箱根
作者 : 小譚箱根係距離東京最近的溫泉遊玩區, 去箱根比去富士五湖區優勝是在於小田急集團在區內有著精心設計的旅程, 使你可以用最少的金錢同時間遊玩箱根內各大小地方. 反而富士五湖區景點比較散, 及區內的公共交通班次比較疏落, 行程要先 plan 好. 如果天氣許可的話 , 箱根區內 (尤其是蘆ノ湖) 係可以望到富士山全景.
- 請預早去新宿站西口近小田急百貨公司地下的 小田急旅遊服務處 購買小田急箱根周遊票
- 箱根周遊票 / 平日周遊票 包來回新宿箱根的火車 (只可來回一次), 箱根內所有交通公具的無限制乘車証同地圖, guide 及一些 coupon. (如要乘坐浪漫特快列車 Romance
Car 則每程需補票 870 円) - 如想一併遊覽富士山五湖區域可購買 7200 円的 富士箱根周遊券, 周遊卷包括一程新宿/箱根的鐵路服務, 一程河口湖站/新宿的中央巴士服務及箱根區內的巴士及遊覽車 (包括箱根至御殿場巴士及御殿場至河口湖巴士). 富士五湖區的其他巴士服務則要自己購買.
- 火車到箱根湯本可以落車, 參考下面的觀光地圖, 你可以坐 登山鐵路 到強羅, 再坐 登山纜車 到早雲山, 乘 吊車 往大涌谷的火山口遊覽, 再落山去蘆ノ湖坐 海盜船 到元箱根, 元箱根坐巴士返回湯本結束行程 (掉轉行程亦可以). 要留意大部份景點天黑前就關門, 請小心計劃. 在箱根內的基本交通就是巴士, 在天黑後或鐵路以外的景點就只有乘巴士了. 大家可參考箱根ナビ的箱根交通網頁去計劃行程.
以下有些旅遊資料可參考:
如果你想住一晚酒店浸溫泉, 旅遊服務處可以代為辦理, 或參考網友推選的酒店預約.
箱根小涌園 是香港人熟悉的溫泉酒店, 旅行團經常到此入住或到附近的 Yunessun 水上樂園遊玩. Yunessun 的水上樂園部份可穿泳衣; 旁邊的森の湯則是有不同類型溫泉的露天溫泉風呂, 不可穿泳衣. 如果在酒店留宿的話是可以免費享用這些設備, 酒店本身亦有傳統溫泉, 亦有日帰的服務可在日間享受溫泉. 小涌園地圖可參考 pdf 交通資料, 去小涌園最方便就是在 JR 小田原站或小田急箱根湯本站, 坐往元箱根經小涌園的巴士.
箱根の森 Pension Okada, Internet 訂房有特價每人每晚約 10000 円及免費享用湯之里溫泉. 網友 Kanris 及 Little 都住過這裡, 可參考她們的經驗. 其集團下的 Okada Hotel 是正宗溫泉酒店, 價錢亦不算太貴.
在箱根有七間旅館的箱根一の湯集團, 其價錢非常相宜, 萬多円一位就可以住宿有附風呂的房間, 因此塔ノ沢本館都經常客滿.
吉池 有可供二人用的貸切家族風呂及房內專用的風呂, 非常豪華亦非常昂貴. 不過就算是露天風呂或室內大浴場都非常不俗.
喜仙莊 價錢不算貴, 兩人房每人只約一萬円左右, 而且有露天貸切風呂. 位置亦不俗, 只需在箱根湯本站走五分鐘就到.
Fuji Hakone Guest House 及 箱根仙石源YHA 在箱根仙石源, 在小田原站轉乘 4 號巴士到達. 內有個小溫泉, 而且工作人員英文很好, 對遊箱根有一定幫助, 不過要同別人同房 (EG49 提供). 兩間旅館都是同一家人主理, 但是兩個門口, 收費同服務性質都不同, 請參考網頁.
ホテルむさしや (Hotel Musashiya) 在元箱根坐落蘆ノ湖畔, 可望到富士山 (如天氣許可) , 館子小小, 服務不俗, 小譚對其有很深刻印象.
迴響: (86).
引用:(0).
靜態連結網址.
發表於 2004.12.27, 12:52
[«]
[上一篇]
浸溫泉
[下一篇]
[»]
1. 喜太 | 2009.10.11 at 02:22
譚生你好！
貨切風呂係咪代表私人浸架？
咁如果係既...除左喜仙莊仲有無其他？
2. tracy525 | 2009.09.09 at 23:06
那我想請問如我想book吉池旅館有私人風呂的房間(房間名叫木犀)，請問有何方法?我見吉池個網站有得book，不過又要入會,又要俾會費,仲要全部日本,實在太難攪>.<
請問香港是否有agent可代我們book??
3. 小譚 | 2009.09.03 at 22:58
Tracy, Felix 我好耐都無去過箱根，所以我所知的就已經寫在這裡。
Tracy, 絕大部份溫泉酒店所列的價錢都是每位每晚的價錢，所以吉池的價位是2－30000円一位一晚。以酒店來講係非常貴，但以高檔的溫泉酒店來講，係正常的價錢。此外，房間大小（幾多疊來講），有無房內的風呂，星期幾及晚餐的級數都係價錢指標，當然，房內有風呂的價錢一定會比無更貴。喜仙莊及一之湯都係比較便宜的選擇，其實有貸切風呂的酒店都已經可以，因為可以在限定的時間自己獨用一間溫泉浴，已比用大浴場有更多私人空間。
日本的溫泉水通常都無乜味的，所以唔好抱太大期望。
4. tracy525 | 2009.09.03 at 11:06
Hello~~~
我想今年12月在箱根找間溫泉酒店,係用真正溫泉水既,仲有房間都有溫泉,因為我想只係我同honey一齊咋,請問有咩choice? 價錢最好唔太貴拉~~~
仲有我唔係好識睇佢地price list><
eg http://www.yoshiike.org/price/
請問點選擇?
5. Felix | 2009.08.30 at 11:07
小譚你好!
小弟正籌備1月東京+箱根Honeymoon之旅.
想向你請教(1)行李安排 及 (2) 箱根風呂房間温泉酒店推介.
謝謝!
6. 小譚 | 2009.07.30 at 22:29
坐巴士囉。
7. con | 2009.07.30 at 22:24
本人會早上在羽田落机,當晚訂咗箱根一之湯新館住一晚,我又想去富士急玩,請提供見議
8. 小譚 | 2009.02.10 at 21:43
真係混浴就比較難找，尤其是箱根呢d 熱門遊客區。你可以找〝貸切〞的就可以同至愛一齊浸浴，無其仔人打擾；如果你真係要搵混浴的，我無可奉告（我已經好多年無去過箱根）。
9. Pat | 2009.02.10 at 18:49
請問箱根有無男女混浴露天風呂???
10. 小譚 | 2008.12.09 at 23:44
是比較遠的。
11. 猫子 | 2008.12.09 at 11:49
小谭：
你好。我准备去东京游玩，看了你的逸游馆后，很想去你推荐的箱根温泉旅馆“箱根之森“ 。。请问如果从那里（箱根）直接去成田机场会很远吗？
希望你能回复。谢谢。
12. Hata | 2008.10.17 at 03:47
小譚你好, 本人將到箱根旅遊, 打算乘Romance Car到箱根湯本, 到箱根遊覽及住一晚, 第二天會乘巴士到御殿場shopping及回新宿. 請問:
1)是否依然是買箱根周遊票再加巴士票最抵?
2由御殿場返回新宿坐什麼線可最快捷返到新宿 ?
13. qwerty929 | 2008.04.11 at 00:01
小譚, 本人將到箱根旅遊, 打算乘Romance Car到箱根湯本, 到箱根遊覽及住一晚, 第二天會乘巴士到御殿場shopping及回新宿. 請問:
1)是否依然是買箱根周遊票再加巴士票最抵?
2)在那兒可以買巴士票?
3)從箱根湯本JR站去巴士站方便嗎?
Thanks!
14. 小譚 | 2008.02.16 at 21:08
"多野玩" 即係想玩D 乜野呢? Honeymoon 你想係浪漫D 定係點? 係咪箱根裡面呢?
15. nikehunter | 2008.02.16 at 16:33
Hi 小譚,
麻煩你解答下, 如果想浸溫泉+多野玩for honeymoon, 有冇好suggestion?
我地3月份去...
Many Thx...
16. 小譚 | 2008.01.30 at 09:44
一之湯集團個 website 最底有個英文版的link, 在那裡做 reservation.
17. ying | 2008.01.30 at 00:57
請問可以點樣向web到登記一之湯新館reservation?
因不懂日文,有部份information不正確. excite又translate唔到.
please help
因想在3月去
18. 康 | 2007.10.16 at 12:26
一之湯本館冇房ar，一之湯新館有，唔知有冇人住過新館呢？ok嗎？Thanks a lot.
19. 小譚 | 2007.10.09 at 23:45
佢地一個人又係俾間咁大O既房你, 3 個人都係俾間咁大O既房你, 所以好多時都只會 serve at least 2 person.
20. CHOWCHOW | 2007.10.09 at 01:04
我睇完好多間HOTEL, 全部都係2人或以上房間.
其實佢有地有一人房呢???因為一人去,SO 2人房好似唔係好岩
THANK YOU