壽司廣及天よし
2005.12.10 :: 星期六考完試要慰勞一下自己, 想食一餐好的日本菜.
當然, 夜晚去日本餐廳是一頸都是紅色物體的, 因此我通常都選擇食 lunch, 便宜得來亦可一探那間餐廳的底子. 像登龍街的天勺就是好例子, 我從來都是午飯時間去的, 百多元就有 8 件任選的手握壽司, 很味美.
不過今日想試試新野, 記憶中在利園附近一幢新商廈有幾間日本舖, 因此特地去睇睇.
二樓有間竹八日本料理, 不過心血來潮, 想由高睇起, 就去了十樓的壽司廣.
一進門, 店子小小, 壽司bar 已佔了大部份地方, 但已經坐滿了人. 帶位小姐問明了我們沒有訂位, 就打了個電話, 請我們到樓下九樓的餐廳. 原來兩層都是自己店舖.
一進門, 就看到吧檯有兩個大銅鍋, 那不是炸天婦羅的鍋嗎？
店長介紹了午餐的餐牌, 不過不大覺得有天婦羅, 而且價錢不算便宜, 一個全吞拿魚作的午餐要二百大元, 但當然, 作為一個 Toro 痴, 那少少金錢換來不少快蔚, 是不外人而諭的. 此外再叫了一個店長推介的乜都有捲, 點樣乜都有, 睇下就知.
正在等食的時候, 思前想後, 為何不叫個天婦羅餐呢？正對著我的木牌好像叫我, 喂, 入黎唔食天婦羅, 有無病呀你... 都係諗諗飽唔飽先啦...
終於吞拿魚餐來了. 第一樣是一個前菜, 有燒吞拿魚伴上的和風沙律. 吞拿略嫌乾了少少.
再來就是主打, 兩碟一齊殺上來!
我影得唔好, 好難形容那種極度的震撼！上者, 有大トロ Otoro, 有炙とろ, 有まぐろ maguro, 有軍艦, 有捲, 簡直目不瑕給; 下者, 色彩繽紛, 你認識的魚乜都有 d o係裡面, 再加埋旁邊一抹海膽, 漂亮得我簡直不懂得起筷！
筷都仲要起o既, 無需要多講, 大トロ及炙トロ入口即溶, 新鮮無比, 單係食呢兩樣就已經值回票價！六小捲都很味美, 只嫌軍艦比較乾身（吞拿魚都不要熟食呢！）, 此為一大遺憾, 如果只上碎蔥吞拿就已經很滿足了.
至於那個八件彩色大捲, 吃起來甚麼魚味也有, 再加上內藏極度新鮮的海膽, 簡直無得頂！
其實食到此, 跟本已差不多, 不過我還不死心, 因為前面的木牌又叫著我了...
算！橫掂是叫, 就叫了一隻日本車海老天婦羅, 看看究竟有甚麼把炮...
有頭有尾, 非常漂亮. 一入口, 嘩, 油的香味揮發在口中, 卻又不覺得討厭, 蝦新鮮不在話下, 就是蝦頭也是甜美到極！感動得我呢... 在新宿つな八 食的天婦羅已是精采非常, 在這裡卻又提升了另一個新的境界, 實在是天外有天呢.
當然, 價錢來說, 一頓午飯要近六百大元都是非常昂貴的一回事, 但開心的時候, 那會理得這樣多？而且給我發現了香港好吃的天婦羅, 都算是不枉此行了.
記載於譚生食經.
現有 2 個回應.
«上一篇 |
下一篇»
1. blue moon | 2005.12.12 :: 17:13
見你形容得咁正, 六舊水二人前, 都唔過份丫.
2. Roy | 2005.12.12 :: 21:21
好味呀~~~
今個禮拜六、日去試試先~~