服務態度
2002.12.05 :: 星期四早兩日 HP 有個 promotion, 買 printer trade-in 部舊機可當 $500 用, 想換機好耐啦, 因此那那臨俾錢. 本來預左聽日送貨, 但係今日一聲話船期拖延, 咁又要等多幾日先至有機用...
本來都唔係咩咁大不了o既事, 而且都預先打左電話俾我, 但係有無覺得, 本來係方便人的事, 卻成了麻煩的根源 ?
首先, 你要先預定時間方便人地上黎. 但係送貨時間通常都只係 9-5, 如果屋企得兩個人番正常 office 工的, 咪永世都送唔到 ? 叫家人朋友上黎又係欠人人情, 都總係麻煩... 回收的更勞氣, 排期排到一個星期之後, 一星期後我又唔o係香港啦, o係電話度改來改去, 終於排到啦, 之後又改船期.... 唉... 總之, 你受人優惠就要吃一吃虧....
有些送貨或上門維修的更莫講啦 , 約上午就下午到, 約下午就不日到; 試過約個裝修的想整個窗花, 可能我的生意小啦, 打極電話都話黎緊黎緊, 黎極都話入去新界出唔到黎... 哦, 咁行番去舖頭拎番訂金啦, 就見到幾條死佬坐o係度. 我話退訂, 即刻起身話, 去去去, 而家去... 神經...我就話調一調更就可以請一日假o者, 人地 d 請一日假就無左日人工咁點同你計?
睇黎香港人的今時今日的服務態度, 講幾多年都係咁...
(後記... 呢個 printer, 係壞的, 攪極都會 hang 機, 但係偉大的 hp 話 software 唔關佢地事... 咁關邊個事呢 ?? 算把啦 , Canon 的 printer 原來係幾好用的)
記載於譚生日記.
現有 2 個回應.
«上一篇 |
下一篇»
1. guest | 2004.09.22 :: 00:09
係呀係呀, 有時都唔知的人係唔係唔使食飯, 咁樣做野都得既 ?
有人話, 日本既服務態度好假, 我就覺得起碼人地令你覺得付出
係心甘情願; 唔會好似係香港咁, 有時有種貼錢買難受既感覺 ...
2. 小譚 | 2004.09.22 :: 00:09
我幾時都講, 人地就算係假, 都做左出黎... 香港, 就算係做下戲都費事啦...