有時真係發覺d 娛樂版記者真係激死你無命賠... 大事不講, 從小事都見到佢地真係幾無知...
(閱讀全文)魚.樂
一小時沖曬
2002.11.30 :: 星期六
今日去左睇 One Hour Photo. 百老匯院線 offer 左皇室 Palace 買一送一, 用 $60 就坐到比商務客位仲舒服o既椅, 好正 !
套戲本身都唔錯. 其實成套戲找不到半點驚嚇的鏡頭, 都沒有甚麼緊張誇張的情節, 甚至有點平淡tim. 但就係越平淡, 就令人越睇越毛骨悚然, 渾身不自在. Robin Williams 的演出自是精彩, 攝影亦絕頂正. 要留意的是所有在超市內的鏡頭都用了非常粗的微粒效果拍攝, 配上差不多全白的背景, 同主角下下力求沖出來的相片都 perfect 的性格成一大對比. 至於故事, 其實都唔係點出人意表o既, 不過都有 d 警世意味, 不過講得太白啦, 浪費左o個一種張力.
都值得睇的一套戲, 不過前半段入戲時比較悶, 小心.
千嬅的音樂盒
2002.11.29 :: 星期五
我可以話我都幾 forgiving, 如果有d 歌 d 旋律還不錯的話我都收貨. 聽千嬅的新碟就有呢種感覺, 一整隻碟下來, 除左 家有幾米 之外全都係慢歌, 仲要係 "好管弦樂團" o個種. 聽下來, 熟口熟面, 硬覺得首首歌都有之前幾隻碟的影子, 如 假如讓我說下去, 塔羅迷 等等, 只不過將所有野重新用 "聖誕", "童話", "音樂盒" 的主題包裝得靚一靚, 再加埋一開 CD 盒就聽到聖誕歌, 仲俾埋剪紙公仔你摺埋個千嬅音樂盒, 真係玩 theme 玩到出哂面.... (閱讀全文)
界. 賭.
開始
2002.11.28 :: 星期四
有時諗下諗下都唔知點開始好... 算啦 , 就求其搵日開始啦 !
原來今日係美國的感恩節, 雖然同我無乜關係 (又唔係加拿大的感恩節...), 但都感謝主創造左呢個咁美好 (雖然唔完美) 的世界...
爭氣女人之苦...
2002.11.21 :: 星期四
有時有d 歌一聽就好似附身咁, 聽完一次又一次又一次, 總之聽到部機無電才罷休. (好多) 陳輝陽的歌就有咁o既本事, 令你如著魔地想聽下去. 剛拎起容祖兒的新歌 爭氣, 發現又是輝陽同林夕的作品, 自然又要再三細聽啦.
(閱讀全文)