養不教, 誰之過？
2006.04.17 :: 星期一今朝出街食早餐, 突然聽到好大聲的 "我的驕傲", 好似d mp3 鈴聲咁, 播左好耐都唔停. 自然反應就係周圍望下究竟邊個唔聽電話啦, 原來係隔離檯的小朋友拎住老豆部 PPC 電話用 speaker 來播歌....
咁一直望住佢, 佢一直o係度播, 唱呀唱呀, 副歌都差不多已經唱左兩次, 都差唔多完了, 唔通真係開心到要請全餐廳的人聽佢播歌？難得佢老豆老母又唔理佢喎, 由得佢嘈住成個餐廳的人, 兩個自顧自在食野. 之後個老母先至講左句, "細聲d 啦, 你知唔知好嘈咖？"... 之但係咁, 到我地走, 個o靚妹都仲係o係度做緊佢個 DJ.
即係有無人發現你身邊好多人都係咁？坐地鐵時係都要玩電話鈴聲, 試完一首又一首, 仲要係完全唔好聽o個隻, 好似覺得無乜問題咁; 又比如, 玩 PSP 係唔戴耳筒的, 由得周圍左右隔離的人聽你打機. 掉番轉去日本, o係車箱度係無人講電話的, 即使係有個 law 話唔可以, 都無人去 challenge.
點解香港人會咁自私呢？係咪即係咁先至係有型呢？一個小朋友就如白紙一樣, 你父母不去教導他們甚麼是正確的價值觀, 他們就會覺得是理所當然, 就任憑老師朋輩都未必可以影響到. 難道真係因為子女是金笸籮, 就不用去教嗎？
又由此想到曾在網上睇過的一段 新聞, 小女孩收到一個公司的 canned reply 就大發雷霆. 佢父母有無想過, 是否小朋友都是在溫室長大了, 完全無能力去接受一丁點兒的刺激？ 比這封 canned reply 更險惡的事十常八九吧. 為甚麼不去引導小朋友去解讀這封信的含意只為 保護自己公司 免受有可能發生版權問題, 反而訴諸傳謀, 將整件事斷章取義？
記載於譚生日記.
現有 6 個回應.
«上一篇 |
下一篇»
1. Worldtoonoisy | 2006.04.20 :: 10:46
香港好多父母都唔識教小朋友的，身邊經常有那些惡魔小朋友出現。有一次有個八、九歲的0靚仔(朋友個朋友個仔)問都無問就從我手上「搶」走部nano，say:「借0黎玩下啦。」跟住亂咁按和fing，嚇到我呆在幾秒，之後先識「救」番部nano。
P.S. 我好憎細路。
2. 小譚 | 2006.04.20 :: 10:49
對, 我都係, 係極極極極極極憎的.
3. Dede | 2006.04.22 :: 21:05
2004 年 4 月在成田機場 boarding gate 前﹐ 大家都等緊開 gate.
一雙父母加一個 7/8 歲小朋友。 父母係臨上機前都要帶個小朋友行來行去 shopping.
個小朋友要求父母自已拿住 boarding pass, 父母又比佢。 不過﹐ 之前都叫個小朋友千其唔好唔見。。。。。
結果﹐ 當然係唔見左啦。 父母就罵個小朋友。
後來搵番 boarding pass。
個小朋友就係 boarding gate 窗側個鐵做 aircon 出口窗台仔跑來跑去跳來跳去嘈住所有在等的乘客﹐ 全部人側目。。。。 父母叫一兩句停﹐ 小朋友唔聽。
4. uncle ken | 2006.04.23 :: 14:29
譚兄
小弟未有兒女，但係聽過有兒女既朋友講過一句說話：人地個仔咁做就叫做百厭，自己個仔咁做就叫做活潑。
我唔認同咁既做法，但係呢個心態就正正係閣下所遇見個對父母既想法。
前年我跟旅行團去北海道，中間有一程車由札幌去釧路，要坐成８粒鐘，導遊見大部份人訓晒覺就自動自覺收口，叫大家休息下，點知有個貌似Ｂ嫂既白痴阿姨，叫個大概十歲嘅𡃁仔唱歌同跳舞俾佢睇喎，搞到嘈醒晒成車人，個對父母唔覺得滋擾緊成團人，個樣仲好自豪，直至有團友忍唔住叫佢細聲Ｄ，唔好嘈住人休息，佢仲反鬧人呢Ｄ係佢既自由喎。
5. 小譚 | 2006.04.23 :: 20:54
自由的意思, 係唔阻礙別人的大前提下做自己的事. 其實究竟現在的父母有無切身處地想想別人, 還是跟本自己是不自覺呢？
6. littleKin | 2006.04.29 :: 03:45
冇錯自由係基於唔影響到別人權利底下，佢既自由侵犯左其他人既自由，呢Ｄ叫自私，除左小朋友既暄嘩，我由其最憎大陸人講野好大聲。