鋼琴
2002.12.08 :: 星期日好耐都無行老尖, 但係尋日一行就行左大半日, 仲o係 海港城 磨左大半日, 為的是睇 Pheobus Chan 的演奏. 如果你星期六日下午行過海港城, 你一定見到佢坐o係鋼琴前彈香港流行曲. Phoebus 對我來講並非陌生, 因為佢以前好多時都o係 跑馬地 聖瑪加利大堂 的聖詠團師琴. 可惜佢話因為工作關係, 現在不能再在平日彌撒彈琴了, 怕且要聖誕的彌撒才見到佢.
你平時見到的 Phoebus, 都只不過同普通年青人一樣, 最有趣的, 就是你唔會覺得佢係好正經八百咁彈琴: 著住恤衫牛記就上台呀, o係個琴前面飲水呀, 一路彈一路 "ngut" 凳呀 (俾著係我老師就打咖啦)...正係因為咁, 所以路過的人都對佢有好感, 除左嫻熟的琴技, 來者無拒的點歌之外, 呢份平易近人, 就將不少被人捧上天高不可攀的鋼琴 "明星" 比下去. 在場見到唔少少女都如癡如醉, 可見佢魅力亦不少.
以前見到 Phoebus 都係一支公, 今次卻係成band 人o係度, 自然音樂更加豐富. 除左大路的香港歌之外, 再表演左 Dream a little dream of me 同 Beatles 的 Hey Jude. 以一個免費的音樂會來說, 就算得上交足貨啦.
如果大家想一睹 Phoebus 的風彩的話, 星期六日下午四點左右在海港城就見到佢咖啦.
(p.s. 如果你o係香港島的話, 都唔好唔記得 Rupert 的 聖誕 Concert. Rupert 的鋼琴同樣了得, 而且佢仲寫左好多琴譜, 歡迎大家 download. 大家都支持下啦.)
記載於譚生日記.
現有 1 個回應.
«上一篇 |
下一篇»
1. Gi Gi | 2004.09.22 :: 16:18
I also like his performance. He is talented and charming.