世貿風眼內
2005.12.17 :: 星期六我其實想寫呢篇野好耐了, 不過一直都想唔到點寫.
但今日下午見到這個情景, 不由得覺得始終都會發生這一回事.
老 實講, 我其實一點也不支持農民的所謂行動, 要講全球化的影響, 豈是窮國人的專利？但沒有世貿又如何, 難道我們回到買米就要買到好像日本的那樣貴嗎？你要反對的話, 你為何不反貴國的政府帶領你們進入所謂的地獄？你又有無反醒過你們有沒有做過任何事去適應一個世界性的市場？看到一篇 blog 友的文章, 更覺得我所持的理由絕對無問題.
更不知所謂的是不知何方神聖的無聊官員要將世貿會議帶來香港, 好處我睇唔到, 惹來的牛鬼蛇神麻煩事就一籮籮, 仲要將所有野帶到香港的中心地帶, 真係有無攪撚錯？呢個無聊官員夜晚又會笑騎騎咁講野啦.
對唔住, 我唔會似一d 無知香港市民咁又送飯送菜去支持一些暴力分子, 因為我跟本知道骨子裡, 他們抗爭的原因, 都只不過也是一己的私利.
影住示威班人拎起木棍死命打人, 仲要屈起鐵馬的鐵枝, 咁仲唔叫做暴力？
見到咁多無知市民咁大陣象都仲要手拖手去影相睇熱鬧, 真係無奈... 人地記者都起碼有哂裝備丫, 你一個唔覺意中左招就唔抵啦.
記載於譚生日記.
現有 3 個回應.
«上一篇 |
下一篇»
1. 隆 MAN LOONG 民 469P | 2005.12.18 :: 10:20
補充一點吧:
南朝鮮農民們面對的不是 "世界性市場" , 而是歐美政府大力補貼其農民, 使之可以低於成本價的打入南朝鮮當地市場, 甚而至於到二零一零取消相關補貼還說是 "太早" , 小弟無知, 不知這算甚麼 "公平貿易" 。
南朝鮮的示威者, 老實, 他們至今最少對小弟一點影響也沒有 (有幸 :P ) , 但這次會議就實實在在使小弟由兩個二搭天星過海被迫改為搭地產公司的豬車, 變成八大元過,海 -- 實實在在的唔見錢 :P
2. 大力 | 2005.12.21 :: 12:04
佢地咁多花臣, 又有睇頭, 以香港人咁鐘意睇戲既喜好,
一定會支持喇, 好似巡遊咁, 又似秧歌舞, 好睇, 一定要支持!
唔去睇熱鬧, 唔去八卦下, 唔去搵個靚手機影抵佢,
唔係香港人嘛!! 嘻嘻! 如果係咁, 我會好興幸自己唔係!
星期日個晚, 電台有個打電話節目, 有位女士打上去,
又話警察用棍敲鐵欄唔好, 攪到佢好驚!! 又話人無講就放催淚彈, 又話自己要係銅鑼灣返中環屋企, 但又死命經灣仔,
重死命要向最多人既路行進, 真係一路聽一路媽媽有聲!
警察用咩方法要用佢開會研討? 又唔係一大班除晒褲向佢致敬, 有咩好驚呢? 成街都話左會放彈, 連住係灣仔既朋友都聽到呼籲話叫閂窗, 佢都聽唔到? 太投入去睇熱鬧吧! 見到多人重死命行入去, 呢的唔叫八卦, 重有咩形容係貼切呢? 連主持都問佢, 點解唔係皇后大道, 好暢通無阻隔播, 佢又話佢手機無電, 無辦法得知, 真係 x 一聲!!!
重有的死人"學者", 話個的唔係暴力, 只係比較激烈既肢體衝突; 重講到好似梁山泊咁, 官迫民反, 全因警察阻住示威者去會展既路向, 所以先要"迫"住衝過去, 又係再 X 一聲!!
3. 小譚 | 2005.12.21 :: 13:30
搵籍口遮, 香港最愛睇熱鬧咖啦, 佢地真係覺得係好似班民主派遊行咁咖咋. 真攪笑. 唔通真係無睇過佢地班友之前o係墨西哥同o係本國示威那種勁法？睇電視見到個個都拎起個電話黎影相, 我相信都唔會係記者啦 gwa?