富田農場 / 美瑛: 全景之路 - 又黑
作者 : 小譚今日晨早開車直去富田農場 . 未到九點就已經成村人o係度 . 雖然農場開九點 , 但其實可以晨早走入去 , 免得好似尋日下午一團一團的旅行團阻住哂 . 富田農場的出名不是無理由的 , 一來面積廣大 , 而且栽種花卉的心思都別有一格 . 係有點流於人工化 , 但無料入場而且都有開得令人心花怒放的花朵 , 其實我都覺得真係值得一到 .
接著再踩上美瑛的美馬牛站開始 全景之路 的旅程 . 美馬牛站可以話真係好鬼死 “鐵道員” 電影那種感覺的一個好荒涼的車站 , 奇怪在點解只係佢咁荒涼呢 ? 無人去修理過嗎 ? 但又係一個好出名的站喎 . 之後走去美馬牛小學校 , 其實都只不過係一個尖頂的小建築 , 而且真係一間小學 , 所以停一停就走 .
之後沿車路向前行 , 突然之間一片開朗 , 一大片麥田就在我前面出現 , 再遠望一個個 patch 的田野同林木互相間隔住 , 中間散落幾間好西式的農舍 , 此情此景確實筆墨難以形容 , 照片都難以 capture 到當中的十份之一 !琪蓮影相影左個半鐘先捨得走 , 咁o既氣溫著住 d 靚衫吹住風咁耐去影相 , 我只有寫個服字俾佢 ….
再沿路向前行 , 就見到好美麗的小木屋 Pension With You. Pension With You 就係就咁一間屋零零丁丁的坐o係一個山頭上 , 真係好稀奇 , 如果無車的話 , 真係唔知點先可以去到呢度 . 影罷相之後 , 我居然整爛左人地企o係度個木牌 , 真係多多得罪…
向前行無幾遠就係另一景點四季彩之丘. 呢度又係旅行團不絕的地方 , 但 d 花都無乜點開哂 , 景色一般 , 而且下一年開始收費 200 yen, 值不值就自己定奪了. O係度食左個好大好甜的番茄呢 .
之後去左 拓真館 , 欣賞前田真一先生的名作 . 別人拍的照係威 d o既. 不收入場費 , 到一到都要啦 . 午飯就o係拓真館附近的一間輕食店食左 d 熱野 .
之後想去睇下哲學之木係乜家伙 , 但係兜下兜下都見唔到 , 只見一堆爛地. 咁算把啦 , 行下行下就去左一個農場 , 原來係 千代田農場. 如果你想餵下羊騎下馬可以o係度玩下 , 我就買左一包牛肉乾 , 不日食用. 其實佢呢度附近山丘有個 觀景台 , 景色亦非常美麗 . o係度磨左一段時間先走 .
全景之路就此完結 , 不過已經 overtime 哂 , 接著仲要踩過去拼布之路.
在美瑛站附近兜左一段時間 , 找ぜるぶの丘同亞斗夢之丘 , 先發覺個 GPS 係老點 , 用番自己對眼好過 . 終於找到ぜるぶの丘, 琪蓮立即大叫要落車 , 原來係一大片太陽花田 , 雖然唔算得上成個山都係花 , 但一個花海卻都講得上.
我同女友就好悠閒咁周圍行 , 不過其實臨近日落, 氣溫其都得十零度 . 走左上去亞斗夢之丘, 坐底飲杯咖啡 , 望住遠處 Ken and Mary 之木, 都幾寫意 .
由於我對眼有散光唔可以渣得太多夜車 , 所以放棄左其後的行程 , 明日再算 . 因為諗住會夜番 , 所以都無預到o係 Pension 度食 , 因此驅車直往富良野食 dinner , 食左間叫 Yamadori 的炭火燒肉店 …. 店子太忙 , 無人 serve, 而且味道麻麻 …
番到 Pension ｏ係出面行個圈, 見到後面有間屋門口好靚 , 原來係另一間 Pension 叫 深之仲間たち, 佢有幾間小 cottage , 好似幾靚 , 下次可以試下住下先 .
Links:
迴響: (0).
引用:(0).
靜態連結網址.
發表於 2003.07.15, 14:01
[«]
[上一日]
2003 小譚東京北海道豪華遊
[下一日]
[»]