譚生的手作仔

去了聽首場達明. 好明顯地: 我老了, 太懷念那段日子, 所以聽得十分開心.

入場時派了一份場刊, 簡體字的, 看的辛苦, 不過作為二十周年的全記錄, 而且, 很久已沒有演唱會會派場刊, 當然欣然接受.

舞台佈置成一個恐龍骨模樣, 是否來聽歌的, 台上演出的, 都是絕了種的超越恐龍化石呢 ?

一開場劉以達走音的唱出 "鄧小平", 全場哄動. 歌詞之啜核 (雖然人名已經全部 out 哂) 抵死, 非曾經經歷過那段日子的可以理解.  之後的天問, 今夜星光燦爛, 溜冰滾軸等等, 十多年前中學時代滾瓜爛熟的歌曲到現在, 編, 曲, 詞等仍然覺得非常潮, 非常有型, 可見達明的品味及一班作詞人的功力.

演唱會本身已無甚麼可以挑剔, 要聽的, 要睇的, 要講的都在這裡. 還記得早時有呼籲叫人穿制服入場, 我要對不起, 我無做到, 但發現真有很多人 "盛裝" 出現, 有位姐姐仔仲著住老麥叔叔的制服呢!

楊千嬅作第一晚的嘉賓, 都好好笑, 不過佢正經八拍地扮盧海鵬扮撻成一塊唱歌, 就好似有點兒怪.

之後有兩大狀作嘉賓, 奇奇怪怪的, 不過原來原因係話, 早排頭條新聞的幾多周年時大狀又被請去唱呢首在頭條新聞度播放率奇高的 "你還愛我嗎", 所以無論如何都要請兩位大狀再唱一次. 哈, 兩位大狀木木獨獨咁, 其實講野都幾黑色幽默.

最後當然唔少得一輪快歌結束演唱會吧.  講真, 唱過甚麼歌, 我都已經不記得了. 我只知道, 全場觀眾都是少有地情緒非常高漲, 就算是堂座座位的高尚石像貴客無須叫都自動自覺地站起來載歌載舞, 在印象中都只是這個演唱會有此能耐.

其實, 聽這個演唱會並非真是要看甚麼, 但一個組合, 經歷廿年的歷史, 只推出過五張全大碟, 而能在香港流行樂壇佔一個重要的地位, 更要歷久不衰, 達明的成就始終都是超然的.

當然, 你更可以說, 在 80/90 年代這個香港光輝的一頁, 大家都寄予無限的回憶: 聽到天問, 你可曾記得那個波瀾壯闊的時刻? 聽到今夜星光燦爛, 你可會覺得最後一句歌詞就正正是一個預言? 聽到溜冰滾族, 你又可曾記起年少時的輕狂?  這些這些, 都不是穿屎的番薯可以理解的.

現有 1 個回應

短短幾個月, 兩位巨星相繼殞落, 不勝唏噓.  (閱讀全文)

我有回應!

1. turn the table 2. I want to fly 3. a little story 4. late autumn 5. just between you and me 6. november cat 7. a love song 8. for a special friend 9. if i had the choice 10. 陽光

其實有一段日子無聽 The Pancakes (其實因為呢排無乜歌聽所以先拎番黎聽, haha). 無可否認, Dejay o個種香港式英文只有令人喜或者惡, 我其實都係一半一半, 喜的是 Dejay 那種藝術家的不肯妥協的脾氣, 惡的是那種近乎走音的聲線同咁香港的英文都可以出到咁多碟 haha.. 講笑o者 此回 Dejay 找來不同地區的單位為佢編歌, 音樂比以前豐富左好多, 有熱熱鬧鬧的 turn the table (或者直頭可以叫反檯 ), 有聽落好遊樂場的 a little story, 又有好 folk 的 for a special friend. 不過在某 d 較急的歌詞上, Dejay 明顯唱得比較力不從心, 在某一 d 比較慢的歌曲, 卻又有點兒令我覺得眼訓... 講到入心入肺, 就只有係成日o係電台聽到 陽光. 點解呢? 可能問題始終在於 Dejay 都不是英文人, 雖然 Dejay 在歌詞冊內好謙的講自己的歌詞d grammar 都不太好 (其實d 歌詞都無乜唔妥o既), 但當要認真地看待一首歌時, 始終自己的語言才可以好好地表達得到

我有回應!

有一年去日本, "發現" 了唱英文非常了得的 宇多田光, 自此奉為瑰寶, 聽左成年 First Love, Automatic 都唔厭, 可惜, 始終覺得 Hikki 後勁不繼 , 新不如舊.  (閱讀全文)

我有回應!

一連睇左兩個頒獎禮, 兩個真係差天共地. 一個分豬肉的, 歌手都求求其其唱完就算 (連野都唔駛講, 因為上得到台都俾人打圈圈 !); 另一個獎唔多, 但得都獎的歌手都喊苦喊忽, 一係就乜野自己感受都講哂出黎, 歌就完完整整的唱哂先走, 就算到場的歌手無獎都著得靚靚的. 可想而知, 兩個頒獎禮o係歌星的心目中的分量係點樣. 你大會尊重歌手的話, 歌手都會尊重番你; 尊嚴係人地俾的, 架是自己丟的, 仲要厚面顏走番出黎話下次頒夠一百個獎先算數, 咁又有乜野咁珍貴呢 ?

所以我不嬲都只係聽 903, 有我喜愛的歌, 有我喜愛的歌星, 至於連蘿蔔都拎出黎應市的歌手, 聽唔聽, 都無乜野損失啦.

我有回應!

兩張 CD 一拎起手, 都輕磅得過份: 沒有 VCD, 沒有一大疊的 coupon, 沒有一大本的寫真集, 沒有乜乜物物化妝品的試用裝, 換來的係 20 多首聽得心花怒放愛不釋手的歌曲.

我有回應!

既然講明係 "談歌" 咁當然唔係只係講 CD 咖啦.  (閱讀全文)

現有 1 個回應

朋友話買番黎的 Yumiko 聽左一次之後就唔會再聽, 因為太難頂! 我呢 d 儲 CD 的又點會放過呢個機會呢? 自然第一時間半價購入, 即日聽即日寫, 呵呵~ 果然又有野寫喎~

我有回應!

我可以話我都幾 forgiving, 如果有d 歌 d 旋律還不錯的話我都收貨. 聽千嬅的新碟就有呢種感覺, 一整隻碟下來, 除左 家有幾米 之外全都係慢歌, 仲要係 "好管弦樂團" o個種. 聽下來, 熟口熟面, 硬覺得首首歌都有之前幾隻碟的影子, 如 假如讓我說下去, 塔羅迷 等等, 只不過將所有野重新用 "聖誕", "童話", "音樂盒" 的主題包裝得靚一靚, 再加埋一開 CD 盒就聽到聖誕歌, 仲俾埋剪紙公仔你摺埋個千嬅音樂盒, 真係玩 theme 玩到出哂面.... (閱讀全文)

我有回應!

有時有d 歌一聽就好似附身咁, 聽完一次又一次又一次, 總之聽到部機無電才罷休. (好多) 陳輝陽的歌就有咁o既本事, 令你如著魔地想聽下去. 剛拎起容祖兒的新歌 爭氣, 發現又是輝陽同林夕的作品, 自然又要再三細聽啦.

我有回應!