回收電池
2006.09.14 :: 星期四上月尾在 CASE 登記了更換 iBook 電池, 話要等四至六星期, 仲要收到通知後三日內取電. Well, OK, 但咁大間公司, 都應該起碼知道有幾多部機在市面卦? 點解唔 ship 一部份來先呢? 如果呢段時間出左事咁邊個負責? 你又要我等幾個星期, 但你又唔等多我幾日, 有無攪錯?
咁一直等啦, 其間先後聽到不少人已經收到電池, 都不以為意.
到有人話在 CASE 遲過我登記, 但已經收到電池, 我就火了. 打電話上 CASE, check 電腦, 話仲未收到 (當然我已經在網站 check過了). 咁鬧左一輪, 無法啦, 又等.
點知五分鐘之後, 就收到 email 叫我取電池了.
九成係漏左我個 order 啦, 我自己做 support 都知咩一回事, 如果唔係, 又點會咁神奇地突然會有得拎丫?
有時真係俾香港的 Apple Care 激死. 點解乜野都要由新加坡 ship 過來? 唔通真係信唔過香港D support? 郵費好便宜嗎? 又點解唔好似 Palm 咁, 將已修好的機放在 support center, 有客要整機的話可以換上已修好的, 客立即有機用, 又只需要一lot 過 ship 機, 何樂而不為?
PS. 個新電池好正喎, 又唔熱, 用左個幾鐘而家都仲 report 有 3 個鐘. 不過其實之前個電池已經死死地, 成日無啦啦自己熄機.
記載於蘋果日誌.
現有 2 個回應.
«上一篇 |
下一篇»
1. uncle ken | 2006.10.06 :: 23:44
呢個係歷史遺留落黎既問題，話說以前 apple 俾晒Ｄ維修去「嗡攤樹撈純」做，大部份零件都有存貨，帶晒咁多件上個客度換都仲得，誰不知咁就出事勒，佢地先將新零件換俾 out warranty 既機，先賺一筆，然後將所有死料換晒落部 under warranty 機度，一次 cam 晒Ｄ死料，仲唔賺到笑？
自始之後，所有壞 parts 必需回收，仲要先寫 service report 再等新加坡寄新零件到香港 apple，由香港 apple 再派貨監管回收，總之一件都不能少。
2. 小譚 | 2006.10.07 :: 00:13
咁呢個係個 service provider 誠信的問題, 同個客人完全無關係. 呢個咩年代? 當人地間間大公司都係 provide 一換一, 一日快取呢類服務時 ( 連 Dell 的 service 都已經比 Apple 好 ), 真係唔知 Apple 憑甚麼去取悅顧客? 再爆多幾單 Macbook random shutdown 事件的話, 香港蘋果真係唔駛做生意了.