快 圖 美 ?
2007.07.19 :: 星期四行均成個太古城只得一間曬相舖, 就係快圖美, 之前唯一的競爭對手都 (估係) 俾大業主迫走 (因為唔夠高檔), 渣頸就命, 無法.
好的話, 就仲算了, 但是, 這間卻是很典型的開口好好聽, 實在就無 service.
以前試過曬相, 都要問你數百條問題, 有無會員咭呢, 有無做backup, 每一句都譚生前, 譚生後, 最慘係, D 姐姐仔傾閒計就咁叻, 叫佢講正經野就好似食左藥咁, 仲慘過人背書, 聽到就煩.
好啦, 而家換哂D 自助曬相機, 我地自己入相過相選相, 入完拎張單俾錢, 走人, 真係仲想有咩甩漏? 就係有! 明明 order 時點明, 係要 "加白邊" 的, 曬左百幾張相, 4R 5R 8R 都有, 居然出到黎, 一張有白邊的都無, 我相信呢個世界上總有人好似我咁有多少少要求係似一張正常的相O者, 都咁難?
講真, 真係鬧都浪費 gas, 因為, 已經唔係第一次了.
唔滿意再曬過又點O者? 講多幾個對唔住咁又點? 你自己鐘意浪費相紙我唔理你丫, 你唔好浪費我時間至得咖...?!
記載於譚生日記.
現有 1 個回應.
«上一篇 |
下一篇»
1. 大力 | 2007.07.19 :: 17:02
依家好多人做野都係肥流架喇, 睇到佢地做野, 真係俾佢地激死架!