千嬅的音樂盒
2002.11.29 :: 星期五我可以話我都幾 forgiving, 如果有d 歌 d 旋律還不錯的話我都收貨. 聽千嬅的新碟就有呢種感覺, 一整隻碟下來, 除左 家有幾米 之外全都係慢歌, 仲要係 "好管弦樂團" o個種. 聽下來, 熟口熟面, 硬覺得首首歌都有之前幾隻碟的影子, 如 假如讓我說下去, 塔羅迷 等等, 只不過將所有野重新用 "聖誕", "童話", "音樂盒" 的主題包裝得靚一靚, 再加埋一開 CD 盒就聽到聖誕歌, 仲俾埋剪紙公仔你摺埋個千嬅音樂盒, 真係玩 theme 玩到出哂面....你話 d 歌唔好聽咩, 又唔係喎. 隻隻歌都咁易上口, 但求你聖誕唱 K 唱得開心又放心; 又或者好似音樂盒咁, 一拎起手就可以聽. 當然, 人山人海的魅力固然不可少, 千嬅自己做 producer 的品味亦漸漸成熟, 所以雖然隻隻歌都同以前的差唔多, 我都覺得, 聽得開開心心就算啦, 個世界都已經咁煩, 仲慘來苦去為乜呢?
我其實最喜的係主題曲, 長達 6 分多鐘的音樂盒. 好古老好娘好 Broadway 的配樂, 但又有意景又貼題, 6 分多鐘竟然越聽越好聽, 眼裡好似睇緊 回到未來 的香港版, 好鬼得意, 總比起上次那一隻所謂 "懷舊歌" 有誠意得多.
值得一提的是蔡德才再次開腔唱歌, 佢 camp camp 地的聲線同大情大性的千嬅簡直係好 paradoxical 的對比. 我真係想蔡兄可以走上台前出個人大碟, 我第一個支持.