氣頂迥轉
2006.10.01 :: 星期日今日行左入去 Sogo 旁邊落地庫的 "迥轉" 壽司店. 把鬼, 話迥轉壽司檯無位, 叫我地在外面等左個幾字; 落到去, 壽司檯仲有鬼死咁多吉位, 好懷疑家陣仲係七月佢地見到好多人食野我見唔到.
不過更加把鬼的是條運輸帶只係得三兩碟壽司放O係度, 孤零零的, 真是可憐. 你夠膽俾佢地落黎嗎? 當然唔可能啦, 點知係咪下晝已經坐O係呢度咖啦?
無奈只有又係劃紙仔. 咁唔願擺壽司O係條帶度咁整咁多野做乜? 索性做壽司店咪算囉.
壽司只可以用一粒粒來形容, 真係粒粒皆辛苦呢, 可能怕師傅玉手太繁忙, 每粒壽司飯加上一小片魚, 可能只係比我隻拇指大少許O者. 連我呢類唔係食好多野的人都大可以爬三四碟都只係攝攝牙而已.
當然佢就想得美了, 我當然無爬三四碟吧, 食完一碟, 兩碟, 三碟.. 已經無乜興趣再叫了. 迥轉壽司最精妙之處, 就係你可以望住一碟, 食緊一碟, 旁邊再拎一碟, 再納埋你身邊人的另一件, 不知不覺間就已經一棟咁放O係度... 但呢個... 唔好意思, 無咁好興緻.
我真唔明, 新宿租金唔會比銅鑼灣平得幾多, 日本米又係超級地貴, 魚又是在漁市場批發買番來的, 點解我食那間 cheap 到無譜的 しおん壽司可以一碟接一碟都唔停, 食到飽飽滯滯都係千五円; 我在香港食好食的壽司, 一係去貴到無譜的日本料理, 一係就落去 UNY 買, 完全無中間路線的, 為甚麼? 老實講, 都已經唔係第一次啦, 去第間都係賴野, 點解呢?
唯一可以解釋的, 就是, 香港人, 係搵錢的, 而日本人, 就係真係做生意的.
記載於譚生食經.
現有 2 個回應.
«上一篇 |
下一篇»
1. uncle ken | 2006.10.06 :: 23:20
香港Ｄ舖頭何止唔係做生意呀？直頭係趕客走啦！或者大集團老細唔會食呢Ｄ cheap 野，成間舖最大咪個店長囉，十元八塊一碟你估佢有佣分麼？趕一個咪做少Ｄ。
我有一次去將軍澳元綠食魚子壽司，一入口，唔鹹唔腥又唔鮮，咪問下個女侍應究竟係乜野魚子黎架？點知佢聽完粒聲唔出走開，好似有人黎踩場咁，仲叫個陀地店長入黎問：兄弟，有乜野唔妥呀？兄弟？你當自己真係睇場呀？我問佢關於魚子壽司既問題，佢話咪人造魚子囉？我問佢點解唔喺 Menu 寫清楚係「人造魚子」呀？佢幽默到話：蟹柳就夠係魚蛋啦，駛唔駛又寫呀？！
譚兄，你話呢個係乜野世界？
2. ray | 2006.10.10 :: 13:51
Where is "しおん壽司". Can u give me the address? Is is good?