譚生的手作仔

又見樓市大好友唱好樓市, 呢回係大角咀同牛池灣, 兩個原則上係舊區中的舊區 (大角咀奧運站那邊還好少少, 牛池灣就真係...), 樓市大好友點石成金的能力真要睇睇.

我談不上有甚麼入市評論, 自從有年差錯腳跌入大陷阱仲要俾人話我 "早就講左啦" 之後, 對買樓絕無半點興趣, 別人是升是跌是死人塌樓都與我無干. 我老媽仲要一日到黑冤住要我買樓, 真係麻鬼煩, 要買你自已買飽佢, 唔關我事.

現有 3 個回應

終於流言成事實, palm 始終要投靠 Microsoft. PalmOS 終於完成了其歷史任務回歸天國. 陪伴多年, 由 Palm III, 到兩部 Clie, 到 Treo650, 現在終於要面對邪惡的 Start button (我知而家的 PPC 無 Start button, 我都玩過幾萬元一件的 PPC, 成枝槍咁, 感覺很麻煩), 心裡滿不是味兒.

可能, 下次換機時, 就要學網友般返樸歸真了.

我有回應!

早前我提過部 Mac Mini 用來做 server 呢, 現在終於完成了.

相比之前我用部 P4 來做 server, 無可否認部 mini 跑得比較上慢少少, 但其實絕大部份時間都不是太慢, 而且在我的立場來講優點比用我的 P4 更多.

1. Mac OSX 是源自 BSD Unix, 因此網絡應用及穩定性一定比 Windows 強.
2. OSX 已經附上 Apache, PHP, mail server 等等網絡應用軟件, 只要作少少修改就可應用, 再者, 網上免費及開源軟件之多, Windows 實在難以比美 (當然, 在 Windows 上要錢的軟件多的是, 但非商用的話沒有需要)
3. Mac OSX 的外在介面易用, learning curve 無正式 Unix 的那樣高.
4. 整部 Mac Mini 所 consume 的電力只要 85 W 或以下, 就算加上我外置的硬碟機, 都跟一粒 P4 不相百仲 (留意我是講一粒 P4), 故此 24 小時長開所產生的熱力及花費的電力都較少.

因此在我來講 Mac Mini 用來作家用的 server 是非常化算的. 下面是我在 setup 個 server 時的小小心得 (以下的比較上 technical, 無興趣的朋友不要看了).

現有 8 個回應

.

早幾日講中樂洋用, 而阿詩卻將老掉牙的梁祝故事 rock 化洋化, 加入不少現代的元素, 世界真是 cross-over 得很有趣.

梁祝下世傳奇是呼應阿詩剛完成的舞台劇（可惜錯過了）, 將梁祝的故事斬件上檯, 你說是舊瓶新酒也好, 音樂方面是相當精彩的, 是近月來難得的正斗 CD.

 (閱讀全文)

我有回應!

人無乜幾多個二十年, 因此只此一場的太極二十周年演唱會就更覺得珍貴.

問我好唔好睇, 我當然話好睇啦, 而家香港仲有幾多 band? 想想那個火熱年代, 我還是十幾歲最熱血之時, band sound 的熱潮最頂沸, 隨手拎起的, Beyond, 太極, 達明, Raidas, Blue Jeans 等等, 無不是獨當一面, 或係令人極度懷念; 現在 Beyond 收了工, 太極七子每一個都有自己的工作, 新的樂隊真是除了 Ping Pong 叫作有點迥響之外 (其實有一半係 Kary 的功勞...), 香港的 band sound 只靠一班老人家支持著, 都算幾可悲.

我有回應!

我都算是半個在灣仔大的人, 整個中學時代都在灣仔渡過, 之前幾年又在灣仔居住, 雖然現在已搬往別處, 但仍然經常在灣仔蒲. 這裡有熟悉的店舖, 有熟悉的街坊, 一草一木（雖然草木在灣仔是比較稀有的！）都彷彿有些感情, 因此對這裡的消息都特別留意.

如果大家在灣仔讀書的話, 一定曾經在集成中心二樓老麥的走廊 "箱座" 留過不少歡樂時光. 自從老麥棄守二樓之後, 這邊就一直閉關著, 直到最近才見天日. 重開後, 除了間了幾間店舖外, 走廊卻成了一個不一樣的... 展覽廊.

我有回應!

今日經過日本 iTunes Music Store, 見到浜崎あゆみ的新 single, 立即下載了新歌 HEAVEN 聽聽. 是久違了的慢歌, 不錯不錯, 只嫌悶了少少. 不過, 有一點很有趣的, 是伴奏加入了中樂的元素, 看來十二樂坊仍有餘威呢.

我有回應!

有時有d 野真係幾邪, 在加拿大時跟朋友講要部 iPod mini, 佢話好快 mini 就會轉款, 因為 mini 好耐都無貨番, 而且都追唔到貨. 我一直半信半疑, 因為一來 mini 剛轉款轉容量不久, 我仲買了一部俾細佬; 二來我亦留意溫哥華有碼頭工人罷工, 好多貨都走唔到, 因此我相信其實係 logistics problem. 但現今見到 iPod nano, 造工設計都非常精緻, 令人嘆為觀止, iPod mini 真係死得眼閉.

不過 2G 及 4G 的容量似乎又好似有點不及. 剛剛的起心肝執好個 Music Library, 發覺唔多唔少, 都有 10G 的歌, 現在才真正明白 20G 以上的 iPod 的用處 : 帶你整個 Music Library 出街, 而非一個 "mp3 player" 咁簡單. 咁我會唔會買多部 iPod ? 諗下先啦. 不過, 我卻覺得自己鍾意 iPod 的 Accessory 所以先會去買部 iPod 多過 iPod 本身呢.

Update: 今日o係皇室堡見到 nano 真身, 真係好細, 細得好緊要, 其實只係比我個 shuffle 略大o者, 拎住佢真係愛不釋手. 十分鐘之內已經見到三個人買了走了. 真誇.

我有回應!

心想香港人真可愛, 真金白銀俾錢入場做白老鼠都制.甚麼排兩個鐘玩兩分鐘呢 d 野跟本係陪伴著 Disney 成長咖啦, 你仲要去全世界最細o個個 Disney, 又要係未正式開幕的, 真係未死過. 未去過 Disney ? 咁你快d 長大啦, 我去過一次 LA 的 Disney 就已經無任何興趣再去了. 香港人一箱情願覺得 Disney 係一件好事, 我從來都唔覺得係, 或者好事係起碼東涌線會多幾班車罷了?

Update (7/9): 我們的唐司長真有見地...

現有 1 個回應