一切都是我的小小感想, 如有踩親, 唔好意思
30 代電腦男, 以林海峰的定義, 就係 3omething. 愛遊日本, 愛玩電腦, 近來迷上攝影, 雖非家財萬貫, 都叫做有個竇口. 家有一個女人, 兩隻貓, 幾部 Mac, 咁多老婆, 點算好?
譚生談歌 [43]
譚生日記 [164]
譚生食經 [52]
2005 溫哥華梳乎之旅 [6]
蘋果日誌 [24]
2007 東京 [5]
2006 東京笑中有累之旅 [9]
2007 加拿大 [4]
貼文分享 [1]
蘋果園
- 麥客見聞 Activity @ Mactivity
- 老地方冰果室
- 小麥草地
- imacguru
- 蘋狂陣
入門網站
- Engadget
- 電腦領域
- Mobile01
攝影展
- one day in my life :: hugo poon
- Candice's flickr
- SNAphoto
- Patrick Ho's Gallery
- innox's photo gallery
- dpreview.com
- The Luminous Landscape
- 巴斯的拍紙簿
- Dan Wong's Photo Gallery
- Lawrence Photo Studio
- MyTony.net
網友連結
- CR 琵琶湖支社
- 香港人在日本
- Mr. Riceball 的我要寫日本人
- 三十過後一個人住
- 港日夫婦善哉
- 自言摯語 by 罐罐糖
- fayecat
- Colocynth 的遊記
- nicthe photophilia
音樂社
- 文恩澄blog
- suk-e.com
- Kellyjackie
- This is my... Diary
- Phoebus Bus Stop
- Y 格
andreas01 v1.3
D 相係耐左。。。
但好靚女喔！！！
佢開con 我一定黎！！！
話時話真係多左日本歌聲來香港，同埋行信和地庫發現差不多大半層都係賣日本碟／日本歌星產品，我唔知係咪一向都係咁，但係我真係覺得香港年輕人愛日台歌星多過香港歌星好多好多。講真，我呢d 以前不停買香港 CD 的都已經放棄了，而家差不多清一色買日本 CD，在 iTunes 買歌又方便，我跟本已經想唔到任何理由買香港 CD 了。
是否很悲哀？又唔係o既，物先腐而後虫生，冰封三尺非一日之寒，比如一個都出左黎7 8 年啦，講野都仲係好似個弱智兒童咁 － 佢個前拍檔又係又傻又天真，咁佢係弱智都不為過－ 講緊仲係不識大體，真要命。講真，香港歌星，寫得詞作得曲都已經係鳳毛麟角，但在外國，最低要求起碼都要識得寫或作啦。就算唔識寫同作，作為一個歌星，唱 live 五音不全的比比皆是，究竟自己知唔知乜事？真係要好好反醒下啦。
如果你覺得年年聖誕都要聽Mariah Carey 那幾隻聖誕歌係好悶旦的話，倒不如聽下我而家講呢隻碟。 槇原敬之的新大碟 Personal Soundtracks 是近來非常喜愛的 album，基本上整隻大碟風格都洋溢著輕快，正面的心情，就係一貫的 Maki 的風格。不過最特別的是歌曲的編曲同配樂都非常講究，每一首都有自我不同的音樂風格而又有令人印象深刻的豐厚的配樂。最先的 Taking the Central Course 的鋼琴配絃樂就是一個非常優美的開始，而結尾加入的一段風笛更引人入勝。 之後的 Chocolats et Sweets 係非常 jazzy 的小品，聽著就似望著滿檯的聖誕糖果。 君の後ろ姿（你的背影）是我最喜歡的作品，雖然歌詞流露著一點點的傷感，但全首歌穿插著鄉謠（country）味非常重的提琴及結他配樂，加上簡單輕快的旋律，令人立刻喜愛。 之後的 Orange Colored Sky及つま先立ちで(笑)都是非常pop rock 的作品。 WE LOVE YOU 亦是我較為喜歡的作品。 就似前作寫給 SMAP 的世界に一つだけの花（世界唯一的花）一樣振奮人心，總會感到人間有情。 僕の今いる夜は（我的今夜）加入Christmas Bell 的 Chime，令整首歌都似聖誕歌。至於 Firefly~僕は生きていく亦是非常country 的歌曲。 最後的 The Average Man Keeps Walking，某程度上同第一首 Taking the Central Course 首尾呼應，大抵都是要對紛擾的事退一步看，最重要是自己喜歡的生活就已經是滿足了。 在金融海潚下，無可奈何下各人都憂心忡忡，聽聽Maki 的歌吧！起碼，你仍會覺得這個世界還有希望，聖誕都將來臨，也是新一年的開始，暫時放下不快的事，去迎接新一年的挑戰吧！
唔好話我老餅, 見到呢 4 隻大字, 真係好自自然然被吸過去. 其實以前係無乜咁特別去留意的, 只是 Muriel's Wedding 睇一個 what nowadays we called 豬扒的女子發夢都要溝仔的故仔, 係個樣唔掂, 但唱 ABBA D 歌超正. 跟住就要到在澳洲時睇了 Mamma Mia!, 真係愛到不得了. 你講, 除非你係咁煲 soundtrack 咖O者, 否則你點會第一次去聽個 musical D 歌係自自然然識得唱? 最有趣係, D 歌係好似為左套劇而寫的, blend 得完全不著痕跡, 真係正!
ABBA 的歌唔駛再講吧, 旋律簡單直接, 歌詞訊息正面, 又不古作高深, 實在是學英文朋友的良師益友, 真係聽多幾次就絕對可以上口.
所以 ABBA Arrival 來, 我第一時間買飛了. 其實點解呢? 不是只是為了可以一路聽歌一路唱一路跳, 一定好好玩! 6 月 14 號見你啦喎!
仲有 Mamma Mia! the movie 暑假就殺到黎, 有我最愛的 Meryl Streep, 好期待 (可以在戲院一齊唱一齊玩呢)!
如果你仲未識得 ABBA 的音樂的話, 你快D 拎黎聽下啦, 一聽, 你一定會愛上佢!
每次失落, 不如意的時候, 聽聽呢首歌, 都會覺得打了一枝強心針一樣.
基本上陳Eason去到今時今日出咩歌都會有人買的, 但原來, 佢仍未到頂, 再來呢張 Listen to Eason Chan, 倒又感受新鮮, 整張碟, 有非常濃厚英倫電子色彩, 由編曲, 到歌名, 到唱的, 都同英倫有莫大關係, 再聽落去, 係好似那時的 Pet Shop Boys (噢, 我都係飲那期奶水大的人). 最重要係, 差不多成隻碟都係 dance beat (除左那首 Crying in the Party 同夾夾不入的合唱歌), 甚麼題材都有, 材料豐富得來又各有特色, 非常令人喜愛.
瑪利奧派對係好輕快的跳舞歌, 輕易入口, 但我卻更喜歡熱島小夜曲及很有迷幻 feel 的滑鐵盧車站. 聽閃, 第一個反應就係狗仔隊, 戴安娜, 同 Pet Shop Boys的 I'm not scared 很異曲同工.
黎小田操刀的Crying in the Party,典型 K 歌, 但編曲豐富, 而且易入耳, 不難成為勁 plug 的歌曲.
後半部就比較平淡了少少, 雖然有Eason參與的狂熱革命同乜嘢啫座陣, 但亦是比較係聽得多才有味道的作品. 而時代巨輪則係一貫 Eric Kwok, 林若寧的詞很有電影感, 值得一聽.
至於另一隻 remix, 其實有少少浪費了, 做一隻成隻 remix, 就好應該隻隻歌都串埋一隻歌先好玩咖嘛, 而家唔湯唔水, 唔好玩.
當然, 任何人都會同意, 成隻碟最大敗筆就是那隻同牛華合唱的國語歌, 唔係唔好聽, 但同成隻碟格格不入, 倒不如自己一隻 single 出就算吧.
居然在街上兩次有人拍我膊頭問我呢個 headphone 在哪裡買.
我話, 好多地方都有得賣咖喎. 係咪無留意呢?
呢對 headphone, 真係令我跌哂眼鏡, 因為一嬲都覺得 Panasonic 耳機把聲尖, 欠 bass 味, 呢個, 都有少少尖, 但如果在 iPod 改 equalizer 為 Low Treble, 高低音剛好balance, 唔會太尖都唔會太吵耳. 聲音有層次感, 唔會攪埋一堆, 隔聲都好好, 個耳墊幾舒服, 不過聽得耐好多汗... (即係係時候休息下了 
)
其實呢對耳機是在舊年 ITU在 Panasonic counter 發現的, 咁大個耳機, 居然連一個細細的藍芽接收器都推得郁, 又好聲, 因此決意買下了.
最重要係, 平! 3舊水多D 就買到一個咁實淨, 個樣又好 retro 的耳機, 而質素又唔錯的耳機, 在哪裡找? 之前買過一隻 E 字頭塞耳仔的白色 earphone, 成一千蚊, 聲係好啦, 不過用了一年就沙聲, 換膜換耳塞都唔掂, 真係算把啦.
出左新版 HTX-9, 但好貴, 仲無咁靚仔, 我都係鐘意佢.
咁其實, 在哪裡買呢? 講個秘密你聽, 去灣仔, 莊士頓道, 大有商場沿電車路行去金鐘方向, 7仔旁有間好黑店樣的影視店, 用 cash 買, 三舊水有找, 平通街, 仲要係行貨.
