界. 賭.
2002.11.28 :: 星期四行過書報攤, 睇到今期新地話何韻詩界女王點點點... 哦, 有乜咁稀奇o者, 佢咁英, 仲要英過大把男人, 真係迷死大把女啦. 老實講, 如果細心留意一下, 而家你的週圍左右都係同性戀者, 女者男性打扮有之, 男者卿卿我我亦有, 真係少見多怪. 我最好的 friend 係, 我個 ex 又係, 怕且可能我的潛意識都係 tim...
上次去英國, 兩個男人拖住手逛街的, 雖不至通街都係, 但都不屬少數; 香港人自命開放, 實質老土到死, 如果見男男拖手行街, 我諗大多數人都當係怪物...
有一半人話賭波唔好, 有一半人大聲叫好, 而且仲覺得唔夠 tim. 我就無乜所謂, 我不嬲都唔賭, 對我無乜影響, 更何況, 個個星期都跑兩日馬, 仲有中環交易廣場o個個大賭場, 賭多件波有乜咁大不了? 無哂錢, 俾人斬, 就唔會賭咖啦.
不過講真, 中國人真係好鬼鍾意賭, 美國澳洲 d 賭無不奉中國人神咁拜, 仲要開埋牌九俾你中國人玩, 算係俾面啦. 不過上次o係 Sydney 個賭場見到 d 中國人, 嘩, 好似無飯開咁, 落注都好似搶米咁, 我o係後面睇住佢地都覺得... 唉...
我個越南同事話 (佢以前o係 casino 做荷官), 見過有個女人嬴左幾百萬, 跟住輸左幾舖就燥啦, 一燥就不停咁輸, 輸到賴死唔走, 到頭來輸左幾百萬. 為乜呢 ? 點解唔俾 d 我駛 ?