關心. at 17
2002.12.25 :: 星期三
兩張 CD 一拎起手, 都輕磅得過份: 沒有 VCD, 沒有一大疊的 coupon, 沒有一大本的寫真集, 沒有乜乜物物化妝品的試用裝, 換來的係 20 多首聽得心花怒放愛不釋手的歌曲.
先不講歌, 猜猜關心妍同 at17 雖然有甚麼特別關係? 其實無乜, 但係o係佢地新碟度都找到同一個名字: 林一峰.真係後知後覺, 之前聽過林一峰只是 Eason 的 謝謝儂, 絕對是正歌一首, 只此而已. 接下來就是人山人海音樂會中 at17 的非常精彩的 始終一天, 卻不知原來林一峰林二汶兩兄妹都已係早前 3P 的成員, 可能小弟對少爺占的興趣不大.. haha
一峰的歌都非常簡單, 直接, 明快, 容易入口. 在現在樂壇陳輝陽的刁鑽曲式複雜配樂的轟炸下, 一峰的歌就似係一條清泉, 不要 expect 有大喜大悲, 只有的是淡淡的, 沒有多餘修飾的心靈雞湯.
聽完 Jade 的新大碟, 不由得不讚嘆如此一個新人對歌的包容性可以非常強, 今次比第一集有更多類型的歌曲, 不再係一味買弄 Jade "兩文三語" 的能力. 如輕快的 蜻蜓(Jade 自己作曲) 及 完舞曲 (林一峰), 又有好 R&B 的 怎麼會愛上這個人 及 數手指, 當然亦有好激情的 手下敗將. 好明顯 Jade 仍在摸索自己的路向, 但其實, 除卻部份歌曲的低音入唔到同埋仲有少少 "痴 月利 筋"之外, 大部份歌曲都拿捏得非常準確, 連小弟不甚喜歡的 數手指 亦唱得不錯.
林一峰作的三首歌我都非常喜愛, 尤其是 音樂女神 更是神來之筆, 作詞的梁芷珊自然應記一功, Jade 更唱得極似王菲. 難怪 Jade 在某節目中想跟阿菲合作, 我想, 假以時日 Jade 的成就絕對有能力同阿菲較量.