相機好, PS 好, 又如何?
2006.03.07 :: 星期二最近有幸見到幾位完全無關係的朋友的結婚照, 都是外影的, 相機是夠照了, 個個拎住 1D MKII, 千九幾萬 pixel, 數萬元的身價, 鏡頭更係無可比擬 (呢個睇唔到, 唔知). 但係照片呢,
一係暗淡無光, 一係背光到暈; 構圖呢, 唔係人頭生樹, 就是背景凌亂, 旁邊多了幾個人影; 最叻的就是長焦距大光圈, 之所謂淺景深, 以掩蓋自身連幾時要加幾多
exposure 都仲未知的無知. 最抵死的是, 無人會用反光板之類來令人面更光亮, 新娘子有上妝仲好少少, 男的全都灰頭土臉,
一個生意失敗的樣子.
你講, 以上那些, 有幾多是可以用 PS 執的?
如果係熟朋友幫手影的, 還可原諒, 但原來發覺是真金白銀一萬幾千元咁俾人的. 我心諗, 你俾一半我丫, 我自家部 A2 都影得正過佢. 難得的是, 他們覺得那些相, 沒有甚麼大問題啵.
雖然我自家都不算大屍, 都有靠 PS 同影 RAW 去修補一下拍照時的缺陷, 但實在, 你執得幾多? 你有幾多時間去執? 所以慢慢地我都是諗清諗楚才按下快門, 結果是現在執相都只是稍稍調一調光度, 就已經完成了 (Gallery 內的相 resize 了 640x480 之後都 USM 過的, 會更 sharp 一點). 那種成就感, 好像很陌生但又親切.
記載於譚生日記.
現有 1 個回應.
«上一篇 |
下一篇»
1. uncle ken | 2006.03.21 :: 14:07
譚兄，現今社會，所謂專業二字，都係先睇器材，攝影師影成點，大抵都要做完老襯先知，而且一生人當中影得幾多次結婚相丫？又如何分得出好壞？影完出嚟唔滿意又可以點呢？可以再欏一萬幾千再影過輯相既又有幾多人可以負擔呢？而且恐防又再係鬧劇一場，盞做多次傻仔。
反而我見朋友上大陸影結婚相效果唔錯，又 studio 又出外景，一個打反光板，一個揸太陽遮，三條友隌你玩足一日，出嚟Ｄ相仲唔多駛執，影最貴個 package 再加埋相，埋單都係六千樓下。
唉！譚兄，做完傻仔其實已經好心噏，求其老婆唔詐形就算數，呃下自記講句「都幾好丫」又有何不可？