊肉同海鮮 , 所以都只係叫左一碟羊一碟牛 , 加一碟免費菜 , 自己細食都 OK , 食肉獸就最好叫放題啦 .
不過好可惜的是 , 大部份人叫左好多好多肉都食唔哂 , 全部都燒成一舊舊炭咁 , 真係好浪費呢 ...
食完一出個 hall 就見有巴士等住我地啦 . 原來環 88 巴士 (或叫 Sapporo Walk) 係由札幌啤酒園開始 , 在札幌大部份景點如 Sapporo Factory, 大通公園 , 舊都廳 , 狸小路等地繞一個圈 . 雖然會比其他巴士或地鐵慢一點 , 但方便兩字掛在口 , 都就算了. 我地o係札幌站南口落左車行番酒店 .
迴響: (0).
引用:(0).
靜態連結網址.
發表於 2003.07.18, 16:22
[«]
[上一日]
2003 小譚東京北海道豪華遊
[下一日]
[»]