盲公音樂會
2005.03.06 :: 星期日每年藝術節我都會找一些平時不大有機會聽到的, 另類少少的音樂節目, 像往年玩聲玩得出神入化的 Bobby McFerrin, 之前的西班牙小歌女王 Misia (不是日本那位), 都令人有驚喜.
今年小弟品味再高一級, 聽一班盲公唱歌 ! 講的是 The Blind Boys of Alabama. Blind Boys 唱的是甚麼歌 ? 福音音樂 (Gospel Music) 是也. 但如果你說 Gospel Music 就是教堂內聽到的, 你只是說得對一部份. Gospel music 跟你在教堂唱的不同在於很有黑人的色彩 , 都是對主的頌讚及歌詠 , 唱起來非常開懷 , 令人不其然地搖頭拍手和應, 你看看 Sister Act 就可知一二.
實際上, 盲公只係唱歌幾位, 其他結他手鼓手都不是, 但亦無損精彩的表演. 老實講 , 除了幾位真是看不到觀眾外, 我想像不到他們與一個健全的人有何分別. 最好玩的是主音 Jimmy Carter (花生米總統 !), 口水多過茶, 但係又唱得又玩得, 之後還要走下台握手, 像個小朋友般唔想走 ! 其餘兩位都隨時手舞足蹈 , 彷似開 Party 一樣 , 要叫結他手拉住他們呢.
講歌, 都是很容易入耳的輕快歌曲 , 都是頌揚天主的偉大 , 一同信主吧 ; 和音雖然不是主打的部份 , 也都是非常悅耳.
不過其實我想講的不是這些. 我想講的, 是如果這個音樂會沒有外國觀眾的話會怎樣 ? 我見我前後左右的香港人都是一個個過路人般 , 連拍手讚賞都慳番的 . 若不是有幾位坐在中間的外國朋友大聲叫喊, 我想, 台上的幾位都不知是否觀眾都走光了. 要拍手, 要支持是這樣難嗎 ? 還是香港人太崩緊呢 ? 我就玩得非常開心了, 差少少還要跳舞呢.
我想, 除非認真教育一下香港人如何去聽一個演唱會, 西九永遠都只是一個爛攤子.