暴民?!
2005.12.18 :: 星期日我唔明白點解仲會有人話警察用過度暴力, 仲話呢班係一班手無寸鐵的農民, 跟本唔會做到任何傷害.
你呃鳩我呀?
班暴民拎起梯就掟, 拎起滅火筒就嘖, 打爛木板拎起木方就咁 "牛" 落去, 將鐵馬用繩圍住死命撞向人, 再啪斷 d 鐵竿打人, 咁樣就係手無寸鐵. 你唔好當我地係小朋友啦.
再講, 警察都係人, 佢地都係打份工, 佢地有屋企人咖, 用最起碼的手段保護自己, 就是過份嗎? 不如放班暴民入去會展濕鳩班大帝就最好, 係咪?
我真係對香港 d 所謂人權組織的質素有好大疑問, 你 d 農民打人就得, 我同你還拖就係我唔o岩, 咩道理? 仲叫人快 d 釋放佢地? 今晚又再開大片?
見到網上流轉一段自拍片, 係一班所謂大學生話無線報導可恥, 人地做直播就不斷叫人除盔到令人不能完成工作. 想問呢班大學生, 你有無諗過你做緊乜咖? 我地俾咁多錢你地讀書讀個屎片吧啦.
我就算幾同情班農民的苦況, 我都唔會忘記昨晚班暴民打我地o既警察的一幕.
記載於譚生日記.
現有 6 個回應.
«上一篇 |
下一篇»
1. 大力 | 2005.12.21 :: 12:20
應該俾佢地入到會展, 捉亞歐盟貿易專員出黎, 圍住佢要佢聽佢地既苦況, 一定係咁羅, 一定係咁和平文明, 一定唔會有一個忍得住手唔濕佢兩拳羅!!!
真係咁, 到時重多野聽呢, 人權組織又會化身做警察監察組織, 話佢地點無用點盛...
個的仆街學生黎喇, 帶個頭盔去的有好高機會"有比較激烈既肢體衝突"既地方做採訪, 有咩野咁可恥呢?
2. 大力 | 2005.12.21 :: 12:30
重有呀, 如果示威遊行路線真係如聽番黎咁講, 係示威者同警方一早開會傾好咁文明既, 佢地要突破, 就已經錯晒喇! 如果真係預先傾好咁文明, 又要再玩陰濕, 警察大可用多的唔文明既濕招呢, 高層使同你明刀明槍放的手足係度俾你地玩!
3. 小譚 | 2005.12.21 :: 13:23
今日都有報導韓國人對農民被捕都漫不經心, 對, 我同意農民有佢o既苦況, 但相對韓國絕大部份人民都有平價食米的選擇, 我就覺得個大方向跟本無錯, 錯就錯在韓國政府唔去將農民的不忿轉化為生產力量. 喂大佬, 人地樂施會都叫 d 窮國人民去將農地轉化為適合當地生產的高增值農產品啦, 以韓國一個咁高知識的社會點會搵唔到資訊去配合呀？
更不幸的是香港仲有咁多人是否不分, 只係以同情分搭夠, 死未.
4. uncle ken | 2006.03.21 :: 19:57
無可否認呢班係手無寸鐵嘅農民，皆因佢地識得空手入白刃，駛乜自備架撑咁麻煩？
可以拆鐵欄同搶警棍，我仲喺電視見到佢一手搶左支警棍，然後一棍打落鐵欄度，成支警棍斷開兩截，（除非警方為左今次世貿做左Ｄ玩具警棍），我見到心都寒晒，如果打落人個頭度仲有剩嘅？個頭盔唔爆都腦震盪啦！
我最欣賞係佢地嘅跳海行動，因為除左污染維港之外，對我地損害已經係最低。
我對市民嘅送飯行動亦唔反對，我覺得有助減低佢地嘅戾氣，而並非助長佢地嘅氣焰。
有日同個鬼佬講開世貿呢個話題，佢話：你話我地將Ｄ白米傾銷過韓國？我夠話佢地韓國佬 Ｄ Ram 一蘿蘿咁賣過黎美國咯，條數又點呀？細路仔都識得等價交換啦！由一粒 Ram、手電、電視、家庭電器到汽車，近年韓國貨侵佔左美國幾多市場呀？唔係一早講掂數，佢地電子業同邊有咁著數？
我忽然覺得自己唔係好識答佢..............
5. 小譚 | 2006.03.21 :: 20:52
我從來唔覺得世貿有咩唔妥. 你可以話外國 product 入侵, 但掉轉頭講, 世界無限大, 呢樣都一樣係商機.
6. uncle ken | 2006.03.22 :: 23:20
所以權衡輕重下咪犧牲左班農民囉，另一方面農民向來受政府補貼蔭庇，利益受損當然唔滿意，香港政府又試下淨係取消失業綜援，你睇下會唔會暴動？