賣國 ? 走狗 ?
2003.02.09 :: 星期日好耐都無寫日記 tim.. 一來公事繁忙, 二來經常覺得生活不快, 無心寫野, 罪過....
但今日真係有d 激得慶起, 沿自有條友叫 忘國奴 的在日遊版極盡抵毀一班版友之事. 雖然心知肚明條友攪事居多, 越係回應佢就越係得戚... 但都始終忍唔住都要寫一寫回應 (費事在谷中回應, 否則一定又一場罵戰)八年抗戰日本侵華的史實我地小學中學老早已係課程之一, 你要教育的是日本被文部省矇騙的學生, 而不是我地
再講 , 十年文革死的人, 受盡侮辱的學者學生不計其數 , 中間成為一度文化的斷層, 咁你又覺得不值一提 ? 更不齒的是 , 呢 d 係自己中國人打番自己中國人 , 說起來何其令人無地自容. 更何況 13 年前一場死傷無數的 "風波 " 還歷歷在目 , 但係而家人人提起呢件事都顧若寒噤 , 咁即係點 ? 係咪人地侵略你你就大書特書 , 我地自己人打自己人就閘埋門教仔當無事發生過 ?
又再講 , 你又知我地無建設祖國 ? 你邊隻眼睇到我地呢度的人無建設過中國 ?
歷史就係歷史 , 無得抵賴 , 我不齒日本一部份人洗刷歷史的痕跡 , 但我更不齒祖國的當權者對自己國民如草介, 對外國人 (尤其是日本人) 卻相敬如賓. 當國家的當權者都係咁媚外的時候 , 我點解要同你一般見識 ?
我的回應到此為止 , 我都唔會再回應你其他任何文字 .