譚生的手作仔

真係慚愧, 成十日無寫日記tim... 都因公事私事都煩忙, 番到屋企都唔係好想上網.... 

呢十日真係做左好多野, 遊行啦, 睇左幾套戲啦, 仲要去埋曼谷做野番埋香港啦, 仲要攪埋困擾好耐的牙周病, 我自己都覺得無得頂.

遊行

呢幾日報紙新聞專欄講得太多啦 , 無乜野好講 , 我只係想講: 而家呢個版本的廿三條, 其實都一定俾立法會通過咖啦; 去遊行, 其實都係想話俾我地 d "專" 貴的司長特首聽 , 我唔 Q 順你地 d 所作所為 !!! 係咁, 講完. 我相信, 好多人都係咁諗.

戲

無間道真係好野黎咖 , 你睇完成套戲 , 覺得好鬼死好睇 , 跟住會想入番場再睇多次究竟邊度犯駁咖 !!!

Harry Potter 呢, 就係你未睇完套戲你就好想佢快 d 完... 點知完來殺左咁多野都仲未完場, 仲要睇住個牛龜咁大的人做個十二歲o靚仔做成套戲, 你會悶到想死....

曼谷

塞車............. 有幾多條鐵路都係咁, 睇怕都係死症一件...

牙周病

洗多 d 牙啦各位, 唔係因為牙痛先至睇牙醫咖 , 你平時刷牙都無可能刷得乾淨. 唔好以為起身刷牙流牙血係好正常一回事, 正如我醫生講 , 任何器官流血都係有病的, 既然咬骨吞肉呢d 咁劇烈的動都頂得住的話 , 刷一刷牙都會流血是否有點不正常呢 ?

我有回應!

Just as expected, 今日等人來收舊 printer 結果係被人放飛機的... 好彩 shift 係我編, 今日放假或明日放假都唔係乜野特別問題, 要人等足一日而半個電話都無回我甚麼原因不能來, 打電話又唔聽, 留 message 又無回頭 , 呢 d 係甚麼撈什子 service?? 雖然我係叫做 "羅著數" o者, 但係我都要真金白銀拎錢出來買機咖嘛...

打番俾 hp, 話同佢地反映番, 唉, 呢個世界有幾多外判出去的係好咖 ? 從來都無. 我地公司外判左好耐的 hardware maintenance 都要收番自己做, 無他o既, 佢地一個o靚做錯野, 我地無啦啦就要揹鑊上身, 揹多幾次自己仲有幾多老本 ?! 當然, 錢都係一個大問題... 人地收我地咁貴, 仲邊有理由俾錢人賺 ? 可憐我好快讀緊 master 之際要花 d 時間讀個電工牌囉... 

算啦 , 都唔係第一次俾人放飛機 , 當自己笨囉...

我有回應!

是日天氣寒冷, 心思結冰, 無乜特別好寫...  

原來今日好多地方都落大雪, 中國, 東京...交通癱瘓... 落雪有乜咁好呢? 剷又麻煩, 溶又麻煩, 溶左之後結冰仲麻煩... 我寧願不要見到雪啦...

舊年呢個時間我o係東京喎, 雖然好凍好大風, 都無雪落...

掛住碗築地拉麵 tim... 

現有 2 個回應

好耐都無行老尖, 但係尋日一行就行左大半日, 仲o係 海港城 磨左大半日, 為的是睇 Pheobus Chan 的演奏. 如果你星期六日下午行過海港城, 你一定見到佢坐o係鋼琴前彈香港流行曲. Phoebus 對我來講並非陌生, 因為佢以前好多時都o係 跑馬地 聖瑪加利大堂 的聖詠團師琴. 可惜佢話因為工作關係, 現在不能再在平日彌撒彈琴了, 怕且要聖誕的彌撒才見到佢.

你平時見到的 Phoebus, 都只不過同普通年青人一樣, 最有趣的, 就是你唔會覺得佢係好正經八百咁彈琴: 著住恤衫牛記就上台呀, o係個琴前面飲水呀, 一路彈一路 "ngut" 凳呀 (俾著係我老師就打咖啦)...正係因為咁, 所以路過的人都對佢有好感, 除左嫻熟的琴技, 來者無拒的點歌之外, 呢份平易近人, 就將不少被人捧上天高不可攀的鋼琴 "明星" 比下去. 在場見到唔少少女都如癡如醉, 可見佢魅力亦不少. 

以前見到 Phoebus 都係一支公, 今次卻係成band 人o係度, 自然音樂更加豐富. 除左大路的香港歌之外, 再表演左 Dream a little dream of me 同 Beatles 的 Hey Jude. 以一個免費的音樂會來說, 就算得上交足貨啦.

如果大家想一睹 Phoebus 的風彩的話, 星期六日下午四點左右在海港城就見到佢咖啦.

(p.s. 如果你o係香港島的話, 都唔好唔記得 Rupert 的 聖誕 Concert. Rupert 的鋼琴同樣了得, 而且佢仲寫左好多琴譜, 歡迎大家 download. 大家都支持下啦.)

現有 1 個回應

今日在 PC Weekly 見到篇文章, 有點感慨, 茲作文抄公:

木戈 : 終於忍受不了某Online Game 的台灣 server, 轉投已不再 block 國外IP 的日本server...以往自己玩過的 Online Game, 都是台灣或香港 server, 就算無 lag, 玩起來都充滿殺氣與氣憤; 同一隻遊戲在日本, 人家卻玩得甚和諧, 沒有所謂的搶怪撿骨, 欺詐, 只有義無反顧地幫助陌生人.... 有人說, 這是祟日心態. 也可能吧, 買電器我確實會盡量選 made in japan 的, 起碼從來沒有不愉快的使用經驗.

現有 1 個回應

早兩日 HP 有個 promotion, 買 printer trade-in 部舊機可當 $500 用, 想換機好耐啦, 因此那那臨俾錢. 本來預左聽日送貨, 但係今日一聲話船期拖延, 咁又要等多幾日先至有機用...  (閱讀全文)

現有 2 個回應

在機場做野好多時都遇到好多唔同的人, 今日食 lunch 時就兜搭左一對法國來的男女. 男的, 無乜野啦, 女的, d 輪廓好 sharp, 幾靚~   (閱讀全文)

我有回應!

坐得多地鐵耐, 發得白日夢多, 就會聽到好多無聊廣播. 都唔知係咪乜都外判哂俾人做, 益發覺得佢地 d 英文水準越黎越古怪. 近期聽到最古怪的莫過於:

...please keep the passage clear, and do not give money to beggars.

Well, 中文原文係 "請勿助長行乞". 點解英文唔講 "please do not encourage beggary (begging)"? 咁當然, give money to beggars 無錯, 但係你唔覺得好古怪好 Chingish 咩?

仲有, 你有無發覺佢地好耐無用到 alight 呢個字? 係咪太古老的字不可以用呢? 所以要用 "please let passengers exit from the train" 啦? 可唔可以講得有禮貌少少呢? 比如 "please allow passengers alight from the train"... 我唔知呀, 我又唔係英文老師, 但係我硬係覺得好唔妥囉...

英文的 annoucement, 當然係俾 d 唔係講中文的人聽啦, 咁 Chinglish, 真係醜死怪...

即係呢, 學英文呢, 唔係只係學文法o既, 點樣先講得得體, 先至係學問

現有 2 個回應

今日去左睇 One Hour Photo. 百老匯院線 offer 左皇室 Palace 買一送一, 用 $60 就坐到比商務客位仲舒服o既椅, 好正 ! 

套戲本身都唔錯. 其實成套戲找不到半點驚嚇的鏡頭, 都沒有甚麼緊張誇張的情節, 甚至有點平淡tim. 但就係越平淡, 就令人越睇越毛骨悚然, 渾身不自在. Robin Williams 的演出自是精彩, 攝影亦絕頂正. 要留意的是所有在超市內的鏡頭都用了非常粗的微粒效果拍攝, 配上差不多全白的背景, 同主角下下力求沖出來的相片都 perfect 的性格成一大對比. 至於故事, 其實都唔係點出人意表o既, 不過都有 d 警世意味, 不過講得太白啦, 浪費左o個一種張力.

都值得睇的一套戲, 不過前半段入戲時比較悶, 小心.

我有回應!

行過書報攤, 睇到今期新地話何韻詩界女王點點點... 哦, 有乜咁稀奇o者, 佢咁英, 仲要英過大把男人, 真係迷死大把女啦.  (閱讀全文)

我有回應!