無蛇 , 不過作傷風 ... 都唔知係咪公司 d 冷氣系統有問題 , 可以攪到差不多成個 office 的人都病 ?
秋風起...
同志仍需努力
2004.09.14 :: 星期二
立法會選舉曲終人散, 其實我們這些死硬民主派確是好生失望. 最大失望就是民主黨的策略失敗到連累別人的位子都無埋, 老實講, 以馬丁的料子又點駛叫出告急的調子? 雖然有好多好多票出左黎, 又可以點呢 ? 又咪係俾個村姑入會! 講真, 乜人都好, 就係呢個村姑勁唔掂 , 真係點可以俾呢 d 咁o既人去議事咖 ? 見到憎肉成班人個意氣風發樣我就真係想打爆個電視機.
既然遊戲咁玩o既 , 唔該 , 民主派人士下次做好一個全盤配票的計劃 , 唔好令到我地班番薯盲中中去投 "錯" 票.
都好o既 , 知道咩叫失敗 , 就會憤發改過 (如果有能力的話). 而且呢一次有大班長毛呢兩個o既噪音, 跟住 4 年一定唔會悶 !
912, 齊投票 !!
齊投票 ! 踢走保皇黨 !
2004.09.03 :: 星期五
下午見到一大班記者企哂o係灣仔地鐵站口 , 原來係民主派的做勢大會. 真勁, 差唔多所有人都出現哂 , 連大班都過埋黎 , 真係驚又有伯爺公走埋黎鬧佢母親.
大家記得一齊投票 , 將保皇黨班 xx 剷踢走呀
是日開張
睇左大丈夫 !
2003.09.20 :: 星期六
好鍾意呢部戲 , 好耐未睇過一套戲真係笑到我扒o係度 (龍咁威都無) !
個故事又完整 , 無虎頭蛇尾 , 無草草收場 , 值得一讚 !
抄左好多電影的場景 , 但係一 d 都唔覺得討厭 , 而且仲好別出心裁 tim ! 我尤其鍾意佢地 "槍戰" o個場戲 , 簡直係神來之筆 , 呢段真係好鬼死精彩 !
3 個男主腳各有表現之外 , 3 個師奶都好正 , 除左李龍兒行行企企之外 , 其他 3 個都好抵死 ... 不過最抵死都係 d 串星 , 梁家輝的九叔真係非常正斗 , 再想起九叔的另一套電影 (都係我非常喜愛的一套電影) , 就真係笑到收唔到 ... 仲有另一位做網吧的男人 (係詹瑞文) 又係非常抵死好玩 ...
之前睇彭浩翔寫o既野 , 既抵死又啜核 , 總覺佢非池中物 ; 拍左幾部無厘頭戲之後 , 呢部總算叫做有 d 交代 .
總之 , 真係一套好好玩好抵死的一套戲 , 值得睇~
7 月 1 日
2003.07.01 :: 星期二
回歸六年, 香港市民送左一份大禮俾老懵董, 真開心~
請你下台 !
所思所想:
非典型下的典型賤人
2003.05.24 :: 星期六
早兩日去左蔡瀾美食坊, 下午兩點幾時終於可以唔駛排隊一試永藜園的擔擔麵. 食左擔擔麵, 豬耳, 白肉等等. 講真, 食味雖然 OK, 但講唔上要排隊排餐死那一種, 奧海城那一間的擔擔麵我覺得比此處更惹味, 而且都算非常抵食.
去廁所打個轉, 見到樓上兩個o靚仔, 就十足蔡 san 形容的汗毛都未出齊的小子, 著住 鼎泰豐 的廚衣走去廁所... 煲煙. Well, 煲煙, 都仲算啦, 有個哥哥仔去完小解, 手又唔抹又唔洗就大模斯樣走出去. 嘩, 大佬, 有無攪 x 錯 ! 就算唔係呢 d 咁o既時期, 你o係廚房做野你都要洗手卦 ? 當堂番哂肚...
不過有時自己身為男人都覺得男人好唔掂, 眼睇住好多人去完廁所小解就唔洗手走番出黎, 呢樣摸o個樣掂, 頂, 我睇得多真好唔順眼, 但係又唔話得人... d 男人真係好鬼丟架...
NO MORE WAR!
2003.03.23 :: 星期日
一個泱泱大國, 好似個爛仔咁周圍撩交打, 真係唔知佢地心裡面想甚麼? 一d 所謂自由的價值觀, 是否真的要強迫人接受呢 ? 還是心底裡怕死怕得要命, 所以大番佢一鋪呢 ?
估勿論點都好, 泱泱大國開槍請客 , 到頭來咪又係全世界幫你會鈔. 讓全世界都放在你的對立面 , 到時你出事不要怪別人 , 自取其辱.
假惺惺的慰問別國的人民, 其實還是關心別國地下無窮盡的石油有否被破壞 ?
事實就係事實, 謊言就係謊言, 任憑你講到自己點 "高尚情操", 你都係講緊大話. "有咁耐風流, 有咁耐折墮", 係o岩咖, 起碼你見到香港有個過街老鼠就係咁.
(閱讀全文)
番黎囉~~
2003.02.25 :: 星期二
唉, 都唔知痴乜線, 為左一部 printer 換左成部電腦... 都好既, 而家用番 Intel 野, 應該無咁易死啦 gwa....
終於都可以定番下來, 打下野 ...
有人今日同我講... (閱讀全文)