譚生的手作仔

追悼一個人, 默哀一分鐘而已, 犯甚麼法? 是悼念一個十惡不赦的殺人犯? 還是悼念一個曾經有過不少功德的人士吧?  跟本不知所謂. 

更不知所謂是那些所謂追求穩定的政客, 連容納不同聲音也不容許, 只懂得見風轉舵, 心中真為投票給這些人渣的市民傷心. 

願有風骨的朋友好好安息吧, 你的犧牲不會白白浪費的.

我有回應!

早幾日o係新聞組見到有新 ipod, 立即走上 Apple 網站睇睇係乜料. 不看由是可, 一看簡直驚為天人. 邊度搵到部 mp3 機係咁 elegant 咖 ? 係, 韓國台灣的 mp3 機已經是平靚正 , 又彩 mon 又大memory 又平, 但完全沒有一部俾我好似 ipod shuffle 一般令人 shock 的感覺. 以 $780 512MB 的售價來講, 委實非常便宜. 其實, 錢不是最重要, 最重要是那種高貴大方; 你說它沒有 FM, 沒有錄音, 沒有 mon 嗎 ? 我有獨一無異的 iTunes. Apple 的我行我素而又令人死心塌地的追隨, 我現在確是深深的體會.

再看看那一部 mac mini 吧. 對 mac 友來講, 只是一部沒有 mon 的 iBook, 硬件之差實在無話可說; 但對我等 pc 友再說, 就有個深層意思: 你找一部 desktop pc 機一樣大小吧 ! 除了 notebook 之外, 你跟本找不著一部 desktop barebone pc 是這樣大小, 又這樣 elegant. pc 機箱之醜已是現實, 而為了 interoperability 就要 physical size 將就一下, 因此 mac mini 出現實在令人耳目一新, Steve Jobs 的 BYODKM (Bring Your Own Display, Keyboard and Mouse) vision, 加上三千多元的售價, 實在令 pc 友躍躍欲買一部放o係廳玩下.

現有 5 個回應

王家沙在香港都開了幾間分店, 點解要特地提係太古城呢?

一來是剛剛開的, 二來之前去過旺角那一間, 雖然感覺無 openrice o個度講得咁負面, 但委實普通得緊要, 要排隊的話我就不會餐風宿露去等, 反而這一間就值得一提.

我有回應!

一套我最喜歡的百老匯歌劇, 前前後後在舞台看過四次, Micheal Crawford 及 Sarah Brightman 的 Original London Cast 真是聽了幾年從不厭倦. 不過 Phantom 歌劇 從來沒有出版過任何影像產品, 只是由原著改篇的電影, 對於我等影迷當然不滿意. 現在終於等到了, 自然喜出望外, 當然亦第一時間去戲院看.

看完, 心情有點奇怪, 好看, 不算好看, 差, 卻又不算是差, 可能是因為心情太期待了, 反而覺得很失望.

其實歌劇改電影可以很好看的, 前有 Evita, 後有 Chicago, 都是我非常喜愛的. 最值得鼓掌的始終是音樂, 配樂都是由 Webber 重新編寫, 增加了不少枝節, 音樂感非常豐富. 女主角 Emmy Rossum 的表現稱職, Gerald Butler 雖然唱得差強人意, 都總算可以接受, 況且其餘枝葉演員唱功不俗, 算是滿意. 電影內的服裝, 化妝及道具等都相當講究, 漂亮而且華麗. 問題在於, 電影的攝影及技巧流於粗疏, out focus 及呆板的鏡頭運用比比皆是, 白白浪費了上面的 effort. 此外, 不知道是 JP 戲院的問題還是電影跟本是如此, surrond sound 似乎完全不察覺有, 而且更有少許甩咀情況 (上次看 Matrix: Revolutions 最緊張關頭居然音響系統壞掉, 害得要投訴補票再看一次).

不過呢, 以我等超級 fans, 在 DVD 出版時一定會擁有一隻. 話唔定在家開個 Karaoke party 都好!

按下全文有提及電影內容...

我有回應!

今年又到最後一日, 但就在今年完結前大自然卻選擇摧毀了成千上萬人的家園, 奪去了十數萬人的性命作結束.  說是諷刺也好, boxing day 拆開的禮物竟就是帶給無數人傷痛的 pandora's box, 像無遠弗介的邪惡籠罩大地.  早前看過的明日之後, 歷歷在目, 簡直令人不寒而慄: 尤其是事件發生在香港人的後花園泰國, 你和我總會去過一兩次布吉, 又總會走過巴東的大街, 想一想, 可能一念之間你也會在這時這刻身在此處.  雖則生死有命, 但不禁亦倒抽一口涼氣.

說真的, 我們可以做甚麼呢? 真是除了口袋裡的金錢作賑濟之外, 我們也很難可付出甚麼.  不如在這裡我們作一個小小的祈禱:

願所有遭逢意外死去的人得以安息
願所有死去親友的人心靈可早日平伏傷痛, 重新振作
願大家有能力的, 都可以出一分力協助你身邊的人
願大家愛護自已至親的人, 因為你不會知道他們何時離你而去
更願大家愛惜自己居住的地方

點點燭光

我有回應!

在香港站"執"到這張VCD+CD.

真是執的, 不用金錢, 代價係, 請你用心地聽一聽, 看一看. 看完聽完, 這個佳節你都會更開心.

內裡不是好紅的歌星, 充其量, 梁漢文鄭伊健而已; 說的不是大條道理, 只是叫你, 抱抱身邊人而已.

就在這個普天同慶的日子, 抱抱你所愛的人吧!  Merry Christmas!

我有回應!

你見過拆橋嗎? 今日有幸見到, 我諗你都好難有機會見. 雖然, 只係一條荒廢了好普通的行人天橋, 但拆下來都要勞師動眾, 而且出動到一架大力士呢.  師傅話下面呢架車足足可以吊起 500 噸的物件, 呢條橋只得 20 噸, 濕濕碎喎.

我有回應!

想起都覺得很攪笑, 我為了環保一點, 貴一點買慳電膽, 開少幾晚冷氣, 買高能源效益的電器, 想必可用少一點電力, 換來的就是電力公司嫌賺錢不夠, 覺得自己肚滿腸肥還不夠, 要一再加價作為各位港島市民的懲罰. 大家記得要準時貢獻祭品俾李先生呵.

我有回應!

去了聽首場達明. 好明顯地: 我老了, 太懷念那段日子, 所以聽得十分開心.

入場時派了一份場刊, 簡體字的, 看的辛苦, 不過作為二十周年的全記錄, 而且, 很久已沒有演唱會會派場刊, 當然欣然接受.

舞台佈置成一個恐龍骨模樣, 是否來聽歌的, 台上演出的, 都是絕了種的超越恐龍化石呢 ?

一開場劉以達走音的唱出 "鄧小平", 全場哄動. 歌詞之啜核 (雖然人名已經全部 out 哂) 抵死, 非曾經經歷過那段日子的可以理解.  之後的天問, 今夜星光燦爛, 溜冰滾軸等等, 十多年前中學時代滾瓜爛熟的歌曲到現在, 編, 曲, 詞等仍然覺得非常潮, 非常有型, 可見達明的品味及一班作詞人的功力.

演唱會本身已無甚麼可以挑剔, 要聽的, 要睇的, 要講的都在這裡. 還記得早時有呼籲叫人穿制服入場, 我要對不起, 我無做到, 但發現真有很多人 "盛裝" 出現, 有位姐姐仔仲著住老麥叔叔的制服呢!

楊千嬅作第一晚的嘉賓, 都好好笑, 不過佢正經八拍地扮盧海鵬扮撻成一塊唱歌, 就好似有點兒怪.

之後有兩大狀作嘉賓, 奇奇怪怪的, 不過原來原因係話, 早排頭條新聞的幾多周年時大狀又被請去唱呢首在頭條新聞度播放率奇高的 "你還愛我嗎", 所以無論如何都要請兩位大狀再唱一次. 哈, 兩位大狀木木獨獨咁, 其實講野都幾黑色幽默.

最後當然唔少得一輪快歌結束演唱會吧.  講真, 唱過甚麼歌, 我都已經不記得了. 我只知道, 全場觀眾都是少有地情緒非常高漲, 就算是堂座座位的高尚石像貴客無須叫都自動自覺地站起來載歌載舞, 在印象中都只是這個演唱會有此能耐.

其實, 聽這個演唱會並非真是要看甚麼, 但一個組合, 經歷廿年的歷史, 只推出過五張全大碟, 而能在香港流行樂壇佔一個重要的地位, 更要歷久不衰, 達明的成就始終都是超然的.

當然, 你更可以說, 在 80/90 年代這個香港光輝的一頁, 大家都寄予無限的回憶: 聽到天問, 你可曾記得那個波瀾壯闊的時刻? 聽到今夜星光燦爛, 你可會覺得最後一句歌詞就正正是一個預言? 聽到溜冰滾族, 你又可曾記起年少時的輕狂?  這些這些, 都不是穿屎的番薯可以理解的.

現有 1 個回應

哈哈, 間唔中總會有d 咁o既無聊人, 咁都俾人話, 真係一笑置之.  不過當然, 言者無心, 我自問應該打多兩隻字o既, 如果我話 <就算無錢都唔好咁坐法> 就無人會話啦, 有時手快快真係唔係咁好, 唉.  不過當然, 我鍾意點講係我自由, 人地無錢固然唔關我事, 我點答人都唔關呢d 咁o既狗事啦, 對嗎 ?

至於其他指責, 太無謂了... 佢起碼做番我同樣一樣o既野出黎先插我啦, 笨.

"小譚" <me@home.com> 撰寫於郵件新聞:41aec394$1@newsgroup.com.hk...
> CI = 中華, 經台北 , 你無錢都唔好咁坐法
>

條!!知你含家富貴喇!!人地無錢關你狗事!!
人地排隊換平機票又俾你笑!!問華航機又俾你話人窮!!
知你巴屎閉!!去日本走狗國幾十萬次!!身家幾十億!!
你果d所謂垃圾faq完全無用!!成日以為自己一本faq睇到老!!學下其他谷果d高手咩叫謙虛同耐心啦!!
豬頭!!你都唔係第一次俾人插屎忽!!自己反省下你d做人態度啦!!豬頭!!

以前某人在新聞組上唔覺唔覺幫人出機票, 有時都覺得有點那個 (某人可以不同意我所講, 但我絕對專重你), 而家某日遊網站都攪埋幫人出機票訂酒店搵行程的生意, 雖然做生意絕對無可厚非, 而且確實有人有需要, 但一個原本由 community 支援的網站都變了質 , 究竟是好事還是不好事 ?

我從來攪自己的網站都不想收任何費用, 亦無打算要人賣廣告, 清高 ? 係卦, 我身家幾十億嘛, 部電腦幾錢唔駛問啦, domain name, fixed IP, 就算長開 24 小時的電費亦不少, 換來無用的指控, 有時真係幾 pissed off.  當然, 呢樣係我o既興趣, 我都唔會無啦啦 shut down 左佢o既, 不過, 係咪係時候收聲呢 ?

我有回應!