爭氣女人之苦...
2002.11.21 :: 星期四
有時有d 歌一聽就好似附身咁, 聽完一次又一次又一次, 總之聽到部機無電才罷休. (好多) 陳輝陽的歌就有咁o既本事, 令你如著魔地想聽下去. 剛拎起容祖兒的新歌 爭氣, 發現又是輝陽同林夕的作品, 自然又要再三細聽啦.
輝陽的曲式有時真係可以好特別, 我想幾多年之後一定有人研究佢點樣寫歌 (同你輸賭丫...). 爭氣 的旋律特別在每一段都有小小不同, 聽起來時就不停有新鮮感. 若果勉強照黃霑先生的流行曲式的 format 呢, 大概可以係:A B C A' B' C' B'
C 段就係第一次音樂過門, 接住巧妙咁將 A 段切開後半段成為 A' 段, 主旋律的 B 段結尾又改少少成為 B', 跟住突然原本 C 段的音樂加上歌詞而成為 Bridge 帶番主題 B' 而結束. 聽起來好似好複雜, 但其實輝陽只不過好巧妙咁將整首歌 repeat 一次而令人不覺得有重覆的感覺. 學過古典音樂的都會認同同迥旋曲 Rondo 有少少相似.
林夕的詞繼續一貫玩中文的遊戲. 重重覆覆的描寫女孩子自己不要活在男友的陰影下, 別鈕得來又切合女人那種婆婆媽媽, 最後才的起心肝爭氣.
相比起來, 同樣講女人的心情, 許志安的 女人之苦 就來得好娘啦. 有時呢, "恨有歸宿" 呢, 明咖啦, 唔駛唱出口o既, 而且可惜在旋律亦普通得要緊, 平平淡淡, 白白浪費左許志安. 所以有時候一條 formula 可以 work on 一個人, 在另一個人身上可能只係 徒然 而已....
- 爭氣 陳輝陽 / 林夕
- 電我
- 特別嘉賓
- 痛愛
- 怯
- 抱抱
- 啜泣
- 未知
- 隆重登場
- 全身暑假
- 再見我的初戀
- 告解
- 阿門
- 逃避你
- 何苦
- 誰來愛我
- 這分鐘更愛你