同志仍須努力 !
2002.12.08 :: 星期日
朋友話買番黎的 Yumiko 聽左一次之後就唔會再聽, 因為太難頂! 我呢 d 儲 CD 的又點會放過呢個機會呢? 自然第一時間半價購入, 即日聽即日寫, 呵呵~ 果然又有野寫喎~
平心而論, 以一個新人, 算係咁咖啦, d 歌雖然唔算得上悅耳, 亦唔算難聽, Yumiko 樣貌身裁都屬中上之選, 聲線都比其他姐姐仔沉厚, 加上唱片公司一貫大曬金錢, 幕後又有我喜愛的彭海桐 (有心人) 及梁翹柏 (花心機), 而且都係一 d 大路輕快的歌曲, 但點都係聽到我厭厭欲睡... 點解呢 ?可能最大原因係鄭小姐提唔起勁的懶音罷~ 只不過六首歌咁大把, 鄭小姐可以唱得完全無任何壓力, 每一句的結尾都懶有型地拉長一番. 無拉長的, 就逐隻字差少少就走音咁 "dun" 出黎, 驚險程度同聽芒果姐姐差唔多. 講得差 d 的就係求期去間卡啦 OK 搵個靚妹做代唱都比佢用功幾倍. 平白浪費左鄭小姐特別磁性的聲線同幾首應該可以幾好聽的歌, 真係花心機 ... 唉...
當然, 對新人應該要寬容 d o既, 就打監製的屁股啦...下次唔好啦
(睇睇下咁多首歌都出自唔同監製... 咁咪要打好多?..)