This is it!
2009.11.08 :: 星期日
睇 This is it, 感覺就好似睇緊你平時買套戲送埋o個隻雞肋 making of 的disc 2，但係無左隻主碟那種無奈。更無奈的是，呢隻maki ng of，係比睇香港的現場演唱會仲好睇的；無奈的是，單睇 呢隻making of，就可以想像到個concert 應該係幾咁正，幾咁有創意，幾咁有睇頭，但呢個演唱會，
係，我承認我對Michael Jackson 印象，只係he's a freak, he's a total freak. OK, someone who can dance really great but he's so 80s that he's just a freak after the millennium.
Now I know I am completely wrong.
由佢每一個音樂細節的固執，每一個動作的講究，都著實係 一個藝術家的風範。係，做藝術家才會這樣執著的去att end 每一個 detail，only for the audience。我成套戲聽到的，不是每一句I love you all，或者God Bless You，而係：that's why we rehearse。Yes, that's why we rehearse, 潛台詞就係，practice makes perfect。一個 King of Pop，後台的苦功，雖然被導演剪成兩小時的精華片段，
更令人覺得難能可貴的是，離開舞台多年，只有奇怪新聞出 現的舞台王者，他想的concert係這樣現代，有無窮 的創意（當然背後有好多人的幫忙吧），無令人覺得食老本 ，無令人覺得：“咪又係咁”。就係making of 已經咁出色，真正的concert，豈不是更令人目不暇
晚上回家，看見一堆歌星賀台慶，那個所謂accapel
Jennifer @西九
2009.04.20 :: 星期一
同 Yuki 那一輯相比，呢輯係比較冷少少的。好奇，同一日，同一地點，都係咁熱咁曬，可以影到咁大分別出來。
Yuki @西九
2009.04.19 :: 星期日
好耐先至出到的一輯相..
多謝 Yuki，o個日好曬好熱，都無任何怨言呢。
特別要多謝 dee dee 攪呢個 event，大家多多支持呢位小妹妹啦～http://www.fotop.net/hke
更新。。。
2009.04.19 :: 星期日
確係好耐無寫任何東西了。。。
一來工作忙，二來facebook打兩句就無數人可以看到，三來要準備日本行程，所以都荒廢了這裡。
其實想用另一個系統來將整個website重新做過，但始終找不到一個滿意的，又再等。
如果大家未睇過最新的遊記 的話，去看看吧。很快就會加入照片。
十年 細路
2008.12.11 :: 星期四
早兩日阿蘇節目炳個細路女，有路人見到大喊點解要炳個o靚妹，佢都無做錯咁話。
錯！梗係錯啦！
人地講左點樣做，心神幌忽，無聽書，做得唔o岩又唔認，抵鬧啦。 鬧兩句就喊，少少挫折都受唔到，大d點算？ 再細心睇下個o靚妹，起碼都成十歲啦，拎把牛油刀查牛油咁簡單o既動作都唔曉，你話係咪父母縱到壞？ 如果我係佢老豆，我就真係一巴星落去，全香港人面前丟我架！
當然，一定唔會有呢一日，因為我極憎鈿路，唔好望我有個女！
廢柴特首，請走！
2008.12.02 :: 星期二
雖然今次事不關己，但有識得o既人流落曼谷，我真係好似覺得我交咁多稅唔知為左乜。
反應慢半拍，都仲算了，仲要拉雜一堆理由去推塘唔派包機去接人番黎。講真，拎一百幾十萬出黎，同立法會講要錢一定會俾咖啦，呢d 都要慳，仲要人俾錢先搭得，有唔少人都已經彈盡糧絕啦，係咪真係扑佢個街得過份？同四川振災就幾十億一個唔該就爽手拎出黎，自己香港人條命就無咁好福利，有無攪錯？
最好笑係，好啦，攪出人命啦，瀨野啦，咁就又搵個理由話局勢不穩啦，要接人走啦，咁第二日人地就話就快可以開番機場，你話呢班友個腦係咪生o係個屎忽度？
你個屎忽特首你快輪d 走啦，好心唔好阻住個地球轉啦，你好o係屋企養魚好過啦，你有無同情心咖？成班廢柴唔好俾人知你地華仁出黎咖，我無呢d咁o既師兄，神父點教你地咖？仆你個街真係點解金融海潚唔捲你班廢柴仲留o係呢度獻世。
人地話經濟五年一個cycle，而家2003年o既5年啦喎，係咪應該又整件50萬人大遊行整佢走？
The Snow Fairy
2008.11.22 :: 星期六
新嘗試，第一次拍照去做一個 theme，自己當係一個 project，係有點夾硬來，但總比齋出相有趣，請狠批。(點擊可放大，最少800x800 解像）。
玩野。。。
2008.10.22 :: 星期三
晚上去中環試了些特別相。。。
其實，都無乜咁特別，如果以前玩開菲林機都知按下快門後唔拉菲林，一直咁同一張相曝光，就係咁o既樣。不過而家用數碼幫你做埋，唔想張相太悶的話隨時都可以玩下，幾過癮呢。
又其實，我係唔記得左有樣咁o既野的，都係o係呢度 睇番黎咖咋～
Nikon x Momi
2008.10.18 :: 星期六
我唔覺得自己影相影得好，尤其是影人像，從來只係只係識按制，完全唔知點先叫做好，又同人無溝通的，更唔好講咩睇面形擺咩pose 完全唔知道。因此想真係認真去學下。
買了部D700, 發現裡面有張 flyer 話有個Nikon School , 咁上去睇下乜料啦。原來乜都有的，當然最基本的Nikon 相機基本運用啦，又有旅行攝影的講座，又有講人像燈光咁，不過最特別的是同Mom i model 雜誌攪了這個 Cover Girl 攝影工作室，講的都係有關做這本雜誌（影model） 的心得同技巧，唔算得上入門但又唔算好advance，有得出outdoor 又有studio，算係乜都有d啦。
第一堂純上理論，都學到d野o既。起碼都識睇邊一邊面好睇d，手腳應該點擺至唔awkward，點樣 set 燈咁。
第二堂去高街鬼屋 影相，勁surpise，出現了無線姐仔 Amy Ng 做我地 model。Amy 好friendly，雖然都唔係全自動攦pose，出來的效果都唔錯。不過我發覺我原來腦海內係無任何 idea 要人地擺乜pose 想表達d 乜，呢樣我點都做唔到。。。
第三堂在觀塘的studio，對我呢d 等人地黎set 燈的人來講真係好有用。雖然唔算得多學到好多野，起碼我都知係咩一回事。但最大敗筆係位model，唔知佢鬧甚麼情緒，對我地呢d 無乜經驗的影師來講，真係只有累鬥累。希望有關方面下次小心d吧。
想睇其他相可到這裡 。。。
政府包底！
2008.10.08 :: 星期三
既然阿羊太都可以迫政府對自己投資失誤包底，我地d MPF 更加應該全包啦！佢地毛查查聽銀行sale屎講買d超級債券出左事又要搵人揹，咁咪對我地被迫供MPF o既好唔公平？ 唔得，不如又組團去圍立法會啦咁。
神探伽利略
2008.10.06 :: 星期一
…又幾好睇喎。攪到我星期日一整晚o係電視面前都起唔到身，呢樣對我黎講係好少可的。
但係點解。。。又係柴咲コウ，又係福山雅治，日本真係無乜明星咖喎。。。
西邪東毒
2008.10.01 :: 星期三
如果你問我點解唔評論下有關毒奶事件，我只有講，我晨早已經飲日本牛奶，買日本雞蛋，能夠買日本版的食品就買日本版的，再不是就是美國或澳洲製造的。我從來不信大陸做的任何食品，period。
但其實，呢單野攪到咁大都令人有點意外，要怪，就怪大企業要慳成本，要榨取大的利潤，因此不斷使用中國製造的原材料。有如此大的誘因，down stream 的生產者供應商要加大生產力，再榨更大利潤，生產力去唔到，就只有出旁門左道的辦法。講到尾，播毒總要有原因，光叫總理出來講兩句說話，哭多幾句對不起，都做不到幾多野。
投票！
2008.09.07 :: 星期日
大家記得今日去投票喎！記住要投俾那些堅持民主理念的人！
賣告白
2008.09.02 :: 星期二
我要放部 Nikon D80，連 Tamron SP AF17-50mm F/2.8 XR Di II (A16) 及 Nikkor AF-S 55-200mm f/4.0-5.6G VR DX，同埋d 濕濕碎碎野咁，$6000. 全部都in good condition, 有原裝盒，不過 D80 已過保用。有興趣就留言留個email 俾我。
D700 美國對巴西
2008.08.23 :: 星期六
仆佢個街, 無一個台播, 連自吹自擂乜都會播o既有線都唔播, 攪乜? 係咪因為朗平 "叛國" 所以一齊抵制佢地?
我唔知, 只不過睇住兩個隊友o係度差波, 爭地係你係金定我係銀, 有乜咁好睇?
花乜鬼月圓
2008.07.30 :: 星期三
睇左兩集, 成班人把口涼薄到呢, 真係無眼睇. 悶.
野蠻人
2008.07.25 :: 星期五
野蠻人扮文明辦奧運, 點扮都始終係野蠻人.
唔好話我唔愛國, 我睇唔到有咩值得我愛.
Batman - The Dark Knight
2008.07.20 :: 星期日
3 年前 在加拿大看了這套 iMAX 版, 3年後再在香港看續集 iMAX 版, 驚覺原來時間過得真快.
比起上一集 Christian Bale 的生澀, 今集明顯地剛勁有型, 絕對係一個青年才俊的 Bruce Wayne. 不過好老實, 我最喜歡的, 卻是 Joker 的 Heath Ledger, 他每句說話, 每個眼神, 都令人不寒而慄, 外表瘋瘋顛顛，不按常理出牌，但其實箇中卻是刺中周遭的人的死穴。可惜，Heath Ledger 死得早，這個出位的Joker 已成絕唱。
數分鐘的香港場口，漂亮得令人目定口呆，除卻同Mr Lau tea 時穿了崩之外, 其餘的取景都非常 breathtaking, 尤其擄走 Mr. Lau 那一幕, 真是非常賞心悅目, 不似那些如 Fantastic 4 一般不輪不類的所謂 "東方" 印象.
故事非常緊湊, 而且峰迴路轉, 令人無一刻可以停下來. 不過我最喜愛的是, Joker 對人性弱點的描繪, 以及蝙蝠俠對自己身份的無奈, 對事情一發不可收拾的無奈, 都將觀眾一步一步帶入戲內. 好老實, 這一集無特別目不睱給的特技, 但故事引人入勝, 發人深省.
同蜘蛛俠一樣, 現代的英雄大都很人性化, 英雄總是有人性的弱點, 而弱點就容易被其他人玩弄於股掌之間. 不知是否就是這樣, 英雄的故事就更令人引起共嗚, 而不是打不死高高在上的神仙?
排隊
2008.07.15 :: 星期二
真係唔知點解個個咁好興緻去排隊等奧運紙幣....真係為了紀念, 定係樓股 iphone 都無得炒就炒下銀紙?
定係其實我已經過了以前那個排隊情懷?
我只係知尋晚打雷打到飛起, D 人企哂O係街, 俾雷辟的話邊個負責?
長崎 Day 3
2008.06.06 :: 星期五
長崎係一個好舒服的地方, 可以好悠閒地四處走, 又唔駛趕來趕去. 今日天氣又好, 好正.
Glover Garden 係個好靚的地方, 雖然對於香港人來講, 外國人通常都有特權住d 咁靚的地方,無得講.
住的酒店 好好玩, 一間新酒店玩懷舊, 個餐廳D 野又好食, 值得推介.
晚上吃了長崎有名的桌袱料理, 可以話係古老的fusion 菜, 好食, 好飽, 但原來我發現, 日本人做中國菜都仲係爭咁d.
上山看長崎夜景, 當然正如函館一樣, 別人話係千萬金元的夜景, 一同香港相比, 真係完全無得比. 不過有趣在, 同好多人講上山頂行下, 人地會覺得好奇怪. 香港人自己都唔支持自己的景物, 可以講乜?
福岡 day 2
2008.06.05 :: 星期四
今日無乜特別, 基本上是 shopping day.
去了鮮魚會館食早餐, 都係無乜特別, 食了一件壽司有骨的. 我諗下次唔駛再來了.
特登坐車去元祖長濱屋食拉麵, 湯好好飲, 但叉燒死咸, 可能係特登的, 不過真係幾好味.
晚上去了酒店附近的食天草大王地雞, OK 啦, 唔講得上好好味,但都可以.
福岡 day 1
2008.06.04 :: 星期三
機場去西中洲東橫 Inn 坐的士只係 2000 円, 唔駛拎唔駛擡去到門口, 同東京大阪相比, 真係抵到呢....
在 Solaria Stage B2F 的ひょうたんの回転寿司 真係好正, 比我之前食過的任何回轉都正,上次無去這裡, 真笨....
在福岡坐巴士係方便到暈的, 去Marinoa City Outlet 坐303 巴士在天神直到, 只係半粒鐘,坐乜鬼地鐵...weekday 行 outlet 真係 hea 到痺...
去番上次去的權八, 發現最平的鐵板course 都己經係正到暈, 而且唔係一般死古古的鐵板, 係處處都有驚喜, 又係必去的地方.
35mm F/2.0
2008.06.02 :: 星期一
舊鏡, 新盒, 認真估佢唔到!
仲要係 Made In Japan! 雖然我之前兩隻都係 Made In China 都唔錯, 但心理上始終覺得係好D 的.
對焦好似很爽似的. 因為最短 focus 係 25cm, 比之前的一枝 50.8 仲要近得好, 咁家陣就可以好好咁影食物了. 不過未影食物之前, 送上一張 snoopy.
去完番黎送好相俾大家!
再問點解....
2008.03.02 :: 星期日
點解離左婚O既 couple, 雙方已經覆行左要做O既法律責任, 做爸爸的仲已經經常金錢同精神上支持個女, 點解仲有D 八公八婆批評佢話無情無義, 不負責任. 講真, 前妻死唔死, 同個前夫跟本已經毫無關係, 幫個女就算係盡道義上的責任, 其他野, 跟本就係兩不相欠, 點解仲有咁多人指指點點, 係咪要佢覺得內疚死先安樂?
秋官, 我撐你!
點解?
2008.03.02 :: 星期日
點解綜緩戶可以現兜兜出雙糧, 我交咁多稅, 又無得現兜兜退番錢俾我, 只係玩數字遊戲, 叫我下年俾少D (Econ 都講過, 手上的錢的 value 永遠都高過將來的錢).
點解生果金要加, 一次過俾三千蚊俾你唔係錢黎的嗎? 唔好唔記得, 生果金係政府俾老人家的一份心意, 唔係用來支援你的生活, 要用支援生活, 點解唔伸請綜援?
點解你租間板間房業主包埋水電, 而家有補貼又要同個業主分番一份 "退款"? 你唔係直接交電費O個個黎咖喎, 大佬. 正如我而家租屋, 業主包差餉, 你無得話因為今年成年都唔駛交差餉, 你就同個業主講, 喂, 減番D 租丫.
點解住公屋有得免費上網, 我個個月就要俾幾舊水上網?
所以我覺得, O係香港, 應該係窮O既人有多D著數, 唔好做D中中間間O個D, 俾咁多稅又無乜野可以俾番我的O個種人.
汗... =.="
2008.02.01 :: 星期五
番左幾日新工, 晚晚都要過夜裝機, 出出入入成個機場行均, 我呢等咁多年來都只係 office 人來講當然有點不慣, 好彩我自己都成日玩PC砌機那類人, 開箱接線那些東西都難不到我, 唯有頂硬上.
我唔係有乜怨言, 反而我好欣賞新公司的文化, 上至我地 Asia Pacific 個 director, project manager, 甚至無乜關係的 sales director 都落手落腳裝機做野, 同我地捱到第二朝先走; 講真, 俾著香港的老闆, 好少少的, 咪話搵個 contractor 班一班人來攪囉, 唔好的, 話知你晚晚開通頂啦, 邊有D 自己覺得高薪厚職的會走落場做呢D野? 呢間公司的文化真係有佢一套, 雖然, 係同之前那間 tough 好多, 但想想之前那間個個人都懶到出汁, 有D 人仲聲大大咁話唔係我應份做的, 對比之下, 真係有點汗顏.
當然, 你可以話, 咁樣做野咪唔 efficient 囉, 係呀, 但全部都係自己人去裝的話, 大家有個共識裝出來個 quality 係點樣; contractor 的, 真係乜人都有, 返轉頭又要自己跟番哂, 其實係搵黎攪 (舊年呢個時候我就係賴到應一應).
好彩, 捱埋呢幾日就過年, 機管局係唔俾人開工的, 可以休息一下了.
舊的不去, 新的不來
2008.01.25 :: 星期五
無想過在一間公司居然呆了十二年, 還要是第一份工, 想起來自己也吃一驚.
今日最後一日上班, 沒有甚麼特別感覺, 只係不停地還有很多工作要做, 中間還要將自己的東西收好, 以及取回自己的所有物品, 免得益了別人.
離開了, 我是快樂多過哀傷, 不知點地, 完全無任何不捨得, 只是想快些可以在新公司上任, 繼續之後的事業.
是絕情嗎? 不是. 跟本我老細早就想我走, 只是不想開聲, 任我自己覺得無癮就走. 既然這間公司在市場上失去的contract 越多越多 (我們公司的 contract, 係每年以百萬美金來計的, 還要一簽幾年, 所以失去一張合約係好傷的), 現在連香港及新加坡這兩個 cash cow 都失去了, 而對家則越來越氣勢如虹, 為何還要呆在這裡做一個 "看更" ? (對呵, 如果你有看新聞組的話, 我就是被人叫作 機場看更 的人)
沒有甚麼所謂 "無功都有勞" 這類鬼話, 我付出勞力腦力去為公司解決問題, 你付出我覺得可以接受的報酬, 就算了; 賴著不走, 倒不如早人一步, 找一個相對上明確一點的將來. 始終, 音樂椅子的遊戲都是先到先得, 反應慢少少的, 結果如何, 不得而知. 我知道的, 就是所謂肥雞餐, 由十一月到現在, 整整三個月都無一紙證明係真係有牙力的人講過, 連怎樣去遺散, 都不得而知, 我怎可能知道這間公司有甚麼將來?
更甚的, 就是之後將一班新人炒掉, 將舊人投閒置散, 又或者一個人做六七個人做的工作, 又或者做一些低技術勞工的工作, 等你們無癮才走人, 連遺散都節省一大筆, 不就更好?
要自保, 就要自己出去找將來吧. 幸運的是, 都有不少人覺得我是可以做到野的, 推舉我出去試試, 以及一些在背後幫過我一把的朋友及家人, 真是不知怎樣感謝他們, 唯有在這裡感謝, 以後就唯有更加倍用功了.
(要感謝無再寫 blog 的 PK_ 君, 是你介紹了 The Ambiguity Advantage 這本書, 我走遍全港大小書店都找不到, 但卻在遠在天邊, 近在眼前太古城的書店找到, 津津有味的看了數個 chapter 就膽粗粗同 interview 我的 AP director 說了愛這本書, 他立即對我另眼相看, 難道真是 taking advantage of the ambiguity?)
殺人寵物店
2008.01.21 :: 星期一
呢盒野, 估下要幾錢?
1. 銅鑼灣 名門純貓店, $45
2. 銅鑼灣 經濟xx 寵物店, $55
3. 銅鑼灣 CitySuper..........$25
我唔係話 CitySuper 抵到無人有, 肯定市面上一定有更平的地方, 但1 同 2 食水之深, 吸血之多, 簡直令人瞠目結舌. 唔通買寵物用品的都是唔會格價的數字白痴? 定係呢d 店舖都在背後一齊將個價 markup 到離 x 哂大譜等人覺得無選擇? 有唔少人叫人去日本旅行就要買寵物物品, 因為香港無可能咁平, 但其實在 Apita 見到的寵物用品都唔係太貴, 都唔知咩事香港d 寵物店賣到好似天價一樣.
更甚者, 寵物睇醫生都閒閒地都三五百大元, 病得大d 的無一二千都唔好旨意好得番, 成日叫人俾寵物一個溫暖的家, 要好好照顧牠們, 但而家有小小病睇醫生都仲貴過我自己, 又無得 claim 番, 係咪即係鼓勵 d 寵物主人唔好帶寵物睇獸醫?
即係點?....
2008.01.21 :: 星期一
即係叫人地去 Terminal 1 定係去 Terminal 2 check in? 凌晨機黎分流? 唔係嘛.
不過呢, 當初死騾爛騾d airline 過去 Terminal 2, 好啦, 終於泰仔同賓妹都過去了, 原來發覺 60 個位係唔夠用的, 所以叫番呢間 airline 番 T1, 喂, 人地做左d 前期功夫先過去, 你一個唔該又話叫人番轉頭, 玩咩.
Cloverfield
2008.01.18 :: 星期五
Hype! Hype! Hype!
之前的 teaser 同 trailer 攪到全世界人都好想睇O既一套電影 Cloverfield.
OK, 所以我都好神聖地 今日走去睇.
但其實, 2008 年 1 月 18 日係同套戲無任何關係的, 只係上影日期而已.
戲本身, 只係拎左呢個人用 viewcam 影的video, 無剪接咁播番出黎, 所以發生咩事又唔知, 個怪獸係點黎又唔知, 睇完之後都仲係一個謎.
當然, 如果你鐘意睇怪物襲地球的話, 呢套真係一套好睇O既電影, 只係開頭交待個 party 比較悶, 之後就全無冷場, 一直到尾.
但套戲真係太短了, 好似乜都未完就收工咁.
記得, 套戲係好暈的, 如果頭十五分鐘頂唔順的話, 你就真係唔好繼續了, 我一嬲有玩開 Doom 呀, Half-Life 2 之類 first person shooter, 開頭那十幾分鐘都覺得好難頂. 不過如果你捱得過個 party 的話, 之後就好好睇了. 有盪氣迥腸的愛情, 有 Alien 式困獸的恐懼, 有 War of the Worlds 的壯觀場面, 所欠缺的, 只係一大串問號, 唔通, 導演又想整個番外篇?
5 粒星的話我俾 4 粒.
下面有D spoiler O既...唔想睇唔好 click... (閱讀全文)
新一年... 極品
2008.01.06 :: 星期日
新一年祝大家新年進步!
新一年最極品就係一個親戚推自己個女出黎, 話佢係全世界年紀細的攝影師, 又上電視又上報紙又話要入健力士, 仲要開埋影展, 紀念冊仲要一本$150, 話係幫乜野非洲的小朋友關愛之家籌款喎. 但其實我聽到個老母個老豆話, 攪咁多野都係為左籌兩個細路學費生活費喎. 嘩, 咁個個快D開番個影展啦, 幫你D細路籌款啦, 駛乜400萬O者, 用人地O既同情心同好奇心就得啦.
當然, 俾部相機俾阿笨影的話, set 好自動 mode, 影一百張都起碼有三幾張可以出到影展O既, 甚至乎, 鬆郁朦都可以話有藝術感, 呢D都係好 subjective O既.
不過, 最極品係佢老母, 唔知羞咁好似D女明星星媽咁周圍拉生意, 連人地結婚都可以三唔識七的親戚朋友都俾張請諫叫人去睇佢個女個巴閉影展, 厚面皮得要命.
當然, 我無資格開影展啦, 都無得恨了.
咁我都唔會阻人發達O既, 如果你都想(用錢)去支持下佢老母同個O靚妹的話, 可參考以下網址 .
Dan Fogelberg
2007.12.19 :: 星期三
雖然好多人都愛 Same Old Lang Syne, 但對我來講, Longer 有更深的意思.
仲有, 男士們, 差不多時候就要做一做個檢查了, 前列腺癌係無甚徵兆的.
又出發了!
2007.11.24 :: 星期六
難得港龍一開始起飛福岡及仙台, 就立即推出了特賣的飛撲精選機票, 因此雖然今年已去過了日本, 都心思思想再去多次.
既然之前去過仙台, 仙台一星期又只得三班機, 因此就踏足了之前從未去過的九州. 尤其是正是紅葉季節, 福岡更是見頃之時!
今次要帶其他人上路, 因此不便 plan 得太多古怪地方行程, 路程盡是最陽春的福岡天神, Canal City, 大分縣的別府及湯布院, 紅葉區的九醉溪及裡耶馬溪, 以及水鄉柳川及太宰府. 阿蘇山因時間關係, 無緣一見, 唯望下次吧.
好大程度上這次行程是參考早前無線的和味無窮的九州行程, 希望有趣吧!
遊記正在譚生的日遊記 連載中, 請大家留意.
自己check in... 無咁早
2007.10.24 :: 星期三
登機易 , 橙紅色的主題, 又大件, 成部九巴咁, 同個機場的色調格格不入, 要睇睇佢地o既風采, 可以去機場 B 區.
當然, 新鮮事當然都係極為 exciting 的, 而且一如既往, 新鮮事都唔多 work得順. 比如慢,比如有 error, 呢d 都係 teething problem, 其實都可以解決.
但其實, 解決左 technical 的問題, 跟本對呢幾部機的 existence 幫助有幾大? 我睇住個客, 拎住綠咭的, 在第一部機 scan 完 passport, 部機就hang 左度. 咁去第部啦, scan 完啦, 無事, 選完座位了, 但之後仲有十九幾版水蛇春咁長好似查家宅咁o既問題, 又要問住址, 又要問呢個 number, 那個 number, 雖然話係美國政府需要呢堆資料o者,但其實, 你填個完全唔o岩的落去, 都耐你唔何吧? 咁部機又慢啦喎, load 一版都要十九幾秒, 見到個客d 家人個個面都燶哂都未攪完, 都覺得有d 過意唔去.
好啦, 出埋 boarding pass, 但係成件事都仲未完喎, 因為D 行李都仲未寄倉, 所以呢, 又要走番去後面排隊去寄倉. 要知道, 部機只可以出 boarding pass, 係唔可以出 baggage tag 的, 而且都無一個特定的櫃位去做.
呢度攪左起碼十幾分鐘. 如果我直接行去 check-in counter 度, 可能幾分鐘就可以行去食 lunch 了.
我在 Montreal 同 Vancouver 就係試過咁, 攪完一大輪, 之後都仲要排隊放低行李, 反而另一條隊人手check-in 就快得多. 唔關乎部機快定慢, 而係個 workflow 跟本有問題.
睇番幾個 scenario:
如果我無行李, 咁呢部機俾我的方便係我可以快d 取位, 我就可以即刻去登機閘口 如果我有行李, 咁呢部機俾我的方便只不過係我可以快d 取位, 但我仍要寄存行李 如果我識得上網先 check in, 我跟本唔駛用呢部機已經俾到方便俾我 如果我唔識網上 check in, 咁我已經來到機場, 快唔快d 俾個位俾我跟本無分別 如果後面已經開左十幾個 counter 的話, 我點解要花咁多時間舞完部機之後又再排一次隊? 只有 scenario 1, 個客先會覺得呢部機係幫到佢的.
講到尾, 呢部機跟本唔應該放在機場, 而是應該放在一d 好 strategic 的地方, 如火車站, 酒店等, 仲要係, 好似提款機咁方便, 一見就有. 人客在可以在城中酒店 check out 後, 在這部機 check-in, 就可以繼續當日的事務, 到要去機場時才拎行李去機場.
但話又說回頭, 大部份 technical freak 都已經識得做 scenerio 3, 而且絕大多數 airline 都有 provide 呢個 service; 一個非 technical freak, 會唔會貿貿然走埋去呢部機度 checkin 呢? 要知道, 我提唔到錢, 周圍都搵到間銀行, 但如果呢部機有乜頭暈身慶, 你又要煩拎住行李去機場或香港九龍站去 checkin. 係咪麻煩呢? 走左班機, 點算?
除非, 呢間 airline 係好夠恨心, 將本來二十個counter 切剩三幾個 counter, 咁樣, 就對 airline 自己有好大的 cost cutting measure 了. 但當然, 有咩頭暈身慶, 三幾個counter 就番唔到轉頭咖啦, 我相信 airline 好少會冒呢d 險, 除非係跟本佢已經無乜商譽啦.
好啦, 咁究竟呢部機俾到咩人咩方便呢? 我都而家都諗唔到. 如果有高人有獨特見解的話, 不妨相告.
華仁一家百萬行
2007.10.07 :: 星期日
講O既係華仁舊生會攪的百萬行, 由九龍華仁行到香港華仁, 都算得上前無古人吧?
咁特首呀, 孫公呀, 馬田呀, 胡應商呀呢D, 都早知係華仁仔, 但賭王呢? 原來賭王係家長黎咖! 因此又好慷慨咁捐左五百粒出黎. 當然, 對賭王黎講, 九牛一毛O者, 我頂多, 都只係籌旗籌到九百...........蚊 (多謝各位善長! 你地個細路想入華仁的話, 可以考慮搵搵賭王!).
原來發現有成三千人行, 都幾厲害, 應該都多過同日O既咁多單遊行!
行到港華, 發覺已經完全唔同哂. 新校舍好靚, 不過沒有了上面的露天停車場, 同埋以前的音樂室被拆了, 始終都若有所失, 因為都有D 回憶 O係度O既. 不過既然已成事實, 新校舍加多學校可用的地方, 不似以前般乜都無, 都好丫.
不過最有趣的是, 以前覺得很大的禮堂, 現在發覺是很細的, 真奇怪, 還記得當天做 drama 時, 成場走, 很支力, 但現在, 兩步就由頭走到尾, 感覺有趣.
希望籌到的錢, 可以做福以後的華仁仔, 將母校優良的風氣流傳落去吧.
其他照片 ...
影相佬
2007.10.03 :: 星期三
介紹大家睇一套短片, 叫影相佬, 係港台首作影畫 系列的最後一集.
老實講, 其實已經在電視上播出, 但在亞視的話, 跟本呢個世界唔會有人會留意.
睇時, 真係會發出會心微笑, 因為我自己都曾經經歷過那段 "痴漢" 的日子. 鏡頭內的event, models,時間地點, 全都是我最愛影菜街會展那段日子的寫照.
當然, 正如當中有不少評論中的, 導演太想將佢自己心目中 "影相佬" 同 "咸濕佬" 打個等號, 因此, 好不自覺地將被訪的言論, 攝入鏡頭的人的表情都將這些影女模的人stereotyped了.
不過呢, 我又咁睇, 男人天生就鍾意睇女人, 而不少女性都喜歡被人影, 甚至乎, 不少女性都愛評論另一些女性的樣貌身材, 所以 "影相佬" 呢個 "職業" 其實滿足了一些 "高科技" 的方便而帶來的 "新興市場" 去補足一些 "市場需要". "影相佬" 只要花費一部相機的金錢 (或以後無數咁多配件的後援), 幾張記憶咭, 一部有好大 harddisk 的電腦, 同埋少少執暗瘡的技巧, 就可以逗得一些青春少艾開心; 而 model 呢, 又樂得有班人如同追星般支持, JOB 都可以接多幾份, 又同時又有靚相收, 何樂而不為? 所以, 其實如果這些 "影相佬" 行得正企得正, 就算正正經經咁去溝 model, 都無需要帶有色眼鏡去睇O者.
當然, 有些為了高抄低抄去影人走光照, 或是如痴漢般死跟爛跟, 就不值得原諒了. (當然, 唔一定要係影相佬先至會做呢D 野咖啦, right?)
臭男人
2007.09.09 :: 星期日
酒樓內聽到一個男人大大聲聲咁鬧個阿嬸
"點解係凍咖?"
"唔關你事? 咁叫個關事o既同我講!"
個男人成個曹查理咁(樣衰).
大吵大鬧完一輪之後, 就到佢個女拎住部電話話係咁玩鈴聲. 基本上係大聲到佢好想你知佢係用緊咩鈴聲囉.
回頭啤左佢地幾次, 佢老豆都唔理的.
原來個故事係, 阿嬸講錯少少野就可以鬧個夠本, 自己個女呢, 就唔鬧得的.
呢d人真係生仔無屎忽.
A380 @維港
2007.09.04 :: 星期二
好耐都無在維港見到飛機了, 今次重要近距離睇, 真係好正. 不過隻機真係唔嘈的, 以一隻咁巨大的飛機來講, 噪音真是很少.
當然, 拎左部相機番工就梗係唔會罷休啦, 再搵, 原來下午泊在 62 號閘口, 班機仲要叫 AIB707, 目的地是香港, 很有趣呢~
我當然(持住)有特權可以行落 ramp 影相吧, 個個都好似見到禮物咁狂影, 雖然已是第二次來香港了, 依然都係咁受歡迎.
如果你有留心的話, 會發現前面條橋係矮過後面條橋的, 在平時的飛機, 通常都是平排的!
更多照片 ...
陳sir
2007.08.16 :: 星期四
中學時的老師, 通常最記得的, 都是花名, 至於佢地教過乜, 講過乜, 除非係特別差或者特別好, 否則都係忘記淨盡 (正如乖學生同壞學生, 做老師的都只會記得呢兩類人).
但陳 sir 從來無聽過有人有改佢花名, 我都唔會改佢花名, 而且佢教過O既野, 我覺得真係一世受用.
其實無乜野, 陳sir 教 Biology, 佢講的, 都是課堂外的知識, 就係呢D 知識, 開了我的眼界, 最難得, 是他肯在課程內撥到時間出來, 花時間講, 而且又非常有趣味性, 所以一直以來, 我都好敬重佢.
不知何時起, 佢去了教育署 (即係教育局啦, in the current sense). 唔教書, 入了"建制", 我覺得係浪費左佢, 同埋係一班師弟的損失. 當然, 人各有志, 其實都唔係咩大問題.
今日早上打開報章頭版, 就已經見到陳sir 的名字了. 不過標題很不客氣, "政府糟蹋9歲神童".
當然, 或許報章內容有偏頗的地方, 但出自陳sir的口, 我就覺得有點痛心.
不是嗎? 我母校, 假假地, 都叫做係 "精英培訓" 的學堂, 出來的學生, 成績最差的, 在出面來看, 都已經很不錯. 教育, 係無可能講 "公平" 的, 一班三幾十人, 有些人一聽就明, 考試前跟本不用點讀書; 有些人點極都唔明, 問幾多次都係枉然; 有些索性唔上堂, 自己去補習仲好; 一個老師, 一個課題, 都可以出差天共地的成績的學生, 更何況, 有不同背景, 不同社群組成的學校? 因材施教, 先至係正路. 每個人總有佢自己的優缺點, 不能在正統學校讀書的, 就無必要強將佢地放在正常學生中, 影響其他人; 反之, 比正常學生優越的, 就更要定點栽培, 否則就白白浪費佢自己時間去跟住大隊走. 這些道理, 不是一字咁淺? 點解教育局諸公, 只會想像公平的教育, 就是好的教育? 詩鈞的成積表, 正正就係佢的天才的執照, 莫非真是要等佢走番去小學去培育番佢同正常小朋友一樣的高矮肥瘦智商, 才是 "恰當"?
好多做老師的朋友同前輩, 都講香港的教育越來越不論不類, 又要有新課程, 又要做的admin work 都已經令老師透不過氣, 仲有咁多無厘頭政策令每間學校都係一模一樣, 倒模咁倒, 咁樣的話, 天份高的, 派了入資質較差的學校, 令天才成為普通人, 不愛讀書的, 就派了去好學校搗旦, 這樣的資源錯配, 我地納稅人真係無眼睇.
壹周刊一直都倡議的學卷制, 點解無人談論? 以錢作誘因, 學生家長, 可以用自己的血汗錢去投放哪間學校是值得為佢地子女投資; 學校, 都因為競爭而作出不斷的改善, 令學校自己適應不同的社群而作出調節. 香港作為一個完全資本主義的社會, 本地商界已經做了這樣的事情數十年, 教育卻是套了社會主義的大鑊飯建制內, 實在令人費解.
p.s. 如果你識得陳sir, 麻煩你 forward 呢篇文章俾佢, 謝謝.
快 圖 美 ?
2007.07.19 :: 星期四
行均成個太古城只得一間曬相舖, 就係快圖美, 之前唯一的競爭對手都 (估係) 俾大業主迫走 (因為唔夠高檔), 渣頸就命, 無法.
好的話, 就仲算了, 但是, 這間卻是很典型的開口好好聽, 實在就無 service.
以前試過曬相, 都要問你數百條問題, 有無會員咭呢, 有無做backup, 每一句都譚生前, 譚生後, 最慘係, D 姐姐仔傾閒計就咁叻, 叫佢講正經野就好似食左藥咁, 仲慘過人背書, 聽到就煩.
好啦, 而家換哂D 自助曬相機, 我地自己入相過相選相, 入完拎張單俾錢, 走人, 真係仲想有咩甩漏? 就係有! 明明 order 時點明, 係要 "加白邊" 的, 曬左百幾張相, 4R 5R 8R 都有, 居然出到黎, 一張有白邊的都無, 我相信呢個世界上總有人好似我咁有多少少要求係似一張正常的相O者, 都咁難?
唔滿意再曬過又點O者? 講多幾個對唔住咁又點? 你自己鐘意浪費相紙我唔理你丫, 你唔好浪費我時間至得咖...?!
生日快樂
2007.07.10 :: 星期二
今日係張學友生日, 祝學友個唱成功~
Limit of Love 海猿
2007.05.18 :: 星期五
雖然只係兩隻送的戲票, 而且已是舊年的一套戲, 但不代表不好看, 反而兩小時的電影除了開頭半小時之外, 就一直緊張刺激到完場. 當然, 這類災難片一係全部人死哂, 一係個個都無事反黎, 結果一定都估到, 但亦不減戲味. 除了中間的小小笑話有少少突兀, 同結尾離奇地無事避走到之外, 整套戲都一氣苛成. 想兩個鐘乜都唔諗睇場好戲的話, 本片一定令你滿意. 同之前的那套悶旦到爆燈的日本沉沒相比, 簡直完全兩回事.
對我來講, 片尾曲非常正, 係另一大收獲 (可惜我太遲了...)
Disclaimer
2007.05.17 :: 星期四
本網站可能有令人反胃, 作嘔的情色文章, 照片或問卷調查, 以及可能含有大量超連結往情色文章, 照片或問卷調查, 任何十八歲以下人士, 或自命道德標準清高之盲光社基督教人士, 請勿在本站流連, 閱讀, 欣賞任何可能有令人反胃, 作嘔的情色文章, 照片或問卷調查, 亦請勿自行將本站可能有令人反胃, 作嘔的情色文章, 照片或問卷調查送交影視處投訴, 本站有權對自命清高之人士作出批評.
同意 不得不同意
花展
2007.03.19 :: 星期一
雖然天氣唔好, 都影到幾多靚花花.
雖然人山人海, 但影出黎差不多一個人都無.
又發覺原來 Canon 多人用係假象來的, 10個用 DSLR, 有近一半以上用 Nikon, 仲要好多人有 D200. 勁!
有好多妹妹拎自己的公仔去影相, 當然都唔執輸去影下啦.
更多照片 ...
UNY > APITA
2007.02.27 :: 星期二
低能了, 尋日原來UNY 超市 last day, 又特價, D 人掃哂貨, 今日已經圍了板裝修了.
唔係, 超市仲O係度, 不度細左一半O者.
不知所謂
2007.02.15 :: 星期四
網上廣泛傳閱張慧慈的專欄文章.
張小姐更對回應 的男士覺得膚淺.
當然, 佢老公俾哂錢佢駛係佢老公的自由, 我不容置喙. 但如果我的女友講一句如此的說話, 我一定第一時間分手, 無得好講.
作為一個成年人, 我有我用錢的自由, 點解我結婚就要俾哂錢俾另一半? 買乜做乜都要佢批准? 這是甚麼年代? 難道你女人就會精打細算花每分每毫嗎? 那麼, 我有權過問你女人所用的金錢是去了那個用途? 買多個 LV? 買多D 化裝品?
很霸的大貓
2007.02.06 :: 星期二
女生一定好想成隻拎番屋企 ... 去香港站同中環站中間的走廊影張相吧~
T2
2007.01.24 :: 星期三
唔係 Terminator 2, 而係 Terminal 2. 如果你有留意的話, 我們的機場將會有個新的客運大樓好快投入使用. 新翼在舊翼面對的地方, 即是坐機鐵的話, 在車門的另一邊下車就是. 身為機場一份子當然要先睹為快啦, 入去影了少少相.
對 T2 的第一印象就是個天花, 係個波浪型的天花, 巧妙地利用了由天窗射下來的光線形造了好奇特的效果, 十分討好.
此外室內的色調亦由舊翼的藍藍黑黑, 變為好溫暖的黃黃橙橙啡啡, 頓時感覺無咁冰冷. 看看這些座椅就知一二.
一個我好期待的項目就是 4D 影院, 如果以資料所知, 應該是香港第一間 IMAX theatre. 在加拿大 看過真正的 IMAX 電影, 才知道幾咁震撼, 在香港真是要認真看看了.
此外, T2 滿佈了大大小小的商店, 不過最深印象都是不少香港出名的食肆都有出現, 如銅鑼灣的清亭, 非常不俗的潮樓, Soho 的埃及/中東店 Habibi Cafe, 有名的迥轉壽司板前, 仲有杏花樓, 選擇實在比舊翼多, 而且睇落質素亦不俗. 食厭了舊翼那幾間乏善足陳的店子, 這裡真是非常有新鮮感! 其中潮樓仲似半價招客, 空前地多人!
不過呢新的客運大樓, 完完全全是個 shopping mall / food court, 對於本業, 好似比例上有點不對稱. 只有 4 條 check-in counter, 每邊 14 個櫃位, 比起舊翼一行 18 個櫃位共 17 行, 真是差天共地. 可想而知, 機管局知道甚麼東西賺得更多吧~
更多照片在此 .
陀地創意
2007.01.23 :: 星期二
不得不服海洋公園, 咁多年屹立不倒, 反而仲可以漂亮地擊敗外來虎. 睇睇呢幅廣告, 真係一個切切實實本土的出色的作品.
大澳昂平一日遊
2007.01.21 :: 星期日
(理應在 2006 年出的, 不過而家先至 upload d 相, 所以...)
聖誕時冒著被困的危險, 去了坐吊車.
(所有照片在此 )
Rain 機
2007.01.10 :: 星期三
知道隻機今日到, 特登拎部相機去影影.
點知原來落機時泊在 Gate 15 對出的 ramp 外, 所以只能好遠咁影, 無, 我無小黑五 , 唔駛諗.
(唔好意思, 我對影阿 Rain 係無乜興趣的)
小巴佬
2007.01.10 :: 星期三
睇到小巴車死女孩子那單新聞, 雖然覺得個媽媽都有失誤的地方, 但終歸, 小巴佬完全無顧及乘客的安全先至係罪魁禍首. 從來坐紅色小巴只同 "亡命飛車" 拉上關係, 甚至乎謝安琪的一首歌都以呢個為題
超速, 當車速顯示如無物 衝燈 未停定就開車 價錢不定, 要車的時候就獅子開大口 無人上車的話就係咁停停停O係條路度等客上, 阻住條路又阻住車上的乘客 一架車只坐十六人, 但可以頂住一整條街泊滿哂, 完全不環保 在呢個講服務的年代, 同埋我地政府鍾意事事都管, 唯獨是紅色小巴就似一個毒瘤一樣, 阻礙整個城市的發展. 唔該香港政府
立即 取締所有紅色小巴, 免得再有呢d敗類在市面上繼續行走.
新年快樂!
2007.01.01 :: 星期一
祝各位新一年賺多D! 身體健康, 心想事成!
地震...
2006.12.26 :: 星期二
明明望住盞燈係咁搖來搖去都聯想唔到係地震, 仲以為點解會有風吹得咁勁...
唔通真係要調節一下去日本要警覺少少?
真係邪, 兩年前今日又係大地震...
聖誕快樂!
2006.12.25 :: 星期一
都要影番D 聖誕燈飾先至夠氣氛O既.
內地孕婦
2006.12.22 :: 星期五
唔知我交稅來為左乜? 為左佢地? 面不紅耳不赤用我地自己的資源, 好意思嗎?
超低能!
南蓮園池
2006.12.12 :: 星期二
其他照片在此 .
Why?
2006.12.01 :: 星期五
點解我明明好清楚咁寫哂答案, 有埋 website, 仲要預計埋會有咩問題, 都仲有人問 ? 係咪我d 表達能力有問題? 定係個個都想我 tailor made 一個答案俾佢地?
又明明呢個係 "迥響", 即係 Comments, 但 so far 有9 成留言的人都只係問問題, 而唔係對篇文章有咩問題指正呀, 覺得合唔合用呀, 有咩感想呀...甚至乎, 完全問d 唔拿更的問題都有 的...
唔係唔想幫人, 但去到一個地步個個走埋黎係要你俾個答案的話, 就已經失去 "互" 聯網的意思了.
更加唔好講 Wiki 啦, up till now, 都無人留過言係過料俾我的 (我自己問就有).
所以我唔做個 forum 就係咁解, 既然不少地方都已經有d 有聲有色的討論區 , 我都無謂再整多個, 多一個似乎都係自說自話多...
唔好意思, 呢篇都只係一篇自說自話的文章吧...
巧開針!!
2006.11.29 :: 星期三
終於開左啦!!!!
踢走巨型 三sprit, 換左無印, 巧開針牙~~
天星碼頭
2006.11.07 :: 星期二
未去留低一個記念的朋友, 快快去影張相吧, 十一月十二日後就收工了.
(照片在這裡 )
澳門遊
2006.10.28 :: 星期六
其實我唔係去賭, 不過睇人賭都幾有趣. 尤其是見d人唔係先去櫃檯暢了籌碼先至行埋檯, 而係行埋黎, 放低一疊金牛o係檯面, 再o係咁多人面前慢慢數, 我諗佢都係鍾意那種咁多人望住的飄飄然的感覺o者. 仲有, 見到好多成個 model 咁o既小妹妹攬住個成個豬肉佬咁o既麻甩佬, 唔駛講, 都知乜事啦. 當然, 旺到條佬的話, 行過隔離 LV 買番一兩個袋, 咁都已經夠啦.
(未完... 待續)
反煙 ?!
2006.10.19 :: 星期四
其實我唔太介意娛樂場所有吸煙房, 他們要吸的, 就在吸煙房間吸, 我自己不吸的, 我不用去坐煙房, 我有朋友要吸的, 他們也不用走出走入去吸. 我唔明白尊貴的議員點解要趕盡殺絕 成年人 的 合法 活動 呢? 如果他們覺得吸煙是不合道德的, 殺人的, 倒不如立法要求政府將香煙介定成毒品 . 那不就一天都光哂嗎? 難道因為香煙的所收的稅太和味, 不能取締之?
再講, 吸煙危害健康, 無錯; 飲酒就不是更危險了嗎? 飲了酒, 醉酒, 會亂性, 會打人, 會發狂, 會嘔到一地都係不衛生, 會傻乎乎的坐在廁所內無人臺得起你, 飲完酒駕駛, 更是害人害己; 吸了多少打煙, 最多只係一直坐在你身邊的人成身煙味, 你要 經常性吸二手煙 才會對身體有影響; 吸了煙駕車, 無事, 亦唔覺有甚麼生命危險, 難道煙比酒危險嗎? 不要同我講笑吧. 你見到有幾多法例針對酒嗎? 咪頂多是醉駕. 難道因為高官議員們自己好杯中物? 還是議員仲要因為教會乃有餅酒之禮, 所以不敢去碰?
我承認, 對娛樂場所從業員, 吸得多二手煙是不好的, 但可做的措施沒有嗎? 我倒不覺.
不要誤會, 我不是說煙民的好話, 其實我都討厭吸煙的, 只是不齒不少人連多少分柝力都沒有就反呀反呀,究竟因由如何, 卻又不知所以. 我們需要尊貴的議員官員們來理會我們自身的健康? 不是吧.
大細超?
2006.10.07 :: 星期六
一本大便偷拍阿嬌就引來全城聲討聲, 連我呢個壹周蘋果 fans 都要暫時避避風頭唔出聲.
呢回東周搵印傭偷入肥姐病房, 又唔見矮仔曾咸龍之流聲大夾惡要拉人封艇. 講到尾, 把口係自己友的話, 就好易話為啦, 同你一嬲有心病的, 當然就要踩多兩腳.
講嚴重性, 我倒覺得偷入去病房嚴重得多, 大佬, 人地病到死下死下你私自走入去, 影埋人地病歷出黎都得啦, 仲有病人私隱O既? 人地穿屎把口就話自己係小朋友偶像, 一個屈尾十就走去塞班大曬完全不能發育的胴體賣俾麻甩仔 (如我), 偷影幾張相, 又算得乜?
垃圾房開房
2006.09.11 :: 星期一
今晚圖中可見在鋁罐膠樽箱內見到兩隻鑊, 一個飯盒, 一個大家樂杯同三個汽水罐, 兩個汽水罐係我丟的. 兩隻鑊是否可以 recycle 俾其他人用嗎? 又不是, 因為柄已生了秀. 至於飯盒嘛, 仲有送頭送尾在, 好難再用的.
曼谷遊記
2006.09.10 :: 星期日
八月時去了一趟曼谷, 都是飲飲食食那種, 遊記在我的 gallery 內, 請指教.
2006 香港電腦通訊節
2006.08.26 :: 星期六
機場重災區
2006.08.04 :: 星期五
納悶的是, 究竟點解會攪到咁樣? 平時 cancel 班機的都未見過這樣的場面, 還是跟本暑期期間平日機場已經接近飽和, 跟本無空間去緩衝有呢D 咁O既事發生?
有關人士好應該諗諗啦.
氣頂 @ 冰燈
2006.07.24 :: 星期一
有網友話我在 newsgroup 度講在日本見到邊個邊個出了香港人醜, 又唔當面話人地唔o岩.
OK, 咁我尋日行冰燈節時, 見到個老豆將件細路托上去件冰雕度想影相 (有好大個 sign 話不可攀爬). 咁我好心同佢講唔可以放個細路上去咖喎, 點知, 佢屋企人話, 唔緊要啦, 無所謂啦, 達成心願.
我諗佢地只係諗, 都係一舊冰o者, 都會溶咖啦, 駛乜咁緊張?
一來, 如果一個唔覺意, 你個細路坐底時件野爛左, 跌親佢, 你咁又嘈生哂啦喎?
就算唔爛, 溶左崩左又要人地整過, 又係費時失事.
你有無諗過之後的人都要睇咖呢? 你會唔會覺得你為左影一幅相而將你的快樂建築在別人身上呢?
仲有, 你個細路睇住你的所作所為, 你就係佢o既人辦, 將來你的小朋友難教, 無公德心, 就係你自己一手一腳做成.
反對商品及服務稅!
2006.07.20 :: 星期四
商品及服務稅是魔鬼! 大家一定要大力反對!
點解?
這個稅表面上人人要交稅, 所以公平; 但不公平在, 你就算是沒有收入, 如退休人士, 都要交稅. 在外國, 交了重稅後, 福利都比香港為高, 但唐司長並無承諾對中產的福利有任何承擔. 在加入了這類稅項以後, 政府由於有穩定收入, 因此只會提高這個稅率, 而不會去減少. 香港政府的大花筒性格不改, 如添馬政府總部, 不單止花巨額興建, 拍賣這地皮的收入也損失了. 既然用這幾百億的開支都不面紅, 有穩定收入的話更會變本加厲, 用錢就會更手鬆, 而更加不會量入為出. 香港已經百物騰貴, 再加入這個稅項, 購物支出與日本, 新加坡等地有何分別? 怎樣吸引外地遊客來這個所謂 "購物天堂" ? 在機場退稅的惜施, 一定會非常麻煩, 而且通常退稅都要購物滿某一金額, 吸引力成疑. 這個稅項是否因為不少外國都有, 就要徵收呢? 加拿大亞伯達省 Alberta 是全國唯一沒有省銷售稅 (PST) 的省份, 亞省並沒有因為沒有多幾個 percent 的穩定收入而破產, 反而因為沒有這開支, 加拿大及美國的商人都樂意在此冬天嚴寒的地方投資或工作. 亞省人亦對沒有省稅感到自豪. 其實不少評論都對這稅項絕無好感 (除會計界會因此多了不少生意), 因此我在此請大家都寫一封信給政府,
我不要商品及服務稅
Keelia @ Snaphoto
2006.07.10 :: 星期一
識得 Keelia 其實因為佢曾經問過我日本野, 之後先至發現佢係 part-time model, 又同過佢在 AGS 影過相的, 當然佢唔識我我又唔識佢.
snaphoto 的 stefan 很好人, 都很有耐性的教我呢個無知少年, 原來發覺, 我部機係好難在這些場合影相的 ! @_@
又原來發覺, 其實影 studio 人地乜野都 set 好哂俾你, 你只要 set 番快門光圈, 懂得找對個 pose, 按個快門, 基本上都唔會錯得去邊, 只爭在, 你有無想像力去唔影得太悶呢~
好彩出來的效果仲算唔錯, 只係做了少少後期工作, 現在只是爭在我肯唔肯換 Sony 的 alpha-100 了... $7990... 好心動...
Superman Returns!
2006.07.06 :: 星期四
The new Superman Brandon Routh does a good job, he's handsome, look really like Christopher Reeves, and he's 木獨 as well. Kevin Spacey is good as anything else, but I would think of his role is more of comedic than evil.
Yes, and Superman is also very humanish, just like Spiderman the movie, it's a really nice touch, but I don't know if super fans will like.
It's a very nice movie, although not as GOOD as Spiderman II (which I think is the best of the recent remakes of superhero movies), it is an enjoyable 2 hours ride with great actions, and of course, we waited for SO LONG....
(read more for spoilers...)
(閱讀全文)
Home sweet home!
2006.07.01 :: 星期六
In case you didn't know, I just came back from Sydney for my training.
Got a few photos to sharing, the weather was so great that I didn't want to come back.
(Just uploaded some more photos on 2 JUL)
吉隆坡小遊記
2006.05.14 :: 星期日
在吉隆坡公幹一星期. 我係大鄉里, 未去過 KL, 好似入左大觀園咁.
(閱讀全文)
養不教, 誰之過？
2006.04.17 :: 星期一
今朝出街食早餐, 突然聽到好大聲的 "我的驕傲", 好似d mp3 鈴聲咁, 播左好耐都唔停. 自然反應就係周圍望下究竟邊個唔聽電話啦, 原來係隔離檯的小朋友拎住老豆部 PPC 電話用 speaker 來播歌....
(閱讀全文)
復活節
2006.04.14 :: 星期五
今日是 Good Friday, 去了聖瑪加利大堂的救主受難紀念禮儀.
有時聽人祝人 Happy Easter, 真係覺得有點異相. 講到尾, 復活節係為了紀念耶穌受難, 三日後由死者中復活, 其實唔算得上係一個 "喜樂" 的節日. 當然, 一個 guarantee 一定有個 long weekend 的節日, 對大部份人來講, 都算是可以了.
有好多人都問過我為何復活節年年不同時間呢？復活節計算的方法係每年的春分 後月圓的第一個星期日, 可看看大家的百科全書 就一目了然.
人為出錯
2006.03.07 :: 星期二
平時好少會睇記招的, 今日食飯時睇住衛生署記招, 真係有點噴飯.
那位仁兄已經腳震震似的, 還要不停地打官話遊花園, 話乜野領錯遺體好可能係 "人為出錯". 吾, 唔係人為出錯, 咁會係乜野出錯呢？唔通屍體會自己走來走去吧？講了幾十次做乜都有 "既定程序". 當然, 大家都知道, 當工做到麻木的時候,你會發覺你會慢慢地偏離了所謂既定程序, 尤其是這類厭惡性衙門. 做管理的, 最跟本的就是如何免除了這些繁文褥節, 因為越少呢 d 一大堆 "既定程序", 出錯的機會就越少. 有事故苦主都講要電腦化了, 真不明白到今時今日, 都仲可以有這般不文明的事發生.
相機好, PS 好, 又如何?
2006.03.07 :: 星期二
最近有幸見到幾位完全無關係的朋友的結婚照, 都是外影的, 相機是夠照了, 個個拎住 1D MKII , 千九幾萬 pixel, 數萬元的身價, 鏡頭更係無可比擬 (呢個睇唔到, 唔知). 但係照片呢,
一係暗淡無光, 一係背光到暈; 構圖呢, 唔係人頭生樹, 就是背景凌亂, 旁邊多了幾個人影; 最叻的就是長焦距大光圈, 之所謂淺景深, 以掩蓋自身連幾時要加幾多
exposure 都仲未知的無知. 最抵死的是, 無人會用反光板之類來令人面更光亮, 新娘子有上妝仲好少少, 男的全都灰頭土臉,
一個生意失敗的樣子.
雖然我自家都不算大屍, 都有靠 PS 同影 RAW 去修補一下拍照時的缺陷, 但實在, 你執得幾多? 你有幾多時間去執? 所以慢慢地我都是諗清諗楚才按下快門, 結果是現在執相都只是稍稍調一調光度, 就已經完成了 (Gallery 內的相 resize 了 640x480 之後都 USM 過的, 會更 sharp 一點) . 那種成就感, 好像很陌生但又親切.
兩日澳門食食食
2006.02.28 :: 星期二
Weekend 去了澳門一趟, 兩年無去過, 完全兩回事.
遊記懶得寫了, 照片在 gallery 裡.
假道德
2006.02.17 :: 星期五
聽緊她他她打到黎, 阿鄒生話佢而家無買碟了, 因為都係借朋友的 CD 過落 iPod 就算了. 咁同偷野有乜分別？ 佢做乜大聲疾呼叫人不要買老番？
假道德.
情人節
2006.02.16 :: 星期四
在街上見到男人人手一札札的鮮花, 都是替女伴拎住的.
好像是很千依百順似, 但你想深一層, 一千幾百買一札花送俾人, 原來拎成晚的又是自己, 是否有點搵笨?
(閱讀全文)
旅遊雜感
2006.02.02 :: 星期四
意外年年有, 今年春節就開個大的, 都幾慘. 有時意外o既野好難講, 仲要發生o係好美麗的埃及渡假區, 令人沮喪. 唯有寄望死者可以安息, 生者盡快復元吧. 有團友高呼香港旅行團見死不救. 很同情, 但我相信那時那刻可能別人亦有難做之處. 老實講, 香港人各家自掃門前雪不是新鮮事, 最可怕的是看慣了在大陸幫到人卻害得焦頭爛額, 因而成就了麻木不仁, 有事就避的功夫, 那才令人嘆息. 小時候姑父去旅行時車禍而死, 全車人唯獨他一人身亡, 就是因為他在途中睡著了. 所以影響到我無論坐任何長途車都是碌大對眼不敢睡覺. 對, 是悶一些, 但仔細看看車外風景, 看看當地人是怎樣生活的, 發一下白日夢, 其實都不太難過. 生與死, 其實都是一眨眼的事. 是否我們香港人寵壞了大陸來的旅客? Disney full house 了, 都無法子啦, 這還是年初四, 小朋友還未上學, 當然會多人吧, 難道整個樂園是你們包起的嗎? 既然可改日再到, 是否可以將就一下? 就算給你進場入到去都是死命排隊啦. 不過老實講, 換過角度, 我都看到香港人的影子... 其實都是早人五十步而已. 又要馬兒好, 又要馬兒不吃草... 哪是咁便宜的事? 俾幾舊水坐飛機去泰國, 好抵係好抵, 有無諗過點解抵? 別人 airline 要千幾二千元做到的這間 airline 幾舊水就有交易, 自然就唔好 expect 咁多吧. 可幸你沒有飛飛下o係天上跌左落黎咋. 見到呢 d airline 如 9I, OX, 5J, AI, 同埋中國民航的, 你都係兜遠些路走吧..
大年初一
2006.01.29 :: 星期日
恭喜發財！
祝大家新一年身體健康, 搵多d 錢！
Konica Minolta... and more
2006.01.19 :: 星期四
如果我係女人的話, 我係一個不折不扣尅夫的人.
不是嗎? 我所支持的大部份產品, 不是落得慘淡收場就是死得不明不白...
IBM 的 OS/2 ... Palm 半死不活 (仲有 SONY CLIE)... 一些喜歡的餐廳都不明不白地因業主加租而收檔 (想好似別人般幾多十周年再番去懷念一下? 妄想了!)...
新近的主角是 (Konica) Minolta, 我而家用緊的相機, 亦是我很喜愛的相機. 看到了這消息 , 好想喊.
我不是長久的 Minolta 支持者, 但一用後, 發現原來我來遲了. 我真的來遲了.
真是沒有發現原來相機是很好用的, 教識我如果拍照的, 就是 Minolta 的相機. 很多獨當一面的技術, 如 Anti-shake, 相機按鈕 layout 的就手, 就是當你塊面貼近 viewfinder 時個 LCD 就關掉, 離開就開番, 那種易用, 那種方便, 那種體貼, Canon 十世都做唔到. 我只知道, Canon 做的相機, 樣就好睇, 其實跟本就很爛的說.
俱往已.
我要寄望 SONY 嗎? 不好意思, 我全屋只得 SONY CLIE 一部 SONY 的產品, 況且最近 SONY 產品垃圾充斥 (如不知所謂的 R1 相機, 成個包咁o既 network walkman...) 真很難去支持.
為何我要受一次又一次轉 system 的痛苦? 轉一次 system 又要重新學習多一次, 又要重新適應一次, 又要跟完全不同的人交朋友....
很累...
愛你周圍的小動物
2006.01.10 :: 星期二
(閱讀全文)
除夕
2005.12.31 :: 星期六
今日是一個很熱的除夕... 熱得還要上午收工後立即去跑馬地看朋友的婚禮, 著住昨日出門口時還覺得冷的大褸, 成身臭汗, 不病就奇. 接著去了灣仔的稻香飲茶, 今時今日還有這些不知所謂的服務, 門口叫 number 後見有人彈出來就求其帶人去位坐, 咁都有的. 天口又熱, 火都滾埋.
反到家中沖涼, 原來成件底衫出水的.
都係祝大家新一年事事順利, 一團和氣, 我訓覺了... (等今晚去倒數)
悶到暈的亞洲遊戲展
2005.12.27 :: 星期二
SONY 又無新機睇, PS3 就只得個殼, 同埋剪得零零碎碎在網上早見過的 movie, show girls 簡直不堪入目,又整埋個無謂的公主島又唔俾男人入去 （成個場女人又周圍都入得喎...), 搵笨的 $ 25.
Merry Christmas!
2005.12.26 :: 星期一
Wish you all have a Merry Christmas and a fruitful new year!
暴民?!
2005.12.18 :: 星期日
我唔明白點解仲會有人話警察用過度暴力, 仲話呢班係一班手無寸鐵的農民, 跟本唔會做到任何傷害.
你呃鳩我呀?
班暴民拎起梯就掟, 拎起滅火筒就嘖, 打爛木板拎起木方就咁 "牛" 落去, 將鐵馬用繩圍住死命撞向人, 再啪斷 d 鐵竿打人, 咁樣就係手無寸鐵. 你唔好當我地係小朋友啦.
再講, 警察都係人, 佢地都係打份工, 佢地有屋企人咖, 用最起碼的手段保護自己, 就是過份嗎? 不如放班暴民入去會展濕鳩班大帝就最好, 係咪?
我真係對香港 d 所謂人權組織的質素有好大疑問, 你 d 農民打人就得, 我同你還拖就係我唔o岩, 咩道理? 仲叫人快 d 釋放佢地? 今晚又再開大片?
見到網上流轉一段自拍片, 係一班所謂大學生話無線報導可恥, 人地做直播就不斷叫人除盔到令人不能完成工作. 想問呢班大學生, 你有無諗過你做緊乜咖? 我地俾咁多錢你地讀書讀個屎片吧啦.
我就算幾同情班農民的苦況, 我都唔會忘記昨晚班暴民打我地o既警察的一幕.
世貿風眼內
2005.12.17 :: 星期六
我其實想寫呢篇野好耐了, 不過一直都想唔到點寫.
但今日下午見到這個情景, 不由得覺得始終都會發生這一回事.
老 實講, 我其實一點也不支持農民的所謂行動, 要講全球化的影響, 豈是窮國人的專利？但沒有世貿又如何, 難道我們回到買米就要買到好像日本的那樣貴嗎？你要反對的話, 你為何不反貴國的政府帶領你們進入所謂的地獄？你又有無反醒過你們有沒有做過任何事去適應一個世界性的市場？看到一篇 blog 友的文章 , 更覺得我所持的理由絕對無問題.
更不知所謂的是不知何方神聖的無聊官員要將世貿會議帶來香港, 好處我睇唔到, 惹來的牛鬼蛇神麻煩事就一籮籮, 仲要將所有野帶到香港的中心地帶, 真係有無攪撚錯？呢個無聊官員夜晚又會笑騎騎咁講野啦.
對唔住, 我唔會似一d 無知香港市民咁又送飯送菜去支持一些暴力分子, 因為我跟本知道骨子裡, 他們抗爭的原因, 都只不過也是一己的私利.
影住示威班人拎起木棍死命打人, 仲要屈起鐵馬的鐵枝, 咁仲唔叫做暴力？
見到咁多無知市民咁大陣象都仲要手拖手去影相睇熱鬧, 真係無奈... 人地記者都起碼有哂裝備丫, 你一個唔覺意中左招就唔抵啦.
爭取普選大遊行
2005.12.04 :: 星期日
早排考試, 很久沒有寫 blog 了.
終於做了暴民, 去了一趟遊行. 這次遊行的氣氛比 7.1 更好, 不知是否因為天氣不錯, 大家又有共同的目標？ 因此參與的人都懷著躊躕滿志的心出發.
路是人行出來的, 別人說沒有用的事, 倒都要試一下, 難道又被特首遊花園吧？
(閱讀全文)
暴民政治
2005.11.22 :: 星期二
原來參與遊行來提出我們的呼聲就叫暴民政治, 那麼上一回 7.1 遊行迫令政府收回 23條, 而且迫走了幾位官員, 就確是媲美法國的暴亂暴徒了.
雖然香港任何人都有言論自由, 胡應湘先生想講甚麼有他的自由, 但作為一個香港華仁書院的舊生及主要捐助者, 就如何也說不通. 華仁書院學生會, 可說是有數以來, 其中一個最先有民主選舉的學生會; 作為一間天主教學校, 對共產主義的厭惡, 對民主的支持更是義不容遲. 胡先生對母校的貢獻是肯定的, 但我自已作為一個舊生, 對胡先生的言論及所作所為, 遠遠跟母校的價值觀（或者可能現在不是吧, 係我在母校長大時的價值觀）不相乎. 老實講, 胡先生實在愧對各位在華仁畢業的舊生.
Trick or Treat?!
2005.10.31 :: 星期一
真人真事. (閱讀全文)
Rosa Parks
2005.10.28 :: 星期五
無在美國讀過 high school social studies, 不知道 Rosa Parks 是何許人也. 不過要不是 Apple 網頁頭版有一大幅 memorial , 我才知道只因 Parks 的小小一個念頭, 一個小小的衝動, 就對當代黑人民權有極深遠的影響.
雖然 Parks 對我的影響近乎零, 但一個寂寂無名的小女人而敢於挑戰既有的制度, 卻是令人敬佩. 你有幾多次被你家人親友勸說忍了一啖氣不要跟人爭？老實講, 我係唔 buy 的. 雖說我不會跟人鬧交打交, 但據理力爭是我一貫做人的宗旨, 都不會改變. 人們說我得罪人多, 但我卻覺得, 啞忍的, 現況不會改變, 只會變得更壞, 更肆無忌憚; 出聲的, 起碼還會有機會改變.
不如由今日開始, Think Different 吧.
新錄影機
2005.10.25 :: 星期二
舊的不去, 新的不來.
講的是我的舊 VHS 錄影機. 經過五年服役之後, 終於打柴了.
晚上要錄電視, 唯有出街買. 之前都有想過買甚麼, 但去到尾都只剩下 Pioneer 及 Panansonic. 不少 forum 都說韓國機麻麻, 要便宜的話, 倒不如買 ACL. 在 AVBuzz 的 forum 搜尋過一下, 講 Pioneer 的以大比數勝出, 講 Panasonic 的, 一隻手都數得出. 心想, 有乜理由？兩間 P 字頭都算得上不錯, 為何兩者咁大分別？
(閱讀全文)
易生些！
2005.10.18 :: 星期二
從來無睇過一套電影, 或者一個棟篤笑show 係可以笑成場無停過的. 子華的, 你只會心微笑, 但不會笑到成個人訓o係度, 但林海峰的是但噏 show 就有呢種能耐了.
(閱讀全文)
IKEA 番薯?
2005.10.09 :: 星期日
忽發奇想, 究竟香港有無 IKEA 的 fans? IKEA 好多人買係真的, 但有幾多人好似我咁係行 IKEA 當一種高尚情趣的娛樂節目呢? 我真係覺得行 IKEA 係比睇樓睇波睇戲更有娛樂性, 砌 IKEA 家具係好 challenging yet lots of fun. 家陣仲要 $9 一個 hotdog 加杯可樂, 真係去邊度搵 ?
我想整個 fan site 忝...
馬交夜總會.... 直播
2005.10.05 :: 星期三
Well, 我從來都唔否認我係一個 "睇肉家", 所以尋晚睇亞姐真係睇得好鬼死開心. 姐姐仔樣又靚身材又好, 仲要有不同國籍的佳麗, 實在好新鮮, 香港小姐真係拍馬都追唔上.
(閱讀全文)
炒風又起 ?
2005.09.29 :: 星期四
又見樓市大好友唱好樓市, 呢回係大角咀同牛池灣, 兩個原則上係舊區中的舊區 (大角咀奧運站那邊還好少少, 牛池灣就真係...), 樓市大好友點石成金的能力真要睇睇.
我談不上有甚麼入市評論, 自從有年差錯腳跌入大陷阱仲要俾人話我 "早就講左啦" 之後, 對買樓絕無半點興趣, 別人是升是跌是死人塌樓都與我無干. 我老媽仲要一日到黑冤住要我買樓, 真係麻鬼煩, 要買你自已買飽佢, 唔關我事.
(閱讀全文)
傷心欲絕
2005.09.27 :: 星期二
投靠 Microsoft . PalmOS 終於完成了其歷史任務回歸天國. 陪伴多年, 由 Palm III, 到兩部 Clie, 到 Treo650, 現在終於要面對邪惡的 Start button (我知而家的 PPC 無 Start button, 我都玩過幾萬元一件的 PPC , 成枝槍咁, 感覺很麻煩), 心裡滿不是味兒.
可能, 下次換機時, 就要學網友般返樸歸真 了.
整整一條利東街
2005.09.17 :: 星期六
我都算是半個在灣仔大的人, 整個中學時代都在灣仔渡過, 之前幾年又在灣仔居住, 雖然現在已搬往別處, 但仍然經常在灣仔蒲. 這裡有熟悉的店舖, 有熟悉的街坊, 一草一木（雖然草木在灣仔是比較稀有的！）都彷彿有些感情, 因此對這裡的消息都特別留意.
如果大家在灣仔讀書的話, 一定曾經在集成中心二樓老麥的走廊 "箱座" 留過不少歡樂時光. 自從老麥棄守二樓之後, 這邊就一直閉關著, 直到最近才見天日. 重開後, 除了間了幾間店舖外, 走廊卻成了一個不一樣的... 展覽廊.
(閱讀全文)
白老鼠樂園
2005.09.06 :: 星期二
Disney 成長咖啦, 你仲要去全世界最細o個個 Disney, 又要係未正式開幕的, 真係未死過. 未去過 Disney ? 咁你快d 長大啦, 我去過一次 LA 的 Disney 就已經無任何興趣再去了. 香港人一箱情願覺得 Disney 係一件好事, 我從來都唔覺得係, 或者好事係起碼東涌線會多幾班車罷了?
Update (7/9): 我們的唐司長真有見地...
(閱讀全文)
林海峰是但噏 podcast
2005.08.31 :: 星期三
快 d 用 iTunes subscribe 啦 (或在 Music Store 的 位置 )
2005 電腦通訊節
2005.08.23 :: 星期二
雖然已是明日黃花, 而且除了 NEC 的 HD-DVD 有少少新鮮感之外, 只論為黃金散貨場, 行足全場我只是買了一條 1G RAM 俾部 Mini, 還有就是見到買唔到的 Canon MP110.
我相信靚女照片肯定比貨品吸引.
(閱讀全文)
電腦雜誌
2005.08.16 :: 星期二
我每星期一同星期四都會買本電腦雜誌, 為的只是看看有甚麼新產品. 不過越來越覺得, 就算是看廣告也開始乏味: 那幾家大 video card 生產商的產品, 每件都只是公板設計, 頂多是這個用快少少的 RAM, 那家就出廠超多少少頻, 沉悶不堪; 那些所謂測試, 只是一味抄 spec, 跟住行一次 3dmark 再行一次 Aquamark 就大功告成, 內容千篇一律, 看一本就已經抵了三四本, 再深入少少的討論文章更是少之有少. 美其名謂香港的讀者只喜歡 benchmark, 不如說自己不懂寫文章吧.
其實外國的電腦雜誌很好看亦很耐看的, 不過奈何香港賣得實在貴得過份, 通常我都只會在去外國時大量入貨一番.
不過, 最近發現了新品種的雜誌, 值得推介一下.
(閱讀全文)
環遊世界
2005.06.23 :: 星期四
雖然一向都喜歡拎著地圖周圍去, 看著地圖發白日夢, 但最近卻愛上玩 網上地圖 . 雖然網上地圖不是新鮮事, 但 Google 這個網上地圖卻真是非常好玩 , 反應又快 , 磨上大半天也不是難事.
開始時 , 你會在這個畫面.
好一幅大美國地圖, 不過如果我們不在美加的話, 這幅地圖是沒有用的. 按下右上角的 Satellite, 拍一聲立即變了畫面, 沒有錯, 這是人造衛星的圖片.
讓我將箭咀指著地圖按制, 向右拉一拉 ...
(閱讀全文)
十六周年了
2005.06.04 :: 星期六
當時年紀小, 還在會考的我攪了些這樣的事, 對我, 對中國, 有很深遠的影響; 不是我這一輩的人, 不能明白的.
你說天有眼也好, 你說巧合也好, 講得最慷慨激昂時就是最大雨的時刻, 唯有狼狽散會.
半小時後, 半滴雨也沒有.
返到家中, 聽到曾-soon-to-be-特首話十六年要公正客觀理性對待祖國, 我聽到的潛台詞, 就係, 你班友咪阻住我, 阿爺放水俾我做特首, 咁我梗係要擦啦.
痛.心.疾.首.
今晚見!
2005.06.04 :: 星期六
記得今日係六.四呀, 一齊去維園吧!
頭文字D
2005.05.26 :: 星期四
尋日行經旺角見到工人剛剛做起 poster. 6 月 23 日上畫.
應該都會是暑假好戲吧~
無洗米
2005.05.14 :: 星期六
今日行過 UNY, 見有姐姐仔 promote 那隻全日本制造香港代理的無洗米
超勁芒果
2005.05.09 :: 星期一
唔係特別大, 而係特別貴 ...
究竟有無人買咖?
回歸
2005.04.22 :: 星期五
在日本番到香港, 人人第一件事就問, 在日本安唔安全? 點解仲要去日本?
無好氣 ... 在日本我連地震都仲未驚, 驚甚麼? 日本是個平靜安全的地方, 在大陸我更恐懼自身安全. 去的原因是高山祭, plan 了大半年, 難道不去了吧? 你賠償給我?
對, 我這輩的年輕人只會在歷史課本中, 或我的祖父母口中, 知道日本人怎樣對中國人. 我們談不上有甚麼深仇大恨, 也講不上有甚麼情意結. 歷史就是歷史, 過去了, 不斷地挖回瘡疤是無補於事, 對於日本的右派推波助瀾更是不齒. 不過, 你可還記得, 日本是個法治的國家呢? 政府以至人民, 做的任何事, 如非非法, 實在無法可以制止. 昨日蘋果廖建明先生的一篇文章就蘆列了日本歷史教科書對日軍入侵的字眼, 就證明只有非常少部份有問題, 而且有問題的都很少被采用.
反過來, 你敢在大陸提出文化大革命嗎? 敢討論六四事件發生了甚麼事? 起碼在日本, 人們有一個自由討論的空間, 國民可以否定黨所作的事, 但在中國, 可以嗎?
一個葬禮
2005.04.09 :: 星期六
教宗一生都為和平公義而努力, 因而在他的葬禮上主要國家及宗教領袖都拼棄政治上的歧見, 或宗教上的不同, 紛紛出席, 為的是他在生時無私的奉獻. 在他身上, 看到的都是世界大同的願望.
看著葬禮的直播, 就偏偏知道一個所謂泱泱大國, 就因為自己中國人的紛爭, 拒絕出席. 沒完沒了的小氣到極點. 講到尾, 別人請甚麼人出席, 干你何事 ? 你自己跟本就對別國說三道四 , 粗暴干涉別國內政 !
如果你真是一個泱泱大國的話 , 就表現些風度 , 出席還不特止 , 還要走過去阿扁處大力握手, 稱兄道弟, 這樣才有說服力去統戰別人吧 .
不過老實講 , 大陸人的思考, 好聽的說都是有他自己一套 : 我領教過 , 中港台三人一同吃飯 , 一說這個就只有他說 , 我跟台灣人是不能解釋的 ...
只不過 , 對著花花碌碌的日圓 , 中國領導人還是屈尊就卑的, 你可見過中國對日本哼聲得比台灣大嗎 ? 反日 ? 罷買日貨 ? 節省少少啦 , 你的領導人跟跟本本就是一個吃裡扒外的漢奸吧 .
不要再賴吧...
2005.03.27 :: 星期日
我們影圈的人始終都深信 bad taste 的 BT, 老番害了他們, 現在又將矛頭指向租碟的店舖 , 又話好一家人買左碟之後 dup 哂俾周圍o既人睇 . 我想同他們說 : "你地收皮啦, 反醒下啦 ."
但凡任何 product, 當然要好, 要實用, 要抵用才吸引人幫襯, 呢個係市場定律, 不得市場的都要 out, 就係咁簡單. 好的電影, 好的歌曲, 支持者總會付款支持. 你睇下功夫票房幾多 ? 少林足球的票房幾多 ? 無間道票房幾多 ? 通街都係老番 BT 咖啦, 又唔見 d 人 download 哂唔去戲院睇 ? 不如將所有買老番的人監禁十年 , 燒碟機都當係違禁品 , 電腦上網全部去番哂 56k 好唔好 ? 一了百了無眼屎乾淨盲啦.
再睇番王晶 d 垃圾戲 , 尋日睇佢個訪問 , 寫劇本十幾日 ? 拍又係十幾日 ? 拍乜呀 ? 人地認真拍電影的寫個劇本都幾個月啦. 你拍乜 ? 咪又係拍一堆 d 屎片出黎. 唔通佢真係覺得自己好撚勁拍得快好世界之後就可以有一大堆白痴走入戲院睇你 d 咁o既無撚聊o既戲 ? 收皮啦.
老實講 , 講老番 , 好多年啦 , 你細細個周圍問人 dup 碟 dup 帶都係咁啦 , 有乜分別 ? 科技進步, 老番技術都同樣進步 , 你地班電影人都只係掛住以前o個套, update d 啦好唔好 ? 時代唔同咖啦 , 你仲抱住阿成龍王晶o個套屎片都會覺得仲 work, out 唔 out d 呀, 有無睇金鏞小說o者 ? 一套招式用得耐都會 "用老" 啦. 人地 apple 個 iTunes 買歌網站收入千萬聲計, 你有無咁好諗頭 ?
老實講 , 偷人野我唔會支持 , 但唔該 , 你俾件野黎 值得偷 至得咖 , 我 download 買番黎睇我都要時間睇咖大佬 , 我時薪好高咖 , 唔好o既野唔該你走開唔好浪費我時間丫.
所以我好鄧一 d 好劇本唔抵 , 比如最近睇到的神經俠侶 確是一套好戲 , 可惜大敵當前 , 戲名又不濟 , 吸引不到人入場. 香港電影人, 你地好好反醒下啦 , 呢 d 就係你前人拍埋拍埋一大堆爛片種下的 惡因, 而家收成正果了.
Treo650
2005.03.07 :: 星期一
一直覺得 PDA 一定要同電話一齊才像樣, 不過等呀等, 始終未有一部 Palm 電話係似樣的.
終於等到一部 Palm 電話, 個 resolution 係 hi-res, 用 OS5, 有 keyboard, Tri-band, 就是這部 Treo650 . 對不起, 雖然身為香港人覺得 xplorer 系列的電話好驕傲, 但始終都要返回 Palm 身邊 (我有兩部 CLIE 咖 , 可惜 ... )
有人問我為何不買 O2 xda mini , 本來我都心動, 但想起林海峰那句 , 行 "Microsoft OS" , 心中打震 , 生怕打打下電話會有廣告走出來, 或者可能有些叫 se.dll 的陷在 OS 中捽不甩...
OK, 因此我在百老匯居然撞到一部 Treo650 係人客留了貨但無買, $5480 減 promotion $200 再 trade-in 自己手上的 Nokia 再做 12 個月分期 , 當然買啦. 現今都玩了一個多星期 , 可以說說感想了.
(閱讀全文)
星期日一天遊
2005.03.06 :: 星期日
今日天朗氣清 , 訓到好晏至起身, 日頭無乜特別好做, 先去了銅鑼灣的小肥羊 飲茶.
去過旺角的小肥羊, 普通得很, 而且服務很差, 不會再去. 反而銅鑼灣廣場的不錯 , 起碼服務還算好 , 而且周末茶市每位 $50 任叫任食 , 好抵食.
並非任叫任食就代表將貨就價, 反而點心比附近的酒家都要出色. 我尤其喜歡春卷, 很長很長的一條, 炸得很脆, 羊香四溢, 大人細路都喜愛; 飽點都做得出色, 反而餃類就普通了一點. 最抵就是炒粉麵都有五種可選 , 一個叫炸醬撈油麵就不錯 , 那個唔記叫乜粉的, 都幾好味. 午市不多人, 可能好多人在 openrice 度大彈特彈吧 , 但我又不覺得太差吧. (晚飯火鍋都幾貴, 不過個湯好得, 麻得來味道好特別, 有上癮的感覺).
之後下午去了尖沙咀海港城聽 Phoebus, 而家多了很多小朋友出場, 難道一叮效應令小朋友都大膽了? 那位 Karen 小妹妹的歌藝真出眾, 假以時日肯定又係一個祖兒.
之後去了吃下午茶, 德發牛丸旁的大排檔食咖央多飲奶茶.
在星光行睇 Mac 野, 行商務. 商務正在大減價, 不過今日已經是最後一日. 行過一排書, 見到一大幢 Mook 同 Here Plus 北海道o係度, 有折, 可惜我唔駛買. 好多人o係度睇緊旅遊書, 我心諗, 如果個個都識走入商務, 就咁行下, 都已經買到好多旅遊書啦, 駛鬼問咁多初心者問題 ? 唔知係咪真係時下年青人懶, 還是總是埋首在電腦前面, 還是買書要錢所以就不買呢 ? 雖然我已經懶睇書, 但旅遊書卻不可不讀, 一本在手, 天下無憂呀.
晚上想不到吃甚麼, 去哪裡都是等位, 神經, 都是走回德發吃麵. 我今日不吃牛丸, 吃牛肚, 都係咁好味. 德發後面那檔又是賣粉麵的, 成日都厚著面皮話自己都有牛丸, 好心啦, 人地太出名了, 落得見到經過佢都係無人坐o係度. 我覺得你一係就自己搵 d 特別 d o既出品啦 , 執人口水味唔掂o既.
之後就去聽 concert, 另文有講.
爛鬼電影
2005.02.21 :: 星期一
老實講, 我覺得佢講得真係幾o岩...
tiff@sinaman.com 寫:
真係唔想出聲﹐不過實在忍無可忍
再睇下功夫, 戲都未完又出碟啦, 仲要得隻 DVD, 乜 bonus 都無, 唔通周星星真係咁等錢駛 ?
放成個年假, 一套戲都無睇過, o個套起馬拉阿星, 真係連花少少時間睇o既氣力都無, 唔好浪費我青春, 我時薪夠睇你三次.
悼念
2005.01.21 :: 星期五
追悼一個人, 默哀一分鐘而已, 犯甚麼法? 是悼念一個十惡不赦的殺人犯? 還是悼念一個曾經有過不少功德的人士吧? 跟本不知所謂.
更不知所謂是那些所謂追求穩定的政客, 連容納不同聲音也不容許, 只懂得見風轉舵, 心中真為投票給這些人渣
願有風骨的朋友好好安息吧, 你的犧牲不會白白浪費的.
The Phantom of the Opera
2005.01.10 :: 星期一
歌劇 從來沒有出版過任何影像產品, 只是由原著改篇的電影 , 對於我等影迷當然不滿意. 現在終於等到了, 自然喜出望外, 當然亦第一時間去戲院看.
看完, 心情有點奇怪, 好看, 不算好看, 差, 卻又不算是差, 可能是因為心情太期待了, 反而覺得很失望.
其實歌劇改電影可以很好看的, 前有 Evita, 後有 Chicago, 都是我非常喜愛的. 最值得鼓掌的始終是音樂, 配樂都是由 Webber 重新編寫, 增加了不少枝節, 音樂感非常豐富. 女主角 Emmy Rossum 的表現稱職, Gerald Butler 雖然唱得差強人意, 都總算可以接受, 況且其餘枝葉演員唱功不俗, 算是滿意. 電影內的服裝, 化妝及道具等都相當講究, 漂亮而且華麗. 問題在於, 電影的攝影及技巧流於粗疏, out focus 及呆板的鏡頭運用比比皆是, 白白浪費了上面的 effort. 此外, 不知道是 JP 戲院的問題還是電影跟本是如此, surrond sound 似乎完全不察覺有, 而且更有少許甩咀情況 (上次看 Matrix: Revolutions 最緊張關頭居然音響系統壞掉, 害得要投訴補票再看一次).
不過呢, 以我等超級 fans, 在 DVD 出版時一定會擁有一隻. 話唔定在家開個 Karaoke party 都好!
按下全文有提及電影內容...
(閱讀全文)
除夕
2004.12.31 :: 星期五
今年又到最後一日, 但就在今年完結前大自然卻選擇摧毀了成千上萬人的家園, 奪去了十數萬人的性命作結束. 說是諷刺也好, boxing day 拆開的禮物竟就是帶給無數人傷痛的 pandora's box, 像無遠弗介的邪惡籠罩大地. 早前看過的明日之後 , 歷歷在目, 簡直令人不寒而慄: 尤其是事件發生在香港人的後花園泰國, 你和我總會去過一兩次布吉, 又總會走過巴東的大街, 想一想, 可能一念之間你也會在這時這刻身在此處. 雖則生死有命, 但不禁亦倒抽一口涼氣.
說真的, 我們可以做甚麼呢? 真是除了口袋裡的金錢作賑濟之外, 我們也很難可付出甚麼. 不如在這裡我們作一個小小的祈禱:
願所有遭逢意外死去的人得以安息
點點燭光
拆橋
2004.12.18 :: 星期六
你見過拆橋嗎? 今日有幸見到, 我諗你都好難有機會見. 雖然, 只係一條荒廢了好普通的行人天橋, 但拆下來都要勞師動眾, 而且出動到一架大力士呢. 師傅話下面呢架車足足可以吊起 500 噸的物件, 呢條橋只得 20 噸, 濕濕碎喎.
環保
2004.12.17 :: 星期五
想起都覺得很攪笑, 我為了環保一點, 貴一點買慳電膽, 開少幾晚冷氣, 買高能源效益的電器, 想必可用少一點電力, 換來的就是電力公司嫌賺錢不夠, 覺得自己肚滿腸肥還不夠, 要一再加價作為各位港島市民的懲罰. 大家記得要準時貢獻祭品俾李先生呵.
無用...
2004.12.02 :: 星期四
哈哈, 間唔中總會有d 咁o既無聊人, 咁都俾人話, 真係一笑置之. 不過當然, 言者無心, 我自問應該打多兩隻字o既, 如果我話 <就算無錢都唔好咁坐法> 就無人會話啦, 有時手快快真係唔係咁好, 唉. 不過當然, 我鍾意點講係我自由, 人地無錢固然唔關我事, 我點答人都唔關呢d 咁o既狗事啦, 對嗎 ?
至於其他指責, 太無謂了... 佢起碼做番我同樣一樣o既野出黎先插我啦, 笨.
me@home.com > 撰寫於郵件新聞:41aec394$1@newsgroup.com.hk... > CI = 中華, 經台北 , 你無錢都唔好咁坐法 >
條!!知你含家富貴喇!!人地無錢關你狗事!!
以前某人在新聞組上唔覺唔覺幫人出機票, 有時都覺得有點那個 (某人可以不同意我所講, 但我絕對專重你), 而家某日遊網站都攪埋幫人出機票訂酒店搵行程的生意, 雖然做生意絕對無可厚非, 而且確實有人有需要, 但一個原本由 community 支援的網站都變了質 , 究竟是好事還是不好事 ?
我從來攪自己的網站都不想收任何費用, 亦無打算要人賣廣告, 清高 ? 係卦, 我身家幾十億嘛, 部電腦幾錢唔駛問啦, domain name, fixed IP, 就算長開 24 小時的電費亦不少, 換來無用的指控, 有時真係幾 pissed off. 當然, 呢樣係我o既興趣, 我都唔會無啦啦 shut down 左佢o既, 不過, 係咪係時候收聲呢 ?
悼黃霑
2004.11.24 :: 星期三
對於我呢一輩人來講, 黃霑叔就係我地o既保母: 音樂娛樂, 電視電影, 課餘讀本, 甚至乎我地的性教育, 佢都鉅細無遺一一沾指. 霑叔對文化事業的鞠躬盡粹, 行文無不痛快淋漓, 歌詞無不字字銖璣, 實在是我輩欽敬的典範. 而家娛樂事業一片沉悶之風, 霑叔以及其他有份量的前輩離世, 就更見青黃不接.
聞說霑叔是肺癌番發而離世的, 老土又要講句, 戒煙吧.
Arts Festival free CD
2004.11.16 :: 星期二
Just got this from my mail box. This is what I requested some time earlier when I received the reservations booklet.
Arts Festival , Regina Carter Quintet and The Blind Boys of Alabama are those I like most, but you can also get a taste of authentic Indian , Mexican , Russian Orthodox Church music, and the ever surprising Shanghai Jazz , and don't forget our 假音人 !
Oh and, I am sorry, I think there isn't any more CDs left. :P
亡命之徒
2004.11.01 :: 星期一
職業司機不滿建議提高超速的罰則, 謂俾職員司機好大心理壓力.
如果連糾正駕駛態度都會有心理壓力, 那麼, 請你放低你的車匙領取綜緩吧, 你在路上, 倒不如我們納稅人養你就算了, 起碼救多幾條人命.
哪份工作無心理壓力? 有甚麼比人命更重要? 全車人的性命就在你手中, 別人坐上你的車就將性命交付在你手裡, 飛上天的司機也好, 在海上的司機也好, 都不會有任何分別. 你為了搏多十多廿元就將人命當扯線公仔? 你就算不顧車上的人命, 旁邊的車呢 ? 路人呢 ?
如果你覺得收入與工作不相稱, 那你不配作司機, 因為你連作司機最基本的操守也沒有, 你賺多一轉的收入都不足以補償你的罪惡.
我一向不相信保險公司, 但今次我覺得保險公司作的決定很明智. 是時候要取締不合常理的紅色小巴了, 無監管, 任由坐地起價, 逢車過車, 對道路使用者絕不安全的車輛, 請恨心把他們扼殺吧!
賤男人
2004.10.26 :: 星期二
雖然自己身為男人, 但其實好多野我都睇男人唔順...
有d 男人跟本都唔肥, 但硬係坐o係度要擘開對腳, 慌死隔離個人唔會碰到佢o既肌膚咁. 喂大佬, 你坐一個位就夠啦, 駛唔駛坐埋人地半個位呀? 就算隔離個係男人好, 女人好, 都係咁, 仲要自己無知覺咖喎.
有好多男人去完廁所係居然唔會洗手o既, 我睇住咖啦, 去完之後, fing 兩 fing, 跟手行出去就拖住條女. 如果佢條女知道的話, 真係 x 都切埋佢. 又試過o係蔡さんo個個咩野坊見到o個間乜野豐的廚房仔, 去完廁所跟手就走出去, 我想叫都叫唔住佢. 因此我已無乜心機去o個度吃.
又比如, 星期六日行經投注站總有一班男人踎o係路邊讀馬經. 老實講, 真係好礙眼囉.
當然, 點都好, 都唔夠o個 d 打女人恰女人o既男人.
楚漢之爭?
2004.10.25 :: 星期一
歷史家話, 項羽英雄蓋世, 只因一時面子問題, 自刎烏江; 而劉邦一介莽夫, 卻又做就了中國歷史上其中一個最強大的朝代.
點解咁講 ? 無線套新劇宣傳成日只見秋官自言自語, 但另一主角項羽係邊個演都唔知, 後來先見到是江華, 得到的對待就似是完全無這個角色一樣.
難道有人又是面子問題被人封殺 ?
九份車禍
2004.10.20 :: 星期三
聽到呢個新聞我都覺得好唔舒服, 五條性命就白白死在一個瘋狂的醉漢身上. 無論世上何處, 醉駕都往往是車禍的重要原因, 做一個司機關係著不止在你的乘客, 周圍左右的駕駛者也會被你拖累 !
死者已已, 不過早上聽到陶傑評論這單車禍心裡也不甚舒服. 陶先生有意無意間將責任推成為香港人去旅遊只為豪華享受坐旅遊巴而忽略了去旅遊其實最重要是用兩隻腳. 無錯, 我絕對同意他所講多用腳, 少坐巴士一會, 更同意去旅遊應該為享受外地的名勝風景而非導遊的無聊笑話. 不過陶先生忘記了參加旅行團並不代表懶得走, 可能其實當中有行動不便的老人家, 又或者家族旅遊方便安排呢 ? 其實旅行團亦只是各取所需, 好像我這種人要再參加旅行團就絕不可能一樣而已.
不過, 其實香港人亦好應反醒, 鬥平鬥賤是否真是可以皆大歡喜呢 ? 我絕對相信一千元左右的旅行團, 住三四晚酒店加機票, 那麼別人吃甚麼 ? compromise 必會有 , 但究竟 compromise 到哪個點才會出事呢 ? 哪會有人知道. 我以前參加過一個地中海旅行團, 貴別社數千元, 結果發覺, 貴的, 真是有貴的道理, 起碼導遊的專業, 當機立斷, 以致出事 (一些取消了的船期而已) 後的安排, 都令人喜出望外. 我又見識過別社的旅行團, 對, 是平, 但帶你走盡 "購物熱點", 反而應去的景點卻只留半小時, 去完後印象全無, 哪又有用呢 ?
阿貓地攤
2004.10.17 :: 星期日
舒服的下午, 醉翁之意在玩貓...
(閱讀全文)
The Day after Tomorrow
2004.10.07 :: 星期四
The bonus Disc is a real plus, I really watched the one-hour long "The Science of Tomorrow: The Science and Politics of Climate Change". It is closely related to the movie and provided the background of the movie. Though some of the presenters did not agree with the view points and dramatic exaggerations of the movie, the underlying problem of the world is the excessive use of fossil fuel energy and the political reasoning to block or interfere any migration to cleaner energy generation.
Yes, it's hard to imagine US being the largest single country to consume fossile fuel energy, at 25% of the world's production. Thanks to its extensive network of highways which discourages the use of public transportation like railways and buses. Most developed areas like Europe and Japan have extensive network of railways and the use of buses are popular. Public transports are environmentally friendly and good for travellers, I always wonder why they would not be pushed in the US. Privacy? Convenience? Maybe the lifestyle being adopted for long would not be easily changed. I think the raising of gas prices these days could ring the bell and encourage US people to think twice about driving.
Yes, to be honest, I myself am not a huge fan of green life, because something got used to is not easily given up. But I think everyone can do a bit of his or her own to protect our own home, like use less electricity, try to walk, or at least take public transports, recycle anything you can. Talk to your legislators, create a pressure to the government that we wish for something more on environment protection policies. It's really hard to imagine if the movie goes real.
名貴鋼琴
2004.10.01 :: 星期五
時代廣場放了幾個非常名貴的鋼琴, 單睇樣已經震懾人心.
呢個係最貴o個件, 睇真 d, 上面 d 閃閃係 Swarovski 的水晶.
(閱讀全文)
狗狗店
2004.09.29 :: 星期三
今日行銅鑼灣, 見到紐約戲院旁有一幢舊樓裝修得好靚, 應該係一間寵物超市, 睇落幾有睇頭. 香港 (尤其是港島) 絕對欠缺呢類店子. 如果有貓貓就更好了.
燒烤<慶>中秋
2004.09.28 :: 星期二
好似好耐都無試過o係沙灘曬月光, 今晚阿妹同班舊同學約左去石澳燒, 咁我地無乜野做都 join埋啦.
七點幾去到筲箕灣, 街上已經係成班o靚仔o靚妹. o係地鐵站隔離等紅色小巴, 十分鐘左右已經有車, 講搵錢呢 d 小巴真係最耍家. 十二蚊都無計, 唔通真係搖巴士咩...
(閱讀全文)
在新的 Creative Muvo2 FM 取出 5 GB drive
2004.09.27 :: 星期一
今日讀到這篇報告 , 原來新的 5 GB Muvo2 都可以取出個 drive 用, 就好似之前的 4GB 版本一樣.
現在影相開始多用 raw, 非常得心應手, 都想找個大 drive 玩玩, 但睇到日本人的報告 , Konica Minolta A2 打了個大交叉, 殘念 !!
不過最大問題係 A2 的發熱問題, 用 CF 影半個小時左右就熱到死, 加埋個 harddisk 落去咪仲火熱動感 ?
算把啦, 都係買 CF 啦.
鋁窗意外
2004.09.22 :: 星期三
今日有人上黎 check 窗, 係太古城的管理公司強制要各業主做的, 因為o係最近幾個月已經有十幾宗鋁窗飛街的意外, 幸好一宗都無傷及人命. 以這裡二十年樓齡大廈來講, 這些損耗是少不免的. 管理公司的行動亦值得一讚, 貴貴的管理費亦是物有所值.
Check 完發覺廳中六道窗都要修理, 幸好又是一道也未飛出來, 也幸好我不是業主, 我不用花費 !! hahaha.
在香港四處都是高樓大廈, 真是要非常小心頭上開花呢. 不過, 總有些狂徒在樓上丟物落街, 防不勝防.
連續第二日病
2004.09.20 :: 星期一
好日唔病一次, 一病就咁大濟, 今日仲要走黎走去, 又曬到死...
都係o個句, 小心身體啦大家...
秋風起...
2004.09.19 :: 星期日
無蛇 , 不過作傷風 ... 都唔知係咪公司 d 冷氣系統有問題 , 可以攪到差不多成個 office 的人都病 ?
同志仍需努力
2004.09.14 :: 星期二
立法會選舉曲終人散, 其實我們這些死硬民主派確是好生失望. 最大失望就是民主黨的策略失敗到連累別人的位子都無埋, 老實講, 以馬丁的料子又點駛叫出告急的調子? 雖然有好多好多票出左黎, 又可以點呢 ? 又咪係俾個村姑入會! 講真, 乜人都好, 就係呢個村姑勁唔掂 , 真係點可以俾呢 d 咁o既人去議事咖 ? 見到憎肉成班人個意氣風發樣我就真係想打爆個電視機.
既然遊戲咁玩o既 , 唔該 , 民主派人士下次做好一個全盤配票的計劃 , 唔好令到我地班番薯盲中中去投 "錯" 票.
都好o既 , 知道咩叫失敗 , 就會憤發改過 (如果有能力的話). 而且呢一次有大班長毛呢兩個o既噪音, 跟住 4 年一定唔會悶 !
912, 齊投票 !!
2004.09.12 :: 星期日
踢走保皇黨, 建設好香港!
齊投票 ! 踢走保皇黨 !
2004.09.03 :: 星期五
下午見到一大班記者企哂o係灣仔地鐵站口 , 原來係民主派的做勢大會. 真勁, 差唔多所有人都出現哂 , 連大班都過埋黎 , 真係驚又有伯爺公走埋黎鬧佢母親.
大家記得一齊投票 , 將保皇黨班 xx 剷踢走呀
是日開張
2004.09.02 :: 星期四
今日第一日放個薄洛o係度 , 多多指教 !
睇左大丈夫 !
2003.09.20 :: 星期六
好鍾意呢部戲 , 好耐未睇過一套戲真係笑到我扒o係度 (龍咁威都無) !
7 月 1 日
2003.07.01 :: 星期二
回歸六年, 香港市民送左一份大禮俾老懵董, 真開心~ 請你下台 ! 原來香港人係咁團結走上街o既 遊行時經過的地方都有人臨時賣水賣飲品, 又抗議價賣野, 香港人搵錢咁叻, 點解仲會衰得咁貼地呢 ? 究竟係邊個令到呢個地方攪成咁 ? 香港有十份一人上街, 唔計出左國的人, 唔計番緊工的人, 唔計無能力落街曬太陽的人, 有咁多人同心一致去做一樣野, 如果咁都被誤導的話, 咁呢個人就真係可以去做催眠大師啦 老董的德政就係團結左咁多人一齊走上街黎反你
非典型下的典型賤人
2003.05.24 :: 星期六
早兩日去左蔡瀾美食坊, 下午兩點幾時終於可以唔駛排隊一試永藜園的擔擔麵. 食左擔擔麵, 豬耳, 白肉等等. 講真, 食味雖然 OK, 但講唔上要排隊排餐死那一種, 奧海城那一間的擔擔麵我覺得比此處更惹味, 而且都算非常抵食. 鼎泰豐 的廚衣走去廁所... 煲煙. Well, 煲煙, 都仲算啦, 有個哥哥仔去完小解, 手又唔抹又唔洗就大模斯樣走出去. 嘩, 大佬, 有無攪 x 錯 ! 就算唔係呢 d 咁o既時期, 你o係廚房做野你都要洗手卦 ? 當堂番哂肚...
NO MORE WAR!
2003.03.23 :: 星期日
一個泱泱大國, 好似個爛仔咁周圍撩交打, 真係唔知佢地心裡面想甚麼? 一d 所謂自由的價值觀, 是否真的要強迫人接受呢 ? 還是心底裡怕死怕得要命, 所以大番佢一鋪呢 ? (閱讀全文)
番黎囉~~
2003.02.25 :: 星期二
唉, 都唔知痴乜線, 為左一部 printer 換左成部電腦... 都好既, 而家用番 Intel 野, 應該無咁易死啦 gwa.... (閱讀全文)
賣國 ? 走狗 ?
2003.02.09 :: 星期日
好耐都無寫日記 tim.. 一來公事繁忙, 二來經常覺得生活不快, 無心寫野, 罪過.... (閱讀全文)
走捷徑
2003.01.18 :: 星期六
在日遊谷度蒲得耐, 發現好多香港人真係好喜歡飯來張口, 只會發問, 不會自己找去答案. 早幾年 newsgroup 無咁盛行時, 我去旅行咪都係自己找書, 自己上網, 周圍問人: 自己找出來, 印象總會深刻些. 好似而家咁, 一有人問起箱根就個個都問同一條問題; 但有無想過, 自己用 d search engine 如 yahoo, 只花打一篇文章的時間就已可 search 到一版一版睇都睇唔哂的資料呢 ?
舊政府, 舊思維
2003.01.10 :: 星期五
美國差不多年年財赤, 但係小布殊話要減稅振興經濟. (閱讀全文)
Lord of the Rings 2
2003.01.06 :: 星期一
尋日睇左優先場, 絕對係一套好電影... 不過.... (閱讀全文)
一年之計在於春
2003.01.04 :: 星期六
一年伊始, 除左係新希望之後, 就係大家荷包好快又無咁一截!
新年快樂 ~~
2003.01.02 :: 星期四
又係要番工的日子~~
金雞 (少少內容)
2002.12.29 :: 星期日
對吳君如不嬲都又愛又恨, 愛者喜佢喜惡分明, 恨者不滿成日有你講無其他人講, 不過點, 君如姐始終都有 d 料到o既, 金雞 就係一個好例子.
悶旦....
2002.12.27 :: 星期五
過節係好悶的, 尤其是要番工的日子...
Merry Christmas!
2002.12.25 :: 星期三
平安夜的晚餐係千登世鐵板燒, 以一間高級餐廳來講真係算好抵食啦: 有刺身拼盤, 一隻龍蝦, 一隻大帶子, cod fillet, 日本牛 (鹿兒島) 厚燒薄燒, 龍蝦湯 (之前那隻龍蝦的頭整的), 炒飯等等, 兩位都只不過係 $1080, 仲有 9 折 (唔知點解 ? ) 食到捧住個肚走出黎, 但又唔算得上多過頭, 唔錯.
喪盡天良
2002.12.23 :: 星期一
今朝睇到新聞.... 眼都突....乜到呢個年代, 都仲有d 咁得人驚的事發生?!
重新開始
2002.12.20 :: 星期五
真係慚愧, 成十日無寫日記tim... 都因公事私事都煩忙, 番到屋企都唔係好想上網....
遊行 我唔 Q 順你地 d 所作所為 !!! 係咁, 講完. 我相信, 好多人都係咁諗. 戲 曼谷 牙周病
外判
2002.12.10 :: 星期二
Just as expected, 今日等人來收舊 printer 結果係被人放飛機的... 好彩 shift 係我編, 今日放假或明日放假都唔係乜野特別問題, 要人等足一日而半個電話都無回我甚麼原因不能來, 打電話又唔聽, 留 message 又無回頭 , 呢 d 係甚麼撈什子 service?? 雖然我係叫做 "羅著數" o者, 但係我都要真金白銀拎錢出來買機咖嘛...
寒冰
2002.12.10 :: 星期二
是日天氣寒冷, 心思結冰, 無乜特別好寫...
鋼琴
2002.12.08 :: 星期日
好耐都無行老尖, 但係尋日一行就行左大半日, 仲o係 海港城 磨左大半日, 為的是睇 Pheobus Chan 的演奏. 如果你星期六日下午行過海港城, 你一定見到佢坐o係鋼琴前彈香港流行曲. Phoebus 對我來講並非陌生, 因為佢以前好多時都o係 跑馬地 聖瑪加利大堂 的聖詠團師琴. 可惜佢話因為工作關係, 現在不能再在平日彌撒彈琴了, 怕且要聖誕的彌撒才見到佢. Dream a little dream of me 同 Beatles 的 Hey Jude . 以一個免費的音樂會來說, 就算得上交足貨啦. Rupert 的 聖誕 Concert . Rupert 的鋼琴同樣了得, 而且佢仲寫左好多琴譜, 歡迎大家 download. 大家都支持下啦.)
祟日
2002.12.06 :: 星期五
今日在 PC Weekly 見到篇文章, 有點感慨, 茲作文抄公:
木戈 :
(閱讀全文)
服務態度
2002.12.05 :: 星期四
早兩日 HP 有個 promotion, 買 printer trade-in 部舊機可當 $500 用, 想換機好耐啦, 因此那那臨俾錢. 本來預左聽日送貨, 但係今日一聲話船期拖延, 咁又要等多幾日先至有機用... (閱讀全文)
旅客
2002.12.04 :: 星期三
在機場做野好多時都遇到好多唔同的人, 今日食 lunch 時就兜搭左一對法國來的男女. 男的, 無乜野啦, 女的, d 輪廓好 sharp, 幾靚~ (閱讀全文)
地鐵英文
2002.12.02 :: 星期一
坐得多地鐵耐, 發得白日夢多, 就會聽到好多無聊廣播. 都唔知係咪乜都外判哂俾人做, 益發覺得佢地 d 英文水準越黎越古怪. 近期聽到最古怪的莫過於:
Well, 中文原文係 "請勿助長行乞". 點解英文唔講 "please do not encourage beggary (begging)"? 咁當然, give money to beggars 無錯, 但係你唔覺得好古怪好 Chingish 咩? alight 呢個字? 係咪太古老的字不可以用呢? 所以要用 "please let passengers exit from the train" 啦? 可唔可以講得有禮貌少少呢? 比如 "please allow passengers alight from the train"... 我唔知呀, 我又唔係英文老師, 但係我硬係覺得好唔妥囉...
一小時沖曬
2002.11.30 :: 星期六
今日去左睇 One Hour Photo . 百老匯院線 offer 左皇室 Palace 買一送一, 用 $60 就坐到比商務客位仲舒服o既椅, 好正 !
界. 賭.
2002.11.28 :: 星期四
行過書報攤, 睇到今期新地話何韻詩界女王點點點... 哦, 有乜咁稀奇o者, 佢咁英, 仲要英過大把男人, 真係迷死大把女啦. (閱讀全文)
開始
2002.11.28 :: 星期四
有時諗下諗下都唔知點開始好... 算啦 , 就求其搵日開始啦 !
原來 Dan Fogelberg 過身了, 死時才56歲, 死於前列腺癌.
又特首, 又局長, 又議員, 又賭王, 又財經界猛人, 真係好一次 "官商勾結".
咁行呢, 其實係好小事的, 由九華行去公主道那一邊, 落尖東, 過海去灣仔, 就差唔多行完了, 不過天口太曬, 空氣污染又勁, 其實都幾要命.
不過呢... 真係慢到.. 前面又有架大貨車頂住, 條路又掘到爛哂, 坐到嘔. 點解唔早幾年再發東涌時就開始整呢? 而家先來擴路, 無乜意思.
上到去, 又係一餅餅的人. 市集無無謂謂咁, 比起日本D 旅遊區同樣係呃遊客錢, 人地就做得精緻好行得多了. 最頂癮是有間 star bucks, 都唔O岩 feel O既...
最頂癮係, 架車雖然話坐八個人, 但其實迫迫地都可以坐多兩個, 即係我地兩個企位的, 都有得坐! 哈!
, 唔知道究竟小巴佬的心態係咪只係為左自己個荷包之外就咩都唔會理? 細心數數紅巴有幾多罪狀?
同志蓮那一邊相比, 這裡只是將一堆老樹疊埋一齊, 放幾舊爛石頭, 起個水池放一大堆錦鯉入去, 中間起一幢想好似金閤寺但差得遠的實塔, 雜亂無章, 仲要加個飛轉得誇張的水輪. 靈氣無乜, 搵錢都好覺. 講緊係一位 $75 的齋菜, 普通得任何一個入過廚房都識整.
又少一個老朋友. 不是要保存古物的嗎? 這些舊物舊建築不值保留嗎? 為甚麼老要將它們拆去, 再整一個不倫不類的新古典的醜物嗎?
趁有新賭場開張, 又去了一次澳門. 睇左三個賭場, 最喜歡的是永利, 其次係金沙, 跟住先至係星際. 永利個格局真係好 Las Vegas, 感覺好 grand, 門口的噴水池又真係似 Bellagio, 最重要係賭場好大, 好一望無際咁o既感覺, 同其他兩間分開幾層又焗焗促促的完全兩回事. 雖然荷官好生手(其實澳門有幾多荷官丫, 點會突然多左咁多出黎 ?), 但都幾靚仔靚女, 件制服又型d, 真係就咁去行個圈都好好睇. 金沙就勝在夠熱鬧. 但星際就真係幾娘囉, 門口的毛筆大字已經好礙眼, d 制服又橙色, 好大家樂 feel, 又唔夠冷氣, 所以煙味都幾大, 唔係太喜歡. 
我無賭癮, 只愛吃, 因此特登上網找找有乜地方無去過的. 找到一間茶餐廳叫 "南屏雅叙", 話係全澳門最老的茶餐廳. 地方其實都好易找, 在新馬路一直向內港行, 行到差不多轉彎的地方的右面係十月初五街, 沿這條街一直行, 見到中國銀行就差不多到了. 其實茶餐廳, 就係茶餐廳, 基本上同香港的一樣, 但那件出爐酥皮旦撻, 真係好食過香港的多多聲, 仲有, 如果你肚餓的話, 叫個 "咸餐", 或一個通粉, 都係廿蚊, 但已經係香港茶餐廳的一倍份量, 仲要加多幾條菜, 真係大件夾抵食. 雖然這裡地下都係有d污糟, 但應該內籠全都翻新過, 都算光猛乾淨, 無好似香港d 咁你真係覺得好那渣咁. 呢度值得一去.
Watched Superman in Sydney back then. It is a nice movie, you get exciting thrilling scenes, you get how Lois and Clark's interwinding love relationships, you get not-so-ugly-kind-of-amusing bad guy by Kevin Spacey, and you even get the retro introduction of the 70s. Lovely. The first half hour of the movie is kind of slow and boring just to tell people, now I come back, but other than that, it's quite jam packed with thrillers and love hate relationships dedicatedly mixed together. There are not much spectacular CG scenes, though. 
終於流言成事實, palm 始終要
心想香港人真可愛, 真金白銀俾錢入場做白老鼠都制.甚麼排兩個鐘玩兩分鐘呢 d 野跟本係陪伴著 
一套我最喜歡的百老匯歌劇, 前前後後在舞台看過四次, Micheal Crawford 及 Sarah Brightman 的 Original London Cast 真是聽了幾年從不厭倦. 不過 Phantom 
Just bought this DVD and watched. The movie was a shocker when I first watched in the theatres. Yes, the story is too lame and special effects are just OK, but no doubt the movie is one of its kind and created some thoughts for me. As witnessed by recent weather disruptions such as irregular typhoon season in the Asia Pacific area, hotter and hotter climate, it is very striking to watch the scenes in the movie that they seem to be actually HAPPENING in the real world. Scary.
