易生些！
2005.10.18 :: 星期二從來無睇過一套電影, 或者一個棟篤笑show 係可以笑成場無停過的. 子華的, 你只會心微笑, 但不會笑到成個人訓o係度, 但林海峰的是但噏 show 就有呢種能耐了.
無偏鋒深澀的題材, 講的都是大家耳熟能詳的, 如 Disney, 如郭富城, 如廣告的 voice over, 如屋企人, 如頒獎典禮等等. 巴閉的是, 在這些平平無奇的題材, 佢卻又講出無盡咁多笑料, 有自嘲, 有串別人, 有無奈, 有神經, 但目的都係一個, 就係要你笑到完全無空間休息那一種, 真要命.
我最喜愛的一 part 是帶女去 Disney 那一場, 又沾了少少政治, 又講了屋企人, 但最令人印象深刻就是 Jan 只做了少少幾個動作就已經覺得 ＊你已經身在 Disney＊, o個下先至要命. 即係呢, 我覺得扮暴龍起家的張達明都要企埋一邊.
動作已係一絕, 用把口搵食的 Jan 當然不會放過口技表演呢個機會啦. 扮哂頒獎禮咁多 DJ 講野已不是新鮮, 我最欣賞就是那一幕愛國歌曲對唱, 一句雄壯的男聲, 之後一句溫婉的女聲, 仲要做埋動作, 真係笑到眼水都標.
不過講真, 最正的是都有一兩句真言可以帶走o既, 你分分鐘都可能會遇到人地對住你講 : "易生些！"
咁最直接就係同番別人講："多side！"
記載於譚生日記.
現有 2 個回應.
«上一篇 |
下一篇»
1. 大力 | 2005.10.26 :: 11:27
但我始終覺得, 有埋亞葛, 個種火花係更好!!
我自己無去睇, 我細佬睇左話成個都好睇,
最失敗係扮條條三級野個部份, 佢話要聽呢的
不如睇曾志偉, 亞叻, 曹查理都可以喇 ...
2. 小譚 | 2005.10.26 :: 17:30
對啊, 那一節 cut 左都無乜相干呢. 最衰最衰無講亞葛, 到最後一晚先出現...唉