天婦羅 / 炸物 / 串燒
作者 : 小譚天婦羅（天ぷら）
東京有不少天婦羅老店, 我最愛去的老店就是在新宿的 つな八（網八）. 我是去新宿總本店, 在三越後面的橫街. 老店 淺草葵丸進, 就正正在雷門仲見世通行過少少. 另外一間老店 大黑家 亦在淺草寺附近, 每天都要排很長的隊. 這些老店都非常抵食, 二千円以下一個套餐一定食得飽飽而且味道亦非常味美. 網友 Dede 的日本同事帶去的 天作 天婦羅店﹐ 形容是沒吃過這樣好食, 炸得很薄很薄, 最要命的是最後一碗天婦羅飯. 只是地點比較難找一點, 在山手線池袋的下一個站目白站下車西口小路向前走（地圖）.
炸物
日本時興串串的炸物. 北極熊網友介紹 "串家物語", 好玩又好食. 每檯有個炸爐仔,每人一碗炸漿,炸粉. 放題任食一串串有蝦,魚,牛肉,朱肉,各種丸,腸, 青椒, 茄子, 魚旦卷內有芝士, 每串五元左右大, 自己炸, 又有不同醬汁, 還有炒雜菜 (日本少有). 網頁有 500円 coupon, 正價 2625円, 六時前 1575円一位, 90分鐘任食, 加少少錢還可任飲. 我就去過一處叫 串処最上 的炸物店. 最特別的地方是菜單是由 1 至 36 號排列, 由第一樣開始逐樣食, 食到夠就叫停, 價錢就是食到幾多俾幾多. 不過我最不喜歡是不可隨意選擇食物, 有些在菜單比較後的就要食到那裡才有得食, 玩就是幾好玩的.
串燒
其實日本普通的居酒屋都有串燒, 三五知己一路飲啤酒一路食串燒最為寫意. 在日本隨意走入一間居酒屋都不會錯得幾多, 不過其實最麻煩係叫甚麼吃. 請參考一下：
- 手羽先 te-ba-sen 燒雞翼
- 砂肝 su-na-gi-mo 雞腎
- 雞軟骨 nan-ko-tsu
- 雞肝 ne-ba
- つくね tsu-ku-ne 雞肉串
- ささみ sa-sa-mi 雞脾
- 雞皮 ka-wa
- ネック ne-ku 雞頸
- 椎茸 shi-i-ta-ke 冬菰
- ラム ra-mu 羊扒
迴響: (1).
引用:(0).
靜態連結網址.
發表於 2006.04.05, 20:35
[«]
[上一篇]
食事處
1. 蜜柑 | 2007.01.07 at 19:18
想問下"串家物語" - 北海道 / 新宿或涉谷太約既位置呀，因為佢個map 確實位置唔係太清楚呀